Amosi 6:14 - Wunta Mempori

¹⁴ ”Hangano menteeano, Aku wanguo asa tongku umewai komiu, hei tongku Isaraeli,” kanandiomo pau-Do i Ue, Ue Alano luwuakoano, ”ka ira mpokonsii komiu inso a nsala mewinso i Hamati hawe a ngkorono mo'are i Araba.”

Amosi 6:14 ပူးပေါင်းရင်းမြစ်များ

1 Mokole 8:65

A tempo mbo'u atuu, i Salomo moweweu pogawea i aro-Do i Ue, Ue Alato, saru luwuno to Isaraeli, asa bawaa anu langkai, mompu'u inso a nsala mewinso lumako i Hamati hawe a ngkoro Masiri, opitu oleo tehineno, ka i'amba opitu oleo mbo'u, luwuno hopulu ka opaa oleo.

2 Mokole 14:25

Onae wali umalao witado to Isaraeli, mompu'u inso a nsala mewinso i Hamati hawe a ntahi Araba menunu saru pau-Do i Ue, Ue Alado to Isaraeli anu pinohaweomo molalo tetenaa-Do i nabi Yunu anano i Amitai, nabi inso i Gati-Heperi.

2 Mokole 15:29

I tempo poparentaano i Pekahi mokole i Isaraeli, haweomo i Tigalati-Pileseri mokole i Asuri mongko'alao Iyoni, Abeli-Beti-Ma'aka, Yanoahi, Kedesi ka Hasori, Gileadi ka Galilea saru luwuno wita Napatali. Ka i'amba wawa ira palilino a pontadia i Asuri.

2 Mokole 17:6

Ia ta'u ko'osio poparentaano i Hosea, mokoledo to Asuri mongko'alao Samaria ka wawa ira to Isaraeli a pontadia i Asuri. Ipoweeako ira po'ianga i Halahi i wiwi ngkoro Habori i Gosani, ka a luwuno kotado to Madai.

Yesaya 7:20

A oleo atuu saru piso pongkeru anu sinabo olai inso i asatowano koro Eparata, onaemo mokole Asiuri, Ondae i Ue Ira mongkeru ulu ka wulu i olono pa'a, piso atuu ta mokotampulao mbo'u danggo.

Yehesikieli 47:20

I sumooano oleo, tahi langkai onaemo petidaa hawe i asa towano Lebo-Hamati. Onaemo petidaa i sumooano oleo.”

Hosea 10:5

Palilino Samaria mpondidi-ndidi, medanggaraakono ana nsapi Beti-Aweni. Mentee ntu'u, palilino ira mpompemasusaakono, ka luwuno sando mpesombano ira mensabangio, hangano marambano meliahakoomo inso ndi onae.

Amosi 3:11

Onaemo pu'uno kanandiomo pau-Do Ue Ala, ”Iwali ta hina a mpetengi-tengino witamiu, rosomu ta inonini inso ndi omue, ka luwuno bentemu ta pinomuru!”