Amosi 8:2 - Wunta Mempori

² Ka Do'amba mepau, ”Hapake kinitamu, Amosi?” Kusangki Ira, ”Asa baki me'ihi hadio rupa wua anu motaha.” Mepau Iramo i Ue ndi ongkue, ”Poko'ariano haweomo a bawaa-Ku Isaraeli. Nahi Aku umampuni ira mbo'u.

Amosi 8:2 ပူးပေါင်းရင်းမြစ်များ

Tegagia 6:13

Mepau Iramo Ue Ala ndi Noho, ”Kuputusiomo mokotampulao tuwudo luwuakoano anu tuwu, hangano tolino bukeako pobobarasaido. Kanandio-andio, Aku mokotampula ira meronga saru tolino.

Yesaya 28:4

Peramba-rambado anu ntekokosi, bunga anu mompu'u moleu atuu, anu po'iangano mantande a wawo lembono anu mewalo, ta gagi kana wua ara anu tese'eluomo motaha se'eluno tempo motu'i-tu'i; isema anu kumitao tumampu'u tumeleo mansano umopuakono kaeno.

Yeremia 40:10

Ongkue rodo i Misipa ka kupentade i arodo to Kasidimi anu ira mehawe ndi ontae. Sekono omiu, pumpuomo koa wua anggoro, wua ngkeu kaanga ka lana, ka i'amba menaao a laro mponaapa, ka impo'iamo a luwuno kota anu pinabawaimiu.”

Yeremia 5:31

Luwuno nabi mpompau anu ta gagi nahi mentee ka luwuno sando mpesomba mpetewawa po'ehedo, ka bawaa-Ku inehedo mongkona anu kanatuu! Sine, hapa anu komiu mpoweweu, tewala hawe oleo tampulaano?

Ponsabangi 4:18

Domempadasoo pelempamami, ranta nahi kimpokompesala a luwuno tanalapamami; umpedaomo tampulaano tumuwumami, sompoomo oleo ntumuwumami, oo, haweomo tampulaano tumuwumami.

Yehesikieli 12:23

Onaemo pu'uno pauako ira: Kanandiomo pau-Do Ue Ala: Aku mokompenaa-naao pasinggiri andio ka mia nahi ta pauo mbo'u i Isaraeli. Sine, pauako iramo: Tempono umpedaomo ka sompo pongkita ta gagi.

Yehesikieli 29:8

Onaemo pu'uno kanandiomo pau-Do Ue Ala: Mentee ntu'u, Aku mompotii ponai ndi omue ka mokotampulao mia ka kondehora inso ndi omue

Yehesikieli 3:10

Umarino atuu Ondae mepau ndi ongkue, ”Hei anano mia, pekokoongakonomo ka rongeomo luwuno pau-Ku anu Aku mohaweo ndi omue.

Yehesikieli 3:7

Sine, suku Isaraeli nahi dobehe mperorongeakomu, hangano nahi domebehe mpomperorongea-Kune, hangano luwuno suku Isaraeli memotea ulu ka motea aroa.

Yehesikieli 7:6

Tampulaano aiwa, tampulaamu hawe. Onae mewangu umewaiko; kitao, onae haweomo!

Yehesikieli 8:12

Pau-Do ndi ongkue, ”Nde ukitaoke, hei anano mia, hapa anu wineweudo mia memota'udo suku Isaraeli a laro wongi-wongi, singge mia a laro bolongko po'iangano luwuno ngginorido? Hangano, dompotae: Ondae i Ue nahi Dokita kita; Wita andio Dobintaomo i Ue.”

Yehesikieli 8:17

Ka Do'amba mepau ndi ongkue, ”Nde ukitaoke atuu, hei anano mia? Kara-kara kodeike atuu a nsuku Yehuda meweweu ira wineweu mokoburu anu domeweweuo i ndi'ai? Hangano, wita andio domebuketiakono pobobarasaia ka mokontesingkao mpiha tekuda-Ku. Mentee ntu'u, ondae mpelelu nahi penunu i aro-Ku.

Yehesikieli 8:6

Pau-Do ndi ongkue, ”Hei anano mia, nde ukitaoke hapa anu wineweudo, luwuno wineweu tedoa mokoburu anu wineweudo suku Isaraeli i ndi'ai, ranta Ongkue asalakono me'olaiako inso a mpo'ianga mempori-Ku? Tendeano kokumitao luwuno wineweu mokoburu anu lalu langkai mbo'u.”

Hosea 9:7

Haweomo luwuno oleo pohukua, haweomo luwuno oleo pombaloa, asalakono ka ito'oriomo Isaraeli, ”Nabi onaemo mia benge-benge, mia anu bukeako penaa onaemo mia mekombe!” Tendeano hangano langkaino salamu ka lansarano pe'iwalimu.

Amosi 7:8

Ka i'amba mepau Iramo i Ue ndi ongkue, ”Hapake anu kinitamu Amosi?” Sumangki aku, ”Koloro pompokomoleo!” Mepau Iramo i Ue, ”Menteeano, Aku monaa koloro pompokomoleo i tonga-tongano bawaa-Ku Isaraeli; nahi Aku umampuni ira mbo'u.

Amosi 8:1

Ndiomo anu Dopopokitao Ue Ala ndi ongkue: Tengkitaomo asa baki me'ihi hadio rupa wua anu motaha.

Mika 7:1

Masola akumo ntu'u! Hangano teweweuku kana puu mpobini wua umarino popumpua wua tempono motu'i-tu'i, umarino po'opua mbo'u wua anggoro: nami hina mbo'u wua anggoro ta kinaa, ke wua ara anu ineheku.

Sakaria 5:2

Motae mala'eka atuu ndi ongkue, ”Hapake anu kinitamu?” Sangkiku, ”Kukitao asa paluluno wunta anu menee; ondauno rua pulu hiku ka molueno hopulu hiku.”