Amosi 5:16 - Wunta Mempori

¹⁶ Menteeano, kanandiomo pau-Do i Ue, Ue Alano luwuakoano, Ondae Ueku, ”A luwuno tanalapa ta hina ponsabangia ka a luwuno sala kodei ira mpebooli mia, ’Adoo! Adoo!’ Puu mpelere pinoboi ka ipo'inombo ka luwuno anu monsabangi ka iposabangi.

Amosi 5:16 ပူးပေါင်းရင်းမြစ်များ

2 Tawarika 35:25

I Yeremia moweweu asa powadi ponsabangi mongkona i Yosia. Hawe kanandio-andio luwuno puu mpenani tama ka beine mpenaniako luwuno powadi ponsabangi mongkona i Yosia, ka dompokogagio andio aasa gau i Isaraeli. Luwuno atuu teburi a laro luwuno powadi ponsabangi.

Yesaya 15:8

Mentee ntu'u, peraaliki atuu tumutuwio luwuno wita Moabi, ponsabangino hawe i Egilaimi, tendeano hawe i Be'eri-Elimi.

Yesaya 22:12

I tempo atuu Ondae i Ue, Ueno luwuakoano tumena ira mia mpengese ka mponsabangi, mpekeru ulu ka mpebooako sawu po'inombo;

Yeremia 30:5

”Mentee ntu'u, kanandiomo pau-Do i Ue: Kimerongeomo peraali doito, pondendea ka nahina sintuwu.

Yeremia 4:31

Mentee ntu'u, kurongeo suara kana pompemahakino beine me'ana, pe'o'osuno kana suarano ine anu me'anaakono ana amba-ambano, suarano ana beine i Sioni anu ngaasa, anu padindio kaeno, ”Masola akumo, hangano telusa aku i arodo anu pompepate!”

Yeremia 9:10

Pengesemo ka peraalikimo hangano luwuno torukuno, ka ponsabangimo hangano ewo i pada one, hangano luwuno londaomo ranta nahina mia telaloio, ka nami teronge mbo'u suarano pinotuwu; moiko manu-manu i laromeene maupo kondehora susuano, luwuno mpolai iramo ka moliu.

Yeremia 9:16

Aku sumiarawo ira i olodo luwuno tongku anu nahi domento'orio ke maupo uempu'udo. Aku mo'oliwi ponai lumampui ira ranta ka Kupingko ira.

Hosea 4:3

Onaemo pu'uno wita andio ira pompemasusa, luwuno palilino ta me'i'isei; luwuno kondehora i tongampada ka manu-manu i laro meene, maupo luwuno bou a ntahi mbo'u ta tepumpu mate.

Yoeli 1:11

Imemokoko'iimo, hei luwuno puu mpelere, imponsabangimo, hei luwuno puu mpo'angga lere anggoro ponsabangi hangano gandu ka jelai, hangano ropuomo sowia a lere.

Yoeli 1:14

Pesusuaomo oleo puasa, paleleomo tepumpua langkai; pumpu iramo mia memota'u ka luwuno palili wita a raha-Do i Ue, Ue Alamu, ka impeboolimo ndi Ondae i Ue.

Yoeli 1:15

Hei, oleo atuu! Mentee ntu'u oleo-Do i Ue rangkuomo, haweno gagi pabawa poropua inso ndi Ondae Anu Tedoa Pabawa.

Yoeli 1:8

Ponsabangimo kana ana beine anu mesangkaako sawu po'inombo hangano umbu ngkoroi, pinehohawano tempono imongura.

Amosi 3:13

”Rongeomo, ka popoto'oriomo inuleno i Yako,” kanandiomo pau-Do Ue Ala, Ue Alano luwuakoano,

Amosi 5:27

ka Aku wawa komiu a pontadia olai i asambalino Damasi,” pau-Do i Ue, Ue Alano luwuakano, nee-Do.

Amosi 8:10

Aku balio porame-ramemiu gagi po'inombo, ka luwuno penanimiu gagi ponsabangi. Aku mokonao sawu po'inombo a sompo tonga ka mokolondao sompo ulu. Aku weweuo kana mo'inomboako ana asa-asa, ranta poko'ariano kana oleo anu tedoa mopa'i.”

Amosi 8:3

Luwuno penani a mpo'ianga mempori ta gagi ponsabangi ia oleo atuu,” kanandiomo pau-Do Ue Ala. ”Hadio wata ngkoroi. Mia mpetadiakono isua-suamo koa. Penoro-noromo!”

Mika 1:8

Hangano atuu ka kumingki monsabangi ka meraali, mingki melempa nahina empehino karu ka nahi pelemba, aku mingki tumoo kana serigala ka meraali kana manu-manu unta;

Mika 2:4

A oleo atuu mia ira mpompasinggiri mongkona omiu saru mponsabangi masusa aroa, dompotae, ”Merinawo-rawo kitamo! Tia pusakado tongkuku melimba ngkaeomo, kana'umpe ta melimba mbo'u ndi ongkue. Luwuno lereto mentiniaako a mia anu mentawa kita.”

MENGKAAA 18:10

Ira mpentade ola-olai hangano medoitoakono bobarasaino ka ira mpotae, ”Masola, masolako, hei kota anu langkai, Babeli, hei kota anu moroso, hangano i larono asa langku koa kontongaanomo ubinitara!”

MENGKAAA 18:19

Ka mporawo ira pampawu a wawo uludo ka mpebooli, kontongaado mpengese ka mposabangi, dompotae, ”Masola, masola, kota langkai, anu hangano onae luwuno mia, anu hinao kapalano a ntahi, gagiomo kaea hangano balu-baluno anu masuli olino, hangano i larono asa langku koa tampulaomo.