Amosi 5:15 - Wunta Mempori

¹⁵ O'aliaakonomo anu mosa'o, kekewoiomo anu moiko ka weweuomo moleoa a mpewowa langkai. Bara'ura Ondae i Ue, Ue Alano luwuakoano Ira mehohawao inuleno i Yusupu anu da mentuwu.

Amosi 5:15 ပူးပေါင်းရင်းမြစ်များ

2 Samueli 16:12

Bara'ura Ondae i Ue Ira kumitao marasaiku andio ka Ondae i Ue mombaloako moikoa ndi ongkue euno pontotonaano mia atuu a oleo andio.”

1 Mokole 20:31

Ka i'amba luwuno pegawaino mpotaeakono, ”To'oriomo, kimerongeomo nine luwuno mokoledo to Isaraeli atuu onaemo luwuno mokole anu popehohawa. Aiwamo topompokona sawu mpo'inombo a ntongato ka koloro a uluto kato mpeluarako nte'aro a mokoledo to Isaraeli; bara'ura nahi ira mepatekomiu.”

2 Mokole 13:7

Hangano nami hina mbo'u tebinta sorodadu ndi Yoahasi, sangkadio lima pulu sorodadu mpengara, hopulu kareta ka hopulu nsowu sorodadu mpelempa ngkaru, hangano mokoledo to Arami mokoropu iramo ka ilolanda ira kana awuno ponsesaa.

2 Mokole 15:29

I tempo poparentaano i Pekahi mokole i Isaraeli, haweomo i Tigalati-Pileseri mokole i Asuri mongko'alao Iyoni, Abeli-Beti-Ma'aka, Yanoahi, Kedesi ka Hasori, Gileadi ka Galilea saru luwuno wita Napatali. Ka i'amba wawa ira palilino a pontadia i Asuri.

2 Mokole 19:4

Bara'ura Dorongeomo i Ue, Ue Alamiu pinauno i rabi-sakehi atuu anu tinenano mokoledo to Asuri, ueno kai tetewehi Ira Ue Ala anu tuwu, ranta Ondae i Ue, Ue Alamiu Ira moweeakono pohuku hangano luwuno pinauno anu Dorongeomo. Moikoomo ipekakaiako ira toreano anu da tebinta andio!”

Po'unde-unde 119:104

Inso a luwuno parenta-Miu kupohawe ponto'ori, onaemo pu'uno ku'o'aliaakono luwuno pesalaa anu nahi mentee.

Po'unde-unde 34:14

Tangkoroomo elomu inso anu mosa'o ka wiwimu inso a mpinau anu mompopo'oo;

Po'unde-unde 36:4

Pau inso a ngangano butu mosa'oa ka pompopo'oo, nahi pelelu mbo'u pande mosongka ka moweweu moiko.

Po'unde-unde 37:27

Olaiakono anu mosa'o ka weweuomo anu moiko, ka omue komo'ia mpiha ranta nahina tampulaano;

Po'unde-unde 80:1

Tiano petewawa mpenani. Montonda nanino Sisi bonse. Pesakosiino i sapi. Penani po'unde-unde.

Po'unde-unde 97:10

Hei mia anu mehohawa Ira i Ue, o'aliaakonomo anu mosa'o! Ondae, anu mekariao penaano mia anu pinehohawa-Do, ta motola ira inso a ngkaeno mia mosa'o gauno.

Peluarakoa 32:30

Tisomono motaeomo i Musa a tongku atuu, ”Mpoweweu komiumo hala langkai. Kanandio-andio aku mewuatako me'aro ndi Ondae i Ue. To pomperorohimokoa ka kupokompo'ema pesintuwua a hala miu atuu.”

Yeremia 18:8

Sine, tewala tongku anu pinau-Ku atuu tepidi inso a wineweuno mosa'o, asalakono Aku me'o'ole hangano mingki modontaiakono masolaa anu Kupontooakono ndi onae.

Yeremia 22:3

Kanandiomo pau-Do i Ue: Weweuomo moleoa ka menteea, potolaomo anu rinontu inso a ngkaeno anu bobarasaio. Si pompokonsii ka si bobarasai ira mia mehawe, nana'ote nahina amano ka tuwu beine, ka si mbo'u po'uwu reano mia nahina salano a mpo'ianga andio.

Yeremia 31:7

Hangano, kanandiomo pau-Do i Ue: Peboo-boolimo mawongkoakono i Yako saru po'unde, memawongkomo mongkona petewawado luwuno tongku! Paleleomo, unde-undeomo ka pauomo: Ue Ikadudui iramo bawaa-Miu, to Isaraeli anu da tebinta!

