Amosi 7:17 - Wunta Mempori

¹⁷ Onaemo pu'uno, kanandiomo pau-Do i Ue: Beinemu ta mebelesu i kota, ka luwuno anamu tama ka beine ira memateako ponai; witamu ta tinia-tiaako koloro posongka. Omue komate i wita anu mokoburu, ka to Isaraeli manasa ira melako inso i witado gagi mia tinadi.”

Amosi 7:17 ပူးပေါင်းရင်းမြစ်များ

2 Mokole 17:6

Ia ta'u ko'osio poparentaano i Hosea, mokoledo to Asuri mongko'alao Samaria ka wawa ira to Isaraeli a pontadia i Asuri. Ipoweeako ira po'ianga i Halahi i wiwi ngkoro Habori i Gosani, ka a luwuno kotado to Madai.

Po'unde-unde 78:55

tempono Dosaari ira tongku inso i arodo, tumia-tiaako ira wita pusaka mompake koloro posongka, ka tumena ira suku Isaraeli mpo'iangario luwuno kemado atuu.

Yesaya 13:16

Nana'ote kodeido ira mempinirego i arono matado, luwuno rahado ta merinontu ka kombiado ira mempinewowaliako.

Yesaya 22:18

ka kupaluluko moroso gagi asa mpalulu ka lumundiko kana golu a wita anu tewile malua; i tu'aimo komate, ka i tu'aimo po'iangado kareta pompelangkai ndi omue, hei omue mokoko'iiado somborino uemu!

Yeremia 14:16

Tongku anu dompompauako ira anu ta gagi ira mempinetadiako a luwuno sala i Yerusale hangano mokoninggoa ka ponai. Nahina mia anu ta kumaburu ira, moiko ondaedo, kombiado maupo luwuno anado anu tama ka beine. Kanatuumo Aku umuwuako ira poweweudo anu mosa'o ndi ondae.”

Yeremia 20:6

Ka omue, Pasuri, ka luwuno mia anu mpo'ia i rahamu, komiu mewinawa gagi mia mentinawa hawe i Babeli. Omue komate ka kinaburu i ra'ai, omue ka luwuno sambe'emu anu upompauako iramo anu ta gagi nahi mentee.”

Yeremia 28:12

Umarino Nabi Hanania puduo keu ponsela inso a banga we'uno Nabi Yeremia, haweomo pau-Do i Ue ndi Yeremia,

Yeremia 28:16

Onaemo pu'uno, kanandiomo pau-Do i Ue: Menteeano, Aku sumaariko inso i wawontolino. Ta'u koa mbo'u andio omue komate, hangano upaleleomo pe'ewa ndi Ondae i Ue.”

Yeremia 29:21

Kanandiomo pau-Do Ueno luwuakoano, Ue Alado to Isaraeli, mongkona i Ahabi anano i Kolaia ka i Sedekia anano i Ma'asea, anu mompau anu ta gagi nahi mentee ndi omiu a nee-Ku: Menteeano Aku meweengako ira a ngkaeno i Nebukanesa, mokole i Babeli, anu ta mepate ira i arono matamiu.

Yeremia 29:25

”Kanandiomo pau-Do Ueno luwuakoano, Ue Alado to Isaraeli: Omue mo'oliwikomo wunta a neemu omuemu a luwuno palili anu mekongko i Yerusale, onaemo ndi sando mpesomba Sepania anano i Ma'asea ka a luwuno sando mpesomba, unino:

Ponsabangi 5:11

Ondae mpedada mewowaliako ira beine i Sioni ka ana beine a luwuno kota i Yehuda.

Yehesikieli 4:13

Ondae i Ue mepau, ”Kanatuumo to Isaraeli ira mpongkaa kaanga anu mokoburu i olodo luwuno tongku ba isua Aku tumadi ira.”

Hosea 9:3

Nahi ira mpo'ia mpiha i wita-Do i Ue. I Eparai asalakono mekule i Masiri, ka i Asuri ira mpongkaa kaanga mokoburu.

Amosi 6:7

Onaemo pu'uno, kanandio-andio ondaemo anu amba-ambano ira mewinawa gagi mia tinadi, ka telaloomo maroano pogawedo mia anu mpesana-sanaa atuu.”

Amosi 7:11

Hangano kanandiomo pinauno i Amosi: I Yerobea ta pinepateako ponai ka to Isaraeli manasa ira melako inso i witado gagi mia tinadi.”

Amosi 8:1

Ndiomo anu Dopopokitao Ue Ala ndi ongkue: Tengkitaomo asa baki me'ihi hadio rupa wua anu motaha.

Amosi 9:1

Kukita Ira i Ue mentade umpeda meda pontunua pesomba, ka mepau Ira, ”Tundukiomo ulu karuno temeroku, ranta ka itelelu luwuno montoweano, ka hoao a wawo uludo luwudo, ka Aku mepateakono ponai anu da mentuwu; nahina maupo te'asa mia inso ndi ondae mokompolai ka nahina maupo te'asa mia inso ndi ondae mokompetolahako.

Amosi 9:8

Menteeano, mata-Do Ue Ala te'aro a poparentaa anu tehala andio: Aku mokoropuo inso i wawontolino; Sine nahi Aku rumopuo inuleno i Yako ranta ka ipingko,” kanandiomo pau-Do i Ue.

Mika 1:16

Keruomo ka londao ulumu, hangano luwuno ana mpinehohawamu! Weweuomo ulumu kana londa uluno manu-manu mongkaa anu mate, hangano ondae ira melako a pontadia mebintako.

Sakaria 14:2

Aku pumpu ira luwuno tongku ka dompeteaakono Yerusale. Kota atuu ta pinongko'ala, luwuno raha ta rinontu ka luwuno beine ta pinewowaliako. Entonga inso a mpalilino kota atuu asalakono melako a pontadia, sine anu susuano inso a tongku atuu nahi ta pinokotampula inso i kota atuu.