Amosi 7:10 - Wunta Mempori

¹⁰ I Amasia sando mpesomba i Beteli, montena mia lumako ndi Yerobea, mokole i Isaraeli, saru pe'oliwi, ”I Amosi moweweuomo tepo'asaa umewai komiu ueku i tonga-tongano tongku Isaraeli; wita andio nahi pokompeteao mbo'u a luwuno pinauno.

Amosi 7:10 ပူးပေါင်းရင်းမြစ်များ

Tegagia 37:8

Dompotae pepaekompono ndi onae, ”Nde mingkikoke gagi mokolemami? Nde mingkikoke pabawai kami?” Tekense dome'o'aliaakono hangano mo'ipino ka hangano pinauno atuu.

1 Mokole 13:33

Umarino anu gagi mbo'u andio, i Yerobea nahi tebali inso a ntuwuno anu mosa'o atuu. Ipotoro ira mbo'u sando mpesomba inso a mpalili tiano luwuno pongku wita pesombaa. Isemamo koa anu behe ironsoo gagi sando mpesomba i luwuno pongku wita pesombaa.

1 Mokole 18:17

Mansano i Ahabi kumitao i Elia, motaeomo, ”Omueke atuu mia anu sumolangi ira to Isaraeli?”

Yeremia 18:18

Dompotae, ”Aiwamo tompotudao tinooto umewaio i Yeremia, hangano pompaguru nahi ta pingko inso a nsando mpesomba, patudu inso a mia pande monsongka, ka pau inso a nabi. Aiwa tomentunduhiakono pau ka si pinekokoongako sompo pinauno!”

Yeremia 36:16

Rumongeo luwuno pau atuu, pada ira mambekita saru medoito ka do'amba mpotae ndi Baruki, ”Asalakono katoronga pauako ira mokole luwuno pau andio!”

Yeremia 38:4

Ka i'amba luwuno mia pinemota'u mpotae ndi mokole, ”Po'ineeomo mia andio ihinuku mate! Hangano, menteeano pau anu kanatuu onae mokomolusao rosodo sorodadu anu da mentuwu i kota andio ka rosodo palili. Mentee ntu'u, mia andio nahi po'ungkeaono manangaino tongku andio, tendeano masolaa.”

Amosi 1:1

Pauno i Amosi, asa mia i olodo puu mpopakambi inso i Tekoa, anu kinitano mongkona Isaraeli i tempono i Usia mokole i Yehuda, ka i tempono i Yerobea anano i Yoasi, mokole i Isaraeli, orua nta'u se'eluno leelu wawontolino.

Amosi 3:14

”Menteeano i tempono Kuhukuo Isaraeli a luwuno wineweuno mosa'o, Aku mompotiiakono pohuku a luwuno meda pontunua pesombano Beteli. Tandu-tanduno meda pontunua pesomba atuu pinudu ka tedonta a wita.

Amosi 5:10

Dome'o'aliaakono mia anu mongkuahako a mpewowa langkai, ka motewedo mia anu mepau moleo.

Amosi 5:5

Siimo ime'ungkeo Beteli, siimo imelako i Giliga ka siimo impe'asambaliako i Bereseba, hangano Giliga manasa tinadi a mpontadia ka Beteli ta tampula.”

Amosi 7:11

Hangano kanandiomo pinauno i Amosi: I Yerobea ta pinepateako ponai ka to Isaraeli manasa ira melako inso i witado gagi mia tinadi.”

I MATIU 21:23

Ka Do'amba i Yesu mewinso a Raha-Do Ue Ala, ka tempono Dopompaguru i tu'ai mehawe iramo petewawado sando mpesomba saru mia memota'udo tongku Yahudi ndi Ondae, ka dompesikeno, ”Saru pabawa inso isuake Ipoweweuako luwuno atuu? Ka isemake moweea-Komiu pabawa atuu?”

I LUKASI 23:2

I tu'ai mpompu'u iramo tumuluri Ira, dompotae, ”Kimehaweomo, nine mia andio mokontesaa ira tongkumami, ka umonto ira mpo'owahi sima'ulu a Datu, ka mongkona koroi-Do Dopotae, nine Ondaemo i Kerisituu, anu Mokole.”

WINEWEUDO TINENA 24:5

Mengkaaomo ndi omami, nine mia andio onaemo haki lele, asa mia anu mompokomarisu i olodo luwuno to Yahudi i asa wawontolino anu mponto'ori gau, ka nine onae asa mia petewawado mia Sarani.

WINEWEUDO TINENA 5:28

ipotae, ”Kime'onto komiu ntu'u mompaguru a Nee atuu. Sine mengkaa, Yerusale ibuketiakonomo pompagurumiu ka komiu mingki moposuruakami reano Mia atuu.”

WINEWEUDO TINENA 7:54

Mansado merongeo anu Mpobitara agama luwuno atuu, tedoaomo ntu'u mahaki aroado. Onaemo ka domengkoroduo ngisido.