Amosi 7:7 - Wunta Mempori

⁷ Ndiomo anu Dopopokitao ndi ongkue: Tengkita Iramo i Ue mentade a wawo rere watu anu sinongkaako koloro pompokomoleo, ka a ngkae-Do hinao koloro tida.

Amosi 7:7 ပူးပေါင်းရင်းမြစ်များ

Tegagia 28:13

Mentade Iramo Ue i horino ka mepau, ”Ongkuemo Ue, Ue Alano i Burahima, uempu'umu, ka Ue Alano i Saki. Wita pepomboleamu andio Aku weeakomu ka a inulemu.

2 Samueli 8:2

Onae numangi ira koa mbo'u to Moabi. Itena ira mpepombole a wita ka isongkaako ira koloro. Isongka ira pendua ondauno koloro anu ta pinepate ka asa ondauno koloro anu ta pino'inee tuuwu. Kanatuumo to Moabi mpetenunu ndi Daudi ka asalakono pompesombaako peki'ue.

2 Mokole 21:13

Aku padindio koloro posongka i Yerusale kana i Samaria ka koloro pompokoleo kana a nsomborino i Ahabi. Aku pahihio Yerusale kana molodui sempe, lumoduio ka i'amba waliteo.

Yesaya 28:17

Aku weweuo moleoa gagi koloro posongka, ka menteea gagi koloro pompokomoleo; usa watu ta rumoahio morina pepekaduduia anu nahi mentee, ka uwoi ta molomoo pewuniamu.”

Yesaya 34:11

Manu-manu undani ka landa anu ira mpo'iangario, manu-manu koa ka manu-manu paa-paa anu ira mpo'ia i larono. Ondae i Ue Ira mompadindiakono koloro posongka powawa marisua ka watu pompokomobea ka imooa.

Ponsabangi 2:8

Doputusiomo i Ue Ira rumawoo rere watuno ana beine Sioni. Luwuno Dosongkaakono koloro posongka, ka nahi Dodiio kae-Do ka Dorawo-rawoo. Doweweuo bente ka rere watu po'inombo, luwudo mpe'isei.

Yehesikieli 40:3

I ra'aimo Dowawa aku. Kitaomo, hinao mia anu tengkita kana mala ka a ngkaeno hinao koloro lena saru tuko posongka. Onae mentade a mpewowa langkai.

Amosi 7:6

Ka Do'amba i Ue balio tinoo-Do mongkona pohuku atuu. ”Ndio mbo'u nahi ta gagi,” pau-Do Ue Ala.

Amosi 7:8

Ka i'amba mepau Iramo i Ue ndi ongkue, ”Hapake anu kinitamu Amosi?” Sumangki aku, ”Koloro pompokomoleo!” Mepau Iramo i Ue, ”Menteeano, Aku monaa koloro pompokomoleo i tonga-tongano bawaa-Ku Isaraeli; nahi Aku umampuni ira mbo'u.

Sakaria 4:10

”Ondae anu amba-ambano mpe'uru-uruo pompu'uano anu mengkode-kodei, ira mpo'unde mengkitao watu bininiki a ngkaeno i Serubabeli. Ka opitu hulu atuu, onaemo mata-Do i Ue, anu mensiroio asa wawontolino.”

MENGKAAA 11:1

Ka i'amba wineeako akumo asa mpole balo, kana tuko posongka tadeno, saru luwuno pau kanandio, ”Pentademo ka songkaomo Raha Mempori-Do Ue Ala ka meda pontunua pesomba ka ondae anu mpesomba i larono.

MENGKAAA 21:15

Ka onae, anu mepauakune, hinao aasa tuko posongka inso a wulaa ta sumongkao kota atuu saru luwuno pewowa langkaino ka rere watuno.