Amosi 5:5 - Wunta Mempori

⁵ Siimo ime'ungkeo Beteli, siimo imelako i Giliga ka siimo impe'asambaliako i Bereseba, hangano Giliga manasa tinadi a mpontadia ka Beteli ta tampula.”

Amosi 5:5 ပူးပေါင်းရင်းမြစ်များ

Tegagia 21:31

Onaemo pu'uno po'ianga atuu nineeako Bereseba, hangano mia orua ira atuu mesumpa iramo i ra'ai.

Tegagia 21:33

I Burahima mompaho asa mpu'u keu tamarisika i Bereseba, ka i ra'aimo ipoboio nee-Do i Ue, Ue Ala anu nahina tampulaa-Do.

Tegagia 26:23

Inso i ra'ai onae lumako i Bereseba.

Tegagia 26:33

Ka i'amba numeeakono sumuru atuu Sieba. Onaemo pu'uno neeno kota atuu Beresieba, hawe kanandio-andio.

1 Mokole 12:28

Umarino mo'ema patudu, ondae mokole moweweu orua ana nsapi laki inso a wulaa. Ka i'amba motae ndi ondae, ”Sompoomo tehineno imelako i Yerusale. Hei Isaraeli, imengkitaomo pinesombaimiu anu wawakomiu mpeluarako inso i wita Masiri.”

1 Mokole 12:29

Ka i'amba numaao asa sapi wulaa i Beteli, ka sapi susuano inaao i Dani.

2 Mokole 23:8

Luwuno sando mpesomba inso a luwuno kota i Yehuda itena ira me'aiwa, ka i'amba mokoburutio luwuno pongku wita pesombaa po'iangado sando pesomba atuu mpotunu pesomba, inso i Geba hawe i Bereseba. Ihoa ira mbo'u luwuno pongku wita pesombaa a luwuno pewowa langkai anu umpeda a nsala mewinso a mpewowa langkai Yosua, anu pabawa i kota atuu, anu kongko imanggali ba ipewinso mia a mpewowa langkai i kota atuu.

Ayubi 8:22

Mia anu umo'aliaakomu ta mesoumbu mokoko'ii, ka kemado mia mosa'u gaudo nahi ta hina mbo'u.”

Po'unde-unde 33:10

Ondae i Ue nahi Dopokogagio sinongkado luwuno tongku; Ondae umoninio sinongkado suku tongku;

Yesaya 29:20

Hangano mia lambaha ntu'u ta menaa-naa ka puu mpopasinggiri ta pingko, ka luwuno mia anu magasi mpoweweu mosa'o ira mempinokotampula,

Yesaya 8:10

Impotudaomo akala, manasa nahi ta gagi! Impo'alamo tepo'asaa mpau, manasa nahi ta pinokoweweu! Hangano Ondae Ue Ala kumongkomi kami!

Yeremia 48:13

Moabi ta gagi mokoko'ii hangano pinesombai Kamosi, kana suku Isaraeli gagi mokoko'ii hangano Beteli, pinerorohido.

Hosea 10:8

Luwuno po'ianga pesombaa ndi Aweni, anu gagi halano Isaraeli, ta pinokotampula. Ewo rui ka rui ta tuwu a wawo luwuno meda pontunua pesombano. Ira mpotae a luwuno torukuno, ”Howui kamimo!” Ka a luwuno pongku wita, ”Tehoamo dumunsi kami!”

Hosea 12:11

Mepau Akumo a luwuno nabi, mompowee hadio anu kinita, ka molalo luwuno nabi Kupohaweo pandiri.

Hosea 4:15

Tewala mansako monsosabo, hei Isaraeli, siimo Yehuda tetonda saala! Siimo lako i Giliga; siimo pewuatako i Beti-Aweni, ka siimo pesumpa, ”A nee-Do i Ue anu tuwu!”

Hosea 9:15

Luwuno wineweudo mosa'o gagi i Giliga, mentee ntu'u, maupo i ra'ai Ku'o'aliaako ira. Hangano mosa'ono luwuno wineweudo, Aku sumaari ira inso i raha-Ku. Nahi Aku mehohawa ira mbo'u; luwuno mia pinemota'udo onaemo puu mpe'ewa.

Amosi 1:5

Aku puduo lanso pewowano Damasi ka mokotampulao palili inso i Bikeati-Aweni saru anu uminio tuko poparentaa inso i Beti-Edeni. Palilino Arami asalakono melako gagi mia mentinadi i Kiro,” pau-Do i Ue.

Amosi 3:14

”Menteeano i tempono Kuhukuo Isaraeli a luwuno wineweuno mosa'o, Aku mompotiiakono pohuku a luwuno meda pontunua pesombano Beteli. Tandu-tanduno meda pontunua pesomba atuu pinudu ka tedonta a wita.

Amosi 4:4

”Aiwamo i Beteli ka poweweumo wineweu mosa'o, i Giliga ka pokohadioomo wineweu mosa'o! Wawaomo pesomba sinumbelemu i tempono mo'oru, ka pesomba tia hopulumu a oleo ko'otolu!

Amosi 7:10

I Amasia sando mpesomba i Beteli, montena mia lumako ndi Yerobea, mokole i Isaraeli, saru pe'oliwi, ”I Amosi moweweuomo tepo'asaa umewai komiu ueku i tonga-tongano tongku Isaraeli; wita andio nahi pokompeteao mbo'u a luwuno pinauno.

Amosi 7:13

Sine siimo mbo'u pompau anu ta gagi i Beteli, hangano onaemo andio po'ianga memporido mokole, onaemo andio raha memporino poparentaa.”

Amosi 7:17

Onaemo pu'uno, kanandiomo pau-Do i Ue: Beinemu ta mebelesu i kota, ka luwuno anamu tama ka beine ira memateako ponai; witamu ta tinia-tiaako koloro posongka. Omue komate i wita anu mokoburu, ka to Isaraeli manasa ira melako inso i witado gagi mia tinadi.”

Amosi 7:9

Luwuno pesombaano i Saki Aku mokotampulao ka luwuno po'ianga memporido to Isaraeli ta rinongka, ka somborino i Yerobea Aku umewaiakono ponai.”

Amosi 8:14

ondae anu mpesumpa a neeno i Asima, pesomba beine Samaria ka dompotae, ’A nee-Do Ue Alamiu anu tuwu, hei Dani!’ saru, ’Tiano sala anu nahi mempori lumako i Bereseba!’ Ira ntebangku ka nahi ira mpewangu mbo'u.”

1 KORINTI 1:28

ka hapa anu nahi tinudu ka anu pinokongkodei i wawontolino, Dobiniki ira Ue Ala, maupo hapa anu nahina pengkonaano, Dobiniki ira Ue Ala ka dome'oninio hapa anu hinao pengkonaano,

1 KORINTI 2:6

Maupo kanandio kimempaleleo ponto'ori i olodo anu morosoomo pompe'ala-alado, onaemo ponto'ori anu komba inso i wawontolino andio, ka komba inso a anu mempabawa i wawontolino, onaemo luwuno anu pabawa anu ira mempinokotampula.

Winali 28:41

Komiu mpohawe ana ntama ka beine, sine komba ta tiamiu, hangano ira megagi mia ntinawa.

Yosua 5:9

Mepau iramo i Ue ndi Yosua, ”Oleo andio Ku'oniniomo salamiu i wita Masiri.” Onaemo ka po'iangaamiu atuu nineeako Giliga ranta kanandio.

MENGKAAA 18:17

Ka sompo anu wawao kapala ntahi ka anu mensumomba ka luwuno anu mpo'angga a ngkapala ka luwuno mia anu po'ungkeano i tahi, mpentade ola-olai,

1 Samueli 11:14

Ipotaeako ira i Semueli tongku atuu, ”Aiwa ka tomelako i Giliga wali mpokorosoo potorono mokole i ra'ai.”

1 Samueli 7:16

Sompo-sompo ta'u onae lumako i Beteli, i Giliga, ka i Misipa, moparenta gagi puu mpobitara a nto Isaraeli a luwuno po'ianga atuu.

1 Samueli 8:2

Neeno anano anu aka i Yoeli ka anano anu ko'orua i Abia. Orua ira moparenta gagi puu mpobitara i Bereseba.