Amosi 6:13 - Wunta Mempori

¹³ Hei omiu, anu memawongko hangano kota Lodabari, ka anu mpotae, ”Kombake hangano rosoto ontaeto tompoko'alao Karanaimi tiato?”

Amosi 6:13 ပူးပေါင်းရင်းမြစ်များ

2 Mokole 13:25

I Yoasi anano i Yoahasi wali mongko'alao inso a ngkaeno i Benihada, anano i Hasaeli, luwuno kota anu umari pinongko'alano i Benihada a laro mpeteaa inso a ngkaeno i Yoahasi, amano i Yoasi. Pentolu i Yoasi numangio ka wali ipongko'alao luwuno kotado to Isaraeli.

2 Mokole 14:25

Onae wali umalao witado to Isaraeli, mompu'u inso a nsala mewinso i Hamati hawe a ntahi Araba menunu saru pau-Do i Ue, Ue Alado to Isaraeli anu pinohaweomo molalo tetenaa-Do i nabi Yunu anano i Amitai, nabi inso i Gati-Heperi.

Ayubi 31:25

tewala kupo'undeakono langkaino pompoliku ka hangano kaeku mohawe arataa anu hadio ntu'u;

Ayubi 31:29

Nde mo'unde akuke hangano urasa'ono anu umo'aliaakune, ka meboo mo'unde tewala i aluo masolaa?

Ayubi 8:14

anu pinerorohino kana banano kaangga, pompe'ala-alano kana inenano kaangga.

Ayubi 8:15

Onae mehonda a rahano, sine rahano atuu nahi pentade moleo mpiha, onae me'ini ndi onae, sine raha atuu nahi moroso.

Po'unde-unde 2:2

Luwuno mokole ntolino mpepatinda ka luwuno anu langkai potorono ntepo'asa umewai Ira i Ue ka anu inurapi-Do,

Po'unde-unde 75:4

Tolino ka luwuno palilino mpondidi-ndidi; sine Ongkuemo anu mokoroso ira karuno.” Sela

Po'unde-unde 75:5

Kupotaeako ira anu melaba mpau, ”Si melaba mpau.” Ka a mia mosa'o gaudo, ”Si mara mpetandu!

Puu Pontutulu 11:9

Po'undemo, hei mia mongura, a laro monguraamu, po'ineeomo ka imawongko aroamu i tempono umongura. Tondaomo po'eheno aroamu ka pongkitano matamu, sine to'oriomo nine hangano luwuno mongkona andio Ondae Ue Ala Ira wawako a mpebitaraa!

Yesaya 7:1

I tempono i Ahasi anano i Yotami anano i Usia, mokoledo to Yehuda, lumakoomo i Resini, mokoledo to Arami, saru i Pekahi anano i Remalia, mokoledo to Isaraeli ta meteaakono Yerusale, sine nahi pokosapoio.

Yesaya 7:4

ka pauakono, Dagaiomo koroimu ka ikongko momperodo. Siimo doito ka siimo itengkuru aroamu hangano orua tompa api anu me'ahu andio tekudano ntu'u i Resini saru to Arami ka anano i Remalia.

Yesaya 8:6

”Hangano tongku andio nahi domentarimao uwoi Siloahi anu waa me'ara-arai, ka memotewe aroa ndi Resini ka anano i Remalia,

Yeremia 50:11

Maupo impo'unde ka memawongko ntu'u, hei mia anu mporontu pine'ue-Ku, Maupo impelonso-lonso kana ana nsapi a ntonga mpada, ka mpekiili kana ngara lakino,

Yeremia 9:23

Kanandiomo pau-Do i Ue, ”Mia pande mosongka ka si po'undeakono pandeno mosongka, mia moroso ka si po'undeakono rosono, mia kaea ka si po'undeakono kaeano.

Yehesikieli 29:3

Pepaumo ka potae: Kanandiomo pau-Do Ue Ala: Menteeano, Ongkue gagi ewaimu, hei Pirao, mokole i Masiri, buaea langkai anu mepombole i tongano luwuno anano koronomu, ka anu motae: Koro Nili atuu ongkue me'ueo. Ongkuemo anu weweuo.

Yehesikieli 29:9

ranta wita Masiri ta gagi boni-boni ka terawo. Ka ira mento'orio nine Ongkuemo Ue. Upotae: Koro Nili atuu ongkue me'ueo, ongkuemo anu weweuo,

Danieli 4:27

Gagi, oo mokole, po'ineeomo patuduku andio ipemoikoo i aroamiu ueku: ipoweweumo moleoa ka itepotolamo koroimiu inso a hala, ka ipopokitaomo pompehohawa a mia anu tepokonsii. Ba kanatuu me'uraamiu ueku ta motilalo!”

Danieli 4:30

mepauomo mokole, ”Kombake Babeli andio anu langkai, anu saru rosono pabawaku ka tiano marambano potoroku kuwanguomo gagi kota poparentaa?”

Yunu 4:6

A pompakosi-Do Ue Ala tuwuomo asa ngkeu keu hulu-hulu lumaloo uluno i Yunu umengoio, ka itetarero inso a mosa'ono aroano. I Yunu tedoa mo'unde hangano keu hulu-hulu atuu.

Sepanya 3:11

Ia oleo atuu nahi komohawe mokoko'ii hangano luwuno pe'ewa anu wineweumu ndi Ongkue, hangano i tempo atuu Aku meliahako inso i tonga-tongamu luwuno miamu anu mpo'unde a laro pompelangka-langkai, ka omue nami komompelangka-langkai mbo'u torukuno anu pinokomempori-Ku.

Sakaria 1:19

Ka ku'amba mesikeno a mala'eka anu mepau ndi ongkue atuu, ”Hapa pengkonaano luwuno andio?” Sangkino ndi ongkue, ”Onaemo andio luwuno tandu anu sumiarawo ira Yehuda, Isaraeli ka Yerusale.”

I YOHANE 16:20

Kupauakomiu: Menteeano komiu mpengese ka mposabangi, sine wawontolino ta mo'unde; komiu mpompemasusa, sine pompemasusamiu ta bali gagi po'undea.

YAKOBU 4:16

Sine kanandio-andio mpehamba-hamba komiu a laro pompelangka-langkaimiu, ka luwuno pehamba-hamba anu kanandio saala.

MENGKAAA 11:10

Ka ondae anu mpo'ia i wawontolino memawongko ka mpo'undeakono ondae atuu ka mpogawe ka memambe oliwi pompowee, hangano orua nabi atuu gagi bobarasaino luwuno mia anu mpo'ia i wawontolino.

Puu Mpobitara 9:27

Melako iramo ia lere mpopumpu wua anggorodo, domelandao kai tepuro'i, ka do'amba mpogawe. Melako ira a raha mpelahumoaado, mpongkaa ka mpo'inu saru mentotonaao i Abimele.

1 Samueli 4:5

Haweno burua pedandia-Do i Ue a mpekemaa, mpebooli ira luwuno to Isaraeli, tedoa memawongko ranta rende wita.