Amosi 6:8 - Wunta Mempori

⁸ Ondae Ue Ala mesumpa Iramo a ngkoroi-Do, kanandiomo pau-Do i Ue, Ue Alano luwuakoano, ”Kumokokowuereakono pompelangka-langkaino i Yako, ka o'aliaako ira benteno; Aku meweengakono kota saru ihino.”

Amosi 6:8 ပူးပေါင်းရင်းမြစ်များ

Tegagia 22:16

Pau-Do, ”Ongkue mesumpa a ngkoroi-Ku,” kanandiomo pau-Do i Ue, ”hangano moweweukomo kanandio, ka omue nahi nanta-nanta meweengakono anamu anu asa-asano ndi Ongkue,

Po'unde-unde 106:40

Onaemo ka itensila tekuda-Do i Ue a bawaa-Do, ka Domokoburuako ira mia-Do.

Po'unde-unde 47:4

Ondae mokompetuundu ira tongku i totono pabawamami, luwuno suku tongku a toto ngkarumami

Po'unde-unde 50:12

Tewala mokoninggo Aku, nahi paraluu Kupauakomu, hangano Ongkuemo me'ueo tolino ka luwuno ihino.

Po'unde-unde 78:59

Tempono Dorongeo Ue Ala, gagi Ira bamburu, nahi Dotarima ira ntu'u to Isaraeli;

Powadi 8:13

Doitoako Ira i Ue onaemo umo'aliaakono wineweu mosa'o; ku'o'aliaakono pompelangka-langkai, pompe'anu-anu, pelelu anu mosa'o, ka nganga buke pe'akala.

Yesaya 28:1

Masolaomo ntu'u ramba-ramba ulu pino'undeakodo anu memolangu i Eparai, ka peramba-rambado anu ntekokosi atuu butu koa bunga anu mompu'u moleu, anu po'iangano mantande a wawo lembo anu mewalo buuke mia anu mokolili ulu hangano anggoro!

Yeremia 12:8

Tia pusaka-Ku gagiomo kana singa a ntobu ndi Ongkue. Ipengaolia-Kune; onaemo pu'uno ka Ku'o'aliaakono.

Yeremia 22:14

anu motae, ”Aku mowangu langkanaeku anu langkai ka luwuno bolongko i wawono anu malua!”, ka i'amba betao ta moweweu pentangoa, umapiiakono keu arasi ka paradao motaha.

Yeremia 22:5

Sine tewala nahi mperorongeakono luwuno pau andio, asalakono Aku mesumpa a ngkoroi-Ku, kanandiomo pau-Do i Ue, nine langkanae andio ta gagi terawo-rawo.

Yeremia 44:26

Onaemo pu'uno, rongeomo pau-Do i Ue, hei luwuno to Yehuda anu mpo'ia i wita Masiri: Menteeano, mesumpa Akumo a nee-Ku anu langkai, pau-Do i Ue, nee-Ku nahi ta mebooliakono mbo'u maupo te'asa to Yehuda a luwuno wita Masiri, ka dompotae, ’A Nee-Do Ue Ala anu tuwu!’

Yeremia 49:13

Hangano, mesumpa Akumo a nee-Ku, kanandiomo pau-Do i Ue, nine Bosora ta gagi boni-boni, tetewehia, terawo-rawo, ka totonaa, ka luwuno kotano ta gagi terawo-rawo nahina tampulaano.”

Yeremia 51:14

Ondae Ueno luwuakoano mesumpa Iramo a nee-Do Ondae-Do: Maupo Kuweweuko bukeako mia kana kosume, sine mia ta mebooliako pohio ponangiamu.

Ponsabangi 2:5

Ondae i Ue gagi kana iwali; Isaraeli Dokaano, rumopuo luwuno po'iangano, rumawo-rawoo luwuno benteno, mokohadioo masusa ka mekohe a ana beine Yehuda.

Yehesikieli 24:21

Pauako iramo suku Isaraeli: Kanandiomo pau-Do Ue Ala: Menteeano Aku kumokoburutio po'ianga mempori-Ku, pabawaa anu pino'undeakomiu, pinemoikono matamiu ka po'eheno sumangamiu. Luwuno anamiu tama ka beine anu binintamiu ira memate ntebangkuako ponai.

Hosea 11:6

Ponai ta me'a'e a luwuno kotado, rumopuo luwuno lansono pewowado ka ta kumaa ira, hangano luwuno tinoodo.

Imama 26:11

Aku numaao Kema Mempori-Ku i tonga-tongamiu ka aroa-Ku nahi ta te'osa kumita komiu.

Imama 26:30

Ka luwuno pongku wita pesombaamiu Aku rumopuo, ka luwuno pontunuamiu dupa Aku mokotampulao. Aku metadiakono luwuno wata ngkoroimiu a wawo luwuno wata ngkoroino lahumoamiu ka aroa-Ku ta te'osa kumitakomiu.

Amosi 3:10

”Nahi domponto'ori mpoweweu anu mentee,” kanadiomo pau-Do i Ue, ”Ondae mpompokonsii ka pobobarasai i luwuno bentedo.”

Amosi 3:11

Onaemo pu'uno kanandiomo pau-Do Ue Ala, ”Iwali ta hina a mpetengi-tengino witamiu, rosomu ta inonini inso ndi omue, ka luwuno bentemu ta pinomuru!”

Amosi 4:2

Ondae Ue Ala mesumpa Iramo a mempori-Do: menteeano, ta hawe tempono ndi omiu nine komiu mediniiako kai ka anu tebinta i olomiu, mompake pomeka bou.

Amosi 5:21

”Ku'o'aliaakono, Kupekodeio porame-ramemiu ka nahi Kupe'eheo tepumpua langkaimiu.

Amosi 8:3

Luwuno penani a mpo'ianga mempori ta gagi ponsabangi ia oleo atuu,” kanandiomo pau-Do Ue Ala. ”Hadio wata ngkoroi. Mia mpetadiakono isua-suamo koa. Penoro-noromo!”

Amosi 8:7

Ondae i Ue mesumpa Iramo a mpo'undeno i Yako, ”Menteeano nahi Aku hori kumolupeo luwuno wineweudo!

Sakaria 11:8

I larono asa wula kuliahakono otolu puu mpopakambi. Ka i'amba nahi kupokompeteao mbo'u aroaku a asa bawaa bembe bimba atuu, ka ondae nte'osa iramo ndi ongkue.

Winali 32:19

Mansa-Do kumitao, nahi Dotarima ira i Ue, tekuda hangano anano tama ka beine.