Amosi 4:13 - Wunta Mempori

¹³ Hangano Ondaemo anu weweuo luwuno torukuno ka mokogagio angi, anu pauakono mia hapa anu pinewowolo-Do, anu weweuo wanta ka wongi-wongi ka anu melempa a wawo luwuno pongku tolino; Ondae i Ue, Ue Alano luwuakoano, onaemo atuu nee-Do.

Amosi 4:13 ပူးပေါင်းရင်းမြစ်များ

Ayubi 9:7

anu parentao mata oleo ka nahi saba, ka tumutuwiakono pontondoni anano wula;

Po'unde-unde 135:7

Dowuatakono gawu inso i tompano tolino, mepansariako koliki tumondao usa, Dowawao angi meluarako inso a mponaapa-Do.

Po'unde-unde 139:2

Omiu tumo'orio tempono kupentoro ke mentade, Omiu mokonto'orio pinewowoloku inso olai.

Po'unde-unde 147:18

Do'oliwio pau-Do, ka i'amba loono luwuno, Dopepuuriakono angi-Do, ka i'amba waa uwoi.

Po'unde-unde 65:6

Saru luwuno wineweu anu mongkokongiri ka saru moleoa Isangki kami, oo Ue Ala anu kumadudui kami, Omiumo pine'ala-alano luwuno tompano tolino ka luwuno tahi malua anu olai;

Peluarakoa 10:22

Onaemo ka itandeo i Musa kaeno kontahane i langi, ka gagiomo worikidi tumutuwio wita Masiri otolu oleo tehineno.

Peluarakoa 14:20

Kandiomo tondonino a nseru atuu mentade i olodo sorodadu to Masiri ka sorodadu to Isaraeli. Ka tondonino a nseru atuu mompokowongi mpusu, sine a nsusuano tