Amosi 5:21 - Wunta Mempori

²¹ ”Ku'o'aliaakono, Kupekodeio porame-ramemiu ka nahi Kupe'eheo tepumpua langkaimiu.

Amosi 5:21 ပူးပေါင်းရင်းမြစ်များ

Tegagia 8:21

Tempono Dowooo i Ue lahono anu mompokomawongko atuu, Mepau Iramo i Ue i laro aroa-Do, ”Nahi Aku tumotonaao mbo'u tolino andio hangano mia, maupo tinoono aroano mosa'o mompu'u ikodei, ka nahi Aku mepate ira mbo'u luwuno anu tuwu, kana anu Kuweweuomo.

Powadi 15:8

Pesombano mia mosa'o gauno mokoburu-Do i Ue, sine pekakaino mia moleo inehe-Do.

Powadi 21:27

Pesombano mia mosa'o gauno atuu mokoburu, tamoako mbo'u tewala pinesombaako a ntinoo anu mosa'o.

Powadi 28:9

Isema anu wolilio birino ka si rongeo songka, pekakaino mbo'u mokoburu.

Yesaya 66:3

Mia monsumbele sapi lakino, sine mompepate mbo'u mia; mia mompesombaako bimba, sine mompudu keu we'uno dahu; mia mompesombaako pesomba kaanga, sine mompesombaako reano boe; mia mompesombaako dupa, sine mo'unde-unde mbo'u lahumoa. Onaemo pu'uno, mengkena kana ondae laludopo mpobiniki salado ondaedo, ka sumangano ineheno a mpinesombai mokoburudo,

Yeremia 14:12

Maupo domempuasa, nahi Aku merorongeakono peboolido. Maupo dompopesombaako pesomba tinunu ka pesomba kaanga, nahi Aku memoiko ira. Tendeano Aku mokopingkoako ira ponai, saru mokoninggoa ka haki lele.”

Yeremia 6:20

Hapake tuduno ndi Ongkue impowawa dupa inso i Sieba ka towu anu moiko inso i wita anu olai? Nahi Kupekono ira pesomba tinunumiu ka luwuno pesomba sinumbelemiu nahi pokonsanaa Aku.

Yehesikieli 23:18

Hangano onae weweuo pebelesuno nahi pewuni-wuni ka mopokitao pinekaria winunino, Ongkue mbo'u meliahako inso ndi onae hangano mokoburu, kana Kupeliahako inso ndi uaino.

Hosea 2:11

Aku rumopuo keu anggorono ka keu arano, mongkona teweweu atuu ipotae, ’Luwuno andio tamboku, anu domeweeakune mia pinehohawaku!’ Aku weweuo gagi tobu, ka luwuno kondehora i tonga mpada ta kumaano.

Hosea 5:6

Saru asa bawaa bembe bimba ka sapi pesomba, domelako umungke Ira i Ue, sine nahi dohawe Ira; Dobinta iramo.

Hosea 8:13

Mpompowee ira ndi Ongkue luwuno pesomba sinumbele; mpopesombaako ira bau ka domengkaano; sine nahi Dopemoiko ira i Ue. Kanandio-andio Dopototoio salado ka humukuo halado. Ondae asalakono mpekule i Masiri!

Imama 26:31

Luwuno kotamiu Aku weweuo gagi hanga ngkota ka luwuno po'ianga memporimiu Aku sumolangio ka nami Kubehe mbo'u mowoo woono pesombamiu anu mompokomawongko.

Amosi 4:4

”Aiwamo i Beteli ka poweweumo wineweu mosa'o, i Giliga ka pokohadioomo wineweu mosa'o! Wawaomo pesomba sinumbelemu i tempono mo'oru, ka pesomba tia hopulumu a oleo ko'otolu!

Amosi 4:5

Tunuomo pesomba pontarimakasi inso a roti meragi ka popoto'oriomo luwuno pesomba a moleono aroa; paleleomo atuu! Nde komba anu kanandioke inehemiu, hei to Isaraeli?” kanandiomo pau-Do i Ue Ala.

Amosi 6:8

Ondae Ue Ala mesumpa Iramo a ngkoroi-Do, kanandiomo pau-Do i Ue, Ue Alano luwuakoano, ”Kumokokowuereakono pompelangka-langkaino i Yako, ka o'aliaako ira benteno; Aku meweengakono kota saru ihino.”

Amosi 8:10

Aku balio porame-ramemiu gagi po'inombo, ka luwuno penanimiu gagi ponsabangi. Aku mokonao sawu po'inombo a sompo tonga ka mokolondao sompo ulu. Aku weweuo kana mo'inomboako ana asa-asa, ranta poko'ariano kana oleo anu tedoa mopa'i.”

I MATIU 23:13

Memasola komiumo, hei anu mponto'ori Taura ka to Parisi, hei omiu mia mpo'onde-onde, hangano imentondoo luwuno pewowano Poparentaa Suruga i arodo mia. Hangano omiu isa'a nahi mpewinso ka ime'onsoi ira anu mpopete'umala ira mpewinso. [

EPESU 5:2

ka imentuwumo a pompehohawa, kana Ondae mbo'u i Kerisituu Yesu Dopehohawa komiumo ka Dopeweengakonomo koroi-Do hangano ontae gagi pompowee ka pesomba anu mana mo'ahi ndi Ondae Ue Ala.

PILIPI 4:18

Kanandio-andio kutarimaomo luwu anu kinereku inso ndi omiu, tendeano toreaomo. Mare'e akumo, hangano kutarimaomo oliwimiu inso ndi Epaporoditu, aasa pesomba anu mana mo'ahi, aasa pesomba anu inehe-Do ka Dopemoikoo Ue Ala.