Amosi 4:9 - Wunta Mempori

⁹ ”Kusapoiakomiumo ponsolangi pinopaho ka haki mpinopaho. Kupokomoleuo luwuno pinopahomiu ka luwuno lere anggoromiu. Luwuno keu ara ka keu saitu piingko ikaano kosume. Sine nahi mpepokule ndi ongkue,” kanandiomo pau-Do i Ue.

Amosi 4:9 ပူးပေါင်းရင်းမြစ်များ

1 Mokole 8:37

Tewala i wita andio hinao mokoninggoa, hinao haki lele, ponsolagi pinopaho, haki mpinopaho, kosume, ke kosume mpokaa pinopaho, tewala iwali kumadu ira i aasa kotado, hapamokoa pohuku ke haki anu hina,

2 Tawarika 6:28

Tewala hinao mokoninggoa i wita andio, tewala hinao haki lele, ponsolangi pinopaho ke hakino pinopaho, kosume ke kosume mokomongkaa, tewala iwali kumadu ira i asa kotado, tula hapamo koa ke haki anu hina.

Yesaya 1:5

Tembio ka imebehe mentinunduhi mbo'u, omiu anu tekense mpebungkui Ira? Ulu mahaki luwu ka luwuno aroa molema ka telusa.

Yesaya 50:11

Menteeano, omiu luwu anu mpopokomelanga api ka mpeparewaako pana-pana api, impewinsomo a laro langano apimiu, ka a ntongano pana-pana api anu imempasaomo! Kae-Kumo anu ta mokogagio mongkona atuu ndi omiu; komiu mpepombole a mpo'ianga tebobarasaia.

Yesaya 9:12

Sine tongku atuu nahi dompepokule ndi Ondae anu tumunduhi ira, ka nahi dome'ungke Ira Ueno luwuakoano.

Yeremia 3:10

Umarino weweuo luwuno andio i Yehuda mbo'u, pepaekompono beine anu nahi petenunu atuu, mekule ndi Ongkue nahi moleo aroano, tendeano butu mo'onde-onde, kanandiomo pau-Do i Ue.”

Yeremia 5:3

Oo Ue, nahi te'aro a menteeake mata-Miu? Itunduhi ira, sine nahi dompompemahaki; Ihuku ira, sine nahi domebehe mpontarima pongkuahako. Dompokomoteao uludo laluaopo sekono watu, ka nahi domebehe ntepidi.

Hosea 11:5

Kombake ondae asalakono mpekule i wita Masiri? Po'ineeomo Asuri gagi mokoledo, hangano nahi domebehe ntepidi.

Yoeli 1:4

Hapa anu binintano kosume mongkaa ntededei, ikaano kosume melakopi, hapa anu binintano kosume mpelimba, ikaano kosume mpelonso, ka hapa anu binintano kosume mpelonso, ikaano kosume modoko mongkaa.

Yoeli 1:7

Iweweuo keu anggoroku roopu, ka keu araku pudu-pudu; kulino piingko ikulisio ka i'amba metadiakono, ranta luwuno sampano gagi mopute.

Yoeli 2:25

Aku momuleakomiu luwuno ta'u anu hasilino piingko ikaano kosume mpelimba, kosume mpelonso, kosume modoko mongkaa ka kosume mongkarasi, sorodadu-Ku anu hadio Kutena ira i tonga-tongamiu.

Amosi 4:6

”Maupo hanganomo Ongkue ka imorina ngisimiu nahina kaanga i luwuno kotamiu ka imemakuraako roti i luwuno po'iangamiu, kongkomiu nahi mpepokule ndi Ongkue,” kanandiomo pau-Do i Ue.

Amosi 4:8

palilino orua otolu kota melako kobangku-bangku i asa kota ira mpo'inu uwoi, sine nahi domentende. Sine, nahi mpepokule ndi Ongkue,” kanandiomo pau-Do i Ue.

Habaku 3:17

Maupo keu ara nahi pensisi, keu anggoro nahi pewua, ka hasilino keu saitu mompokomasusa aroa, maupo luwuno lere nahi pehasiliako kaanga, bawaa bembe bimba tesaari inso a mpo'ukoa, ka nahina sapi a laro wala,

Hagai 2:17

kana'umpe teweweumiu? Tempono dome'aiwa mia ira mpohawe howuno gandu rua pulu ponsa'u hadiono, butu hinao hopulu. Tempono dome'aiwa mia a mpoporo'ia anggoro ira mpontambu lima pulu ponsa'u, butu hinao rua pulu.

Maleaki 3:11

Aku sumaariakomiu kosume modoko mongkaa, ka si pingkoo hasilino witamiu ka keu anggoro a mpada ka ipewuaakomiu koa, pau-Do Ueno luwuakoano.

Winali 28:22

Ondae i Ue Ira humukuakomiu mehengge mokari, biibi ka haki buroko, mokula nsa'o ka wita mokari, ponsolangi mpinopaho ka hakino gandu. Luwuno atuu ta lumulu komiu ranta kai tampula.

Winali 28:42

Luwuno keumiu ka hasilino witamiu ira mempabawaio kosume.