Yehesikieli 45:9

Kanandiomo pau-Do Ue Ala, ”Sompoomo, hei luwuno mokoledo to Isaraeli, impoko'olaiomo pobobarasaia ka pompokonsiia, sine weweuomo moleoa ka menteea. Impenaa-naamo mporontu wita tiado bawaa-Ku, kanandiomo pau-Do Ue Ala.

Danieli 2:49

A mpo'emano i Danieli, mokole meweengakono poparentaa i wita Babeli ndi Sadaraki, Mesaki ka ndi Abenego, sine i Danieli mo'ia a langkanaedo mokole.

Yoeli 2:14

Ba mansa Ira wali me'o'ole, ka Dobintao ronso, gagi pesomba kaanga ka pesomba tinawa ndi Ondae i Ue, Ue Alamu.

Amosi 5:10

Dome'o'aliaakono mia anu mongkuahako a mpewowa langkai, ka motewedo mia anu mepau moleo.

Amosi 5:24

Sine laluopo moleoa mekalu-kalulu kana uwoi ka menteea kana uwoi korono anu waa mpiha.”

Amosi 5:6

Ungke Iramo i Ue, ka komiu mentuwu, kasi Dotiuo inuleno i Yusupu anu piingko kana ikaano api, nahina anu mepateakono Beteli.

Amosi 6:12

Mpelulu irake ngara a wawo pongku watu, ke pompadekoako ira sapike mia i ra'ai? Mentee ntu'u, imebaliomo moleoa gagi rasu ka wuano menteea gagi rasu mopa'i!

Amosi 7:3

Ka Do'amba i Ue balio tinoo-Do mongkona pohuku atuu. ”Mongkona atuu nahi ta gagi,” pau-Do i Ue.

Yunu 1:6

Haweomo petewawa a ngkapala atuu tepohaweakono ka ipotae, ”Kana'umpe omue mokompoturi rodo ntu'u? Pewangumo, peboolimo ndi Ondae Ue Alamu, bara'ura Ondae Ue Ala atuu Ira merio kita, kasi tomemasola.”

Yunu 3:9

Ba mansa, bara'ura Ondae Ue Ala Ira mepokule ka me'o'ole saru mewolili inso a ntekuda-Do anu tensila atuu, ranta nahi tomemate.”

Mika 2:12

Menteeano Aku pumpu komiu luwu, hei Yako. Menteeano Aku pumpu ira toreano to Isaraeli; Aku mo'asao kana asa bawaa bembe bimba a laro kanda, kana bawaano pinotuwu a ntonga mpadano, bukeako maroano mia!

Mika 3:2

hei omiu anu umo'aliaakono moleoa ka anu kumekewoio mosa'oa? Omiu anu mpoberi kuli ngkoroido tongkuku ka ihi inso a luwuno wukudo,

Mika 5:3

Onae ta moroso pakambi ira a laro roso-Do i Ue, a laro langkaino nee-Do Ue Alano; ira mpo'ia mpiha, hangano kanandio-andio langkaino pabawa-Do ta hawe i tompano wawontolino.

Sepanya 2:3

Ungke Iramo i Ue, oo luwuno mia anu me'urumako i wita anu weweuo songka-Do. Ungkeomo moleoa, ungkeomo pe'urumakoa; bara'ura komiu koa ntekadudui a oleo tekudaa-Do i Ue.

Maleaki 3:18

Ka komiu mpepokule mengkitao teposisinggeno mia mentee ka mia mogau mosa'o, olono mia anu mesomba ndi Ondae Ue Ala ka anu nahi pesomba ndi Ondae.

ROMA 12:9

Asalakono mompehohawa atuu si mpo'onde-onde! Ime'olaiakonomo anu mosa'o ka impoweweumo anu moiko.

ROMA 7:22

Hangano i laro aroaku ineheku songka-Do Ue Ala,

ROMA 8:7

Hangano po'eheno tuwu ntolino onaemo umewa ndi Ondae Ue Ala, hangano nahi tondao songka-Do Ue Ala; mongkona andio lano nahi polio.

3 YOHANE 1:11

Pepaekompo anu kinekewoiku, si pandirio anu mosa'o, tendeano anu moiko. Ba isema moweweu moiko, onae te'inso ndi Ondae Ue Ala, sine ba isema moweweu mosa'o, onae nahi hori kumita Ira Ue Ala.