Amosi 7:11 - Wunta Mempori

¹¹ Hangano kanandiomo pinauno i Amosi: I Yerobea ta pinepateako ponai ka to Isaraeli manasa ira melako inso i witado gagi mia tinadi.”

Amosi 7:11 ပူးပေါင်းရင်းမြစ်များ

2 Mokole 17:6

Ia ta'u ko'osio poparentaano i Hosea, mokoledo to Asuri mongko'alao Samaria ka wawa ira to Isaraeli a pontadia i Asuri. Ipoweeako ira po'ianga i Halahi i wiwi ngkoro Habori i Gosani, ka a luwuno kotado to Madai.

Po'unde-unde 56:5

ndi Ondae Ue Ala, anu pau-Do ku'unde-undeo, ndi Ondae Ue Ala kupompe'ala-ala, nahi kudoito. Hapake anu pinokoweweuno mia ndi ongkue?

Yeremia 26:9

Tembio ka upompau anu ta gagi a nee-Do i Ue saru motae: Raha andio ta kana Silo, ka kota andio ta gagi tekale-kale nahina palilino?” Luwuno palili menggowoo i Yeremia a Raha-Do i Ue.

Yeremia 36:16

Rumongeo luwuno pau atuu, pada ira mambekita saru medoito ka do'amba mpotae ndi Baruki, ”Asalakono katoronga pauako ira mokole luwuno pau andio!”

Amosi 1:1

Pauno i Amosi, asa mia i olodo puu mpopakambi inso i Tekoa, anu kinitano mongkona Isaraeli i tempono i Usia mokole i Yehuda, ka i tempono i Yerobea anano i Yoasi, mokole i Isaraeli, orua nta'u se'eluno leelu wawontolino.

Amosi 7:10

I Amasia sando mpesomba i Beteli, montena mia lumako ndi Yerobea, mokole i Isaraeli, saru pe'oliwi, ”I Amosi moweweuomo tepo'asaa umewai komiu ueku i tonga-tongano tongku Isaraeli; wita andio nahi pokompeteao mbo'u a luwuno pinauno.

Amosi 7:12

Ka i'amba motaeomo i Amasia ndi Amosi, ”Puu pongkita, lakomo, polaimo omue i wita Yehuda! Po'ungkemo pepotuwumu i ra'ai, pompaumo anu ta gagi i ra'ai!

Amosi 7:9

Luwuno pesombaano i Saki Aku mokotampulao ka luwuno po'ianga memporido to Isaraeli ta rinongka, ka somborino i Yerobea Aku umewaiakono ponai.”

Mika 1:16

Keruomo ka londao ulumu, hangano luwuno ana mpinehohawamu! Weweuomo ulumu kana londa uluno manu-manu mongkaa anu mate, hangano ondae ira melako a pontadia mebintako.

I MATIU 26:61

anu motae, ”Mia andio motae: Aku mokobetao Raha-Do Ue Ala ka wali wanguo i larono otolu oleo.”

WINEWEUDO TINENA 6:14

hangano kimerongeomo ipotae, nine Ondae i Yesu, to Nasare atuu, Ira mobangkuo po'ianga andio ka balio gau anu iweeakita i Musa.”