Amosi 4:5 - Wunta Mempori

⁵ Tunuomo pesomba pontarimakasi inso a roti meragi ka popoto'oriomo luwuno pesomba a moleono aroa; paleleomo atuu! Nde komba anu kanandioke inehemiu, hei to Isaraeli?” kanandiomo pau-Do i Ue Ala.

Amosi 4:5 ပူးပေါင်းရင်းမြစ်များ

Po'unde-unde 81:12

Sine bawaa-Ku nahi domerongeo pepau-Ku, ka i Isaraeli nahi behe ndi Ongkue.

Yesaya 1:1

Pongkitano i Yesaya anano i Amosi mongkona Yehuda ka Yerusale anu ikitaomo tempono poparentaano i Usia, i Yotami, i Ahasi ka i Hisikia, luwuno mokoledo to Yehuda.

Yesaya 1:11

”Hapa tuduno ndi Ongkue pesombamu anu ntehohadio?” Pau-Do i Ue; ”Kute'osaakonomo luwuno pesomba tinunu kana bimba lakino ka tabano ana nsapi anu mewalo. Reano sapi ka anano bembe-bimba lakino nahi Kupe'eheo.

Yeremia 7:10

ka i'amba me'aiwa mpentade i aro-Ku a raha andio, anu nineeako montonda nee-Ku, saru mpotae: ’Ntekadudui kita, ka impokompoweweu mbo'u luwuno wineweu mokoburu andio!’

Yeremia 7:9

Nde kana'umpe umarimiu mponako, mpompepate, mpososabo ka mpesumpa mpegaupi, mpontunu pesomba a Baala ka mpotonda pinesombai susua anu nahi imento'orio,

Hosea 9:1

Siimo impo'unde, hei Isaraeli! Siimo impeboo-booli kana luwuno tongku! Hangano monsosabokomo binta Ira Ue Alamu, ukekewoio tambo mpebelesu a sompo ponsesaa gandu.

Hosea 9:10

Kana wua anggoro i pada one i Isaraeli Kuhaweo i ndi'ipua; kana wua amba-ambano, hasilino amba-ambano wua ara, Kukitao uempu'umu. Sine melako ira ndi Baala-Peori ka mpesombaakono koroido a lahumoa anu mompokoko'ii. Megagi ira mokoburu kana hapa anu kinekewoido.

Imama 23:17

Inso a mpo'iangamiu asalakono imewawao orua roti tandea anu wineweu inso a orua ntia hopulu efa tarigu moiko ntu'u ka anu tinunu umarino sinaloako ragi gagi wua amba-ambano ndi Ondae i Ue.

Amosi 5:21

”Ku'o'aliaakono, Kupekodeio porame-ramemiu ka nahi Kupe'eheo tepumpua langkaimiu.

Amosi 5:22

Maupo impesombaakono ndi Ongkue luwuno pesomba tinunu ka pesomba kaangamiu, nahi Kubehe, ka pesomba tekaduduiamiu onaemo pinotuwu anu mewalo, nahi Aku kumitao.

I MATIU 15:9

Nahina tuduno dompesomba ndi Ongkue, hangano pepaguru anu dompopaguruako onaemo parentano mia.”

I MATIU 23:23

Memasola komiumo, hei anu mponto'ori Taura ka to Parisi, hei omiu mia mpo'onde-onde, hangano tia hopuluno solasi, adasi mo'ahi ka jinta ime'owahio, sine anu lalua a songka Taura nahi mentondao, onaemo: moleoa ka pompehohawa ka petenunu. Anu aasa asalakono ka iwineweu ka anu mehano si mpebungkuio.

I MATIU 6:2

Gagi tewala komompowee anu mentee, si paleleo mongkona atuu, kana anu wineweudo mia mpo'onde-onde a luwuno raha tepumpua ka a luwuno sala kodei, ka dome'unde-unde ira mia. Kupauakomiu: Menteeano mpohawe iramo tambodo.

ROMA 1:28

Ka hangano nami domebehe mpesomba ndi Ondae Ue Ala, onaemo ka Dopeweengako ira Ue Ala a mpinewowolo anu tetotonaa, ranta ka dompoweweu hapa anu nahi tekona: