Amosi 5:1 - Wunta Mempori

¹ Rongeomo pau andio anu kupenaniako gagi ponsabangia mongkona omiu, hei tongku Isaraeli,

Amosi 5:1 ပူးပေါင်းရင်းမြစ်များ

Yeremia 18:13

Onaemo pu'uno kanandiomo pau-Do i Ue, ”pesikenoakonomo i olodo tongku: isemake anu rumongeomo mongkona anu kanandio? Luwuno mongkona anu tedoa mongkokongiri domeweweuomo Ana Beinedo to Isaraeli!

Yeremia 7:29

Keruomo wuu a ulumu ka tadiomo! Ponsabangimo a luwuno pongku londa, hangano nami Dotarimao i Ue ka tumadio inule anu kona tekuda-Do!

Yeremia 9:10

Pengesemo ka peraalikimo hangano luwuno torukuno, ka ponsabangimo hangano ewo i pada one, hangano luwuno londaomo ranta nahina mia telaloio, ka nami teronge mbo'u suarano pinotuwu; moiko manu-manu i laromeene maupo kondehora susuano, luwuno mpolai iramo ka moliu.

Yeremia 9:17

Pekokoongakono! Poboi iramo beine mposabangi, ka dome'aiwa, ka pontenamo mia a luwuno beine anu pande mosongka, ka dome'aiwa!” Kanandiomo pau-Do Ueno luwuakoano.

Yeremia 9:20

Onaemo ka imerongeo pau-Do i Ue, hei luwuno beine, po'ineeomo ka itarimao birimiu pau inso a nganga-Do; paguruako iramo ponsabangi anamiu beine, ka penani ponsabangi, singge mia a wali-walino:

Yeremia 9:9

Nde kana'umpe nahi Aku humuku ira hangano luwuno andio?, kanandiomo pau-Do i Ue. Nde kana'umpe nahi Aku moweweu pombaloa a tongku kanandio?

Yehesikieli 19:1

Ka omue, penaniakonomo ponsabangi mongkona luwuno petewawado to Isaraeli.

Yehesikieli 19:14

Ka i'amba meluarakoomo api inso a sampano anu kumaano sampa motutuno ka wuano, ranta nahina mbo'u ndi onae sampa anu moroso ka nahina tuko poparentaa.” Ndiomo ponsabangi ka ta pinake gagi ponsabangi.

Yehesikieli 26:17

Ira mpenaniako ponsabangi mongkona omue ka ira mpotae ndi omue: Nde kana'umpe kau mansa ropu, tampula inso a ntahi malua, hei kota anu inunde-unde kota anu pabawa a ntahi, omue saru palilimu, anu mompokodoito a mpalili i wita motu'i?

Yehesikieli 27:2

”Hei anano mia, penaniakonomo ponsabangi mongkona Tirusi,

Yehesikieli 28:12

”Hei anano mia, penaniakonomo ponsabangi mongkona mokole i Tirusi ka potaemo ndi onae: Kanandiomo pau-Do Ue Ala: Omuemo pandirino luwuno anu moiko, buke ponto'ori anu mentee ka tedoa tekosi.

Yehesikieli 32:16

Ndio ponsabangi anu asalakono pinenaniako. Bawaano beinedo luwuno tongku ira mpenaniakono, ira mpenaniakono Masiri ka a luwuno mia hadio anu tumondao, kanandiomo pau-Do Ue Ala.”

Yehesikieli 32:2

”Hei anano mia, penaniakomo ponsabangi mongkona i Pirao, mokole i Masiri ka potaemo ndi onae: Omue mongkenao koroimu saru singa mongura i olodo luwuno tongku. Sine, omue kana naga a ntahi malua; luwuno korono uweweuo tehento, uwoi uwewuiakono karumu ka weweu ira korono merege.

Amosi 3:1

Rongeomo pau andio, anu pinau-Do i Ue mongkona omiu, hei to Isaraeli, mongkona luwuno suku anu umariomo Kutaateo meluarako inso i wita Masiri,

Amosi 4:1

”Rongeomo pau-Do i Ue andio, hei luwuno sapi Basani, anu mekongko i torukuno Samaria, anu pinokonsii mia molema, anu bobarasai ira mia mongkokolaro, anu mpotaeako ira tamamiu: wawaomo ramai, kato po'inu-inu!

Amosi 5:16

Menteeano, kanandiomo pau-Do i Ue, Ue Alano luwuakoano, Ondae Ueku, ”A luwuno tanalapa ta hina ponsabangia ka a luwuno sala kodei ira mpebooli mia, ’Adoo! Adoo!’ Puu mpelere pinoboi ka ipo'inombo ka luwuno anu monsabangi ka iposabangi.

Amosi 8:14

ondae anu mpesumpa a neeno i Asima, pesomba beine Samaria ka dompotae, ’A nee-Do Ue Alamiu anu tuwu, hei Dani!’ saru, ’Tiano sala anu nahi mempori lumako i Bereseba!’ Ira ntebangku ka nahi ira mpewangu mbo'u.”

Mika 2:4

A oleo atuu mia ira mpompasinggiri mongkona omiu saru mponsabangi masusa aroa, dompotae, ”Merinawo-rawo kitamo! Tia pusakado tongkuku melimba ngkaeomo, kana'umpe ta melimba mbo'u ndi ongkue. Luwuno lereto mentiniaako a mia anu mentawa kita.”