Amosi 6:2 - Wunta Mempori

² Pe'asambaliakomo i Kalane, ka kitaomo! Pelempamo inso i ra'ai lumako i Hamati anu langkai atuu, ka lakomo i Gati witado to Pelisiti! Nde memoiko irapoke sekono luwuno poparentaa andio, ke maluaopoke witado sekono witamu?

Amosi 6:2 ပူးပေါင်းရင်းမြစ်များ

Tegagia 10:10

A pompu'uano poparentaano onaemo Babeli, Ereki, ka Akadi, luwuno i wita Sineari.

2 Samueli 8:9

Mansano i Toi, mokoledo to Hamati, rumongeo nine i Daudi inangiomo luwuno sorodaduno i Hadadeseri,

1 Mokole 8:65

A tempo mbo'u atuu, i Salomo moweweu pogawea i aro-Do i Ue, Ue Alato, saru luwuno to Isaraeli, asa bawaa anu langkai, mompu'u inso a nsala mewinso lumako i Hamati hawe a ngkoro Masiri, opitu oleo tehineno, ka i'amba opitu oleo mbo'u, luwuno hopulu ka opaa oleo.

2 Mokole 17:24

Mokoledo to Asuri mowawa mia inso i Babeli, i Kuta, i Awa, i Hamati ka i Separawaimi, ka i'amba kuweeako ira po'ianga a luwuno kota Samaria umeu ira to Isaraeli. Luwuno mia atuudo mpetorokio Samaria ka mpo'ia a luwuno kotano.

2 Mokole 17:30

To Babeli mpoweweu tinaha Sukoti-Benoti, to Kuta mpoweweu tinaha Nerigali, to Hamati mpoweweu tinaha Asima,

2 Mokole 18:34

Isua iramo pinesombaido susua i wita Hamati ka Aripadi? Isua iramo pinesombaido susua i wita Separawaimi, Hena ka Iwa? Nde dompotolaomo ke Samaria inso a ngkaeku?

2 Mokole 19:13

Mokole i wita Hamati, mokole i wita Aripadi, mokole i kota Separawaimi, mokole i wita Hena ka mokole i wita Iwa, isua ira ke?”

2 Tawarika 26:6

Onae lumako meteaako ira to Pelisiti ka rumongkao rere watu Gati, Yabine ka Asidodi, ka i'amba wanguo luwuno kota a mpetengi-tengino Asidodi ka ba'opia mpo'ianga a witado to Pelisiti.

Yeremia 49:23

Mongkona Damasi, ”Hamati ka Aripadi pinokoko'iiomo, hangano mporonge ira lele mosa'o; aroado mpondidi-ndidi medoito, kana tahi anu nahi pokorodo.

Nahumi 3:8

Mentee ke omue moikoopo sekono Tebe, kota lahumoado to Amoni, anu mpo'iangano i koro Nili, ka uwoi lumimbuo, tahi kana rereno, ka uwoi kana benteno?

1 Samueli 17:23

Kontongaano mepauako ira, meluarakoomo asa mia anu pinerorohi inso a puu mpeteado to Pelisiti. Neeno i Golia to Pelisiti inso i Gati. Ipauo luwuno pau anu mengkena kana se'eluno ka irongeo i Daudi.

1 Samueli 17:4

Me'umbaakoomo inso i olodo sorodadu Pelisiti asa mia anu pinerorohido, meneeako i Golia, inso i Gati. Ondauno onoo hiku ka asa otuwe.

1 Samueli 5:10

Ka do'amba mewawao Burua Pedandia-Do Ue Ala atuu i Ekeroni. Haweno Burua Pedandia-Do Ue Ala atuu i Ekeroni, mpebooli iramo to Ekeroni, ”Domelimbao Burua Pedandia-Do Ue Alado to Isaraeli ndi ontae, ira mpepate kita saru tongkuto.”

1 Samueli 5:8

Onaemo ka dompontena mia a luwuno mokole i Pelisiti ka dompepumpu. Mpesikeno ira to Asidodi, ”Hapa anu kita meweweuo mongkona Burua Pedandia-Do Ue Alado to Isaraeli?” Mesangki ira mokole, ”Burua Pedandia-Do Ue Alado to Isaraeli asalakono ka ilinimba i Gati.” Ka do'amba melimbao Burua Pedandia-Do Ue Alado to Isaraeli atuu i ra'ai.