Amosi 8:8 - Wunta Mempori

⁸ Kombake ta mondidi-ndidi tolino hangano mongkona atuu, ranta sompo palilino mpompemasusa? Kombake ta mewuatako asa wawontolino kana Koro Nili, tewawa-wawa ngkoraane-ngkoramai ka i'amba tenono mbo'u kana Koro Masiri?”

Amosi 8:8 ပူးပေါင်းရင်းမြစ်များ

Po'unde-unde 18:7

A laro ma'isoaku, mebooli aku ndi Ondae i Ue, ndi Ondae Ue Alaku, kupebooli mepetulungi. Inso a raha-Do Dorongeo suaraku, pebooliku mepetulungi hawe a biri-Do.

Yesaya 5:25

Onaemo pu'uno, tesingkaomo tekuda-Do i Ue a bawaa-Do, kae-Do Dopotiio ndi ondae ka Dotunduhi ira; torukuno mpondidi-ndidi, ka wata ngkoroido kana ta'i a ntonga nsala. Maupo gagiomo luwuno andio, tekuda-Do napi temonto, ka kae-Do kongkono pinotii.

Yeremia 12:4

Opiapo mbo'u tempono itedoa mokari wita andio, ka ewo a luwuno pada moleu? Hangano mosa'o poweweudo palilino kondehora ka manu-manu pingko tampula, hangano mpotaedo, ”Nahi Ira kumita kita poko'ariano anu umalu kita!”

Yeremia 46:7

Isemake andio anu lulua kana koro Nili, kana luwuno korono uwoino mebunde?

Yeremia 46:8

Onaemo atuu Masiri, lulua kana Koro Nili, kana luwuno korono uwoino mebunde. Ipotae: Ineheku lulua tumutuwio tolino, mepateo kota ka palilino.

Yeremia 51:29

Tolino lelu ka mondidi-ndidi, hangano tinoo-Do i Ue te'aro i Babeli kontongaano inangga, ta wineweu wita Babeli gagi londa nahina palili.

Danieli 9:26

Umarino nomo pulu ka orua meluka opitu tempo atuu asa mia anu inurapiomo ta tinadi, kahinaano nahina salano. Palilino asa mokole anu ta hawe, ta mokotampulao kota ka po'ianga mempori atuu, sine mokole atuu ta mate a laro lolowi. Hawe a tampulaano wawontolino ta hina peteaa ka poropua kana anu pinakosiomo.

Hosea 10:5

Palilino Samaria mpondidi-ndidi, medanggaraakono ana nsapi Beti-Aweni. Mentee ntu'u, palilino ira mpompemasusaakono, ka luwuno sando mpesombano ira mensabangio, hangano marambano meliahakoomo inso ndi onae.

Hosea 4:3

Onaemo pu'uno wita andio ira pompemasusa, luwuno palilino ta me'i'isei; luwuno kondehora i tongampada ka manu-manu i laro meene, maupo luwuno bou a ntahi mbo'u ta tepumpu mate.

Amosi 8:10

Aku balio porame-ramemiu gagi po'inombo, ka luwuno penanimiu gagi ponsabangi. Aku mokonao sawu po'inombo a sompo tonga ka mokolondao sompo ulu. Aku weweuo kana mo'inomboako ana asa-asa, ranta poko'ariano kana oleo anu tedoa mopa'i.”

Amosi 9:5

Ondae Ue Alano luwuakoano, Ondaemo anu dumanggio tolino ranta ka itelelu, ka luwuno palilino mpompemasusa, asa wawontolino mewuatako kana Koro Nili, ka tenono mbo'u kana Koro Masiri.

Nahumi 1:8

maupo a laro mowo anu umaluo. Dopingko ira ntu'u po'iangado anu me'ewa, ka iwali-Do Dosaario a laro wongi-wongi.

I MATIU 24:30

I tempo atuu ta tengkita petondoni-Do i Ana Manusia i langi ka luwuno tongku i tolino ira mposabangi ka mengkita Ira i Ana Manusia aiwa a wawo nseru i langi saru luwuno pabawa ka maramba-Do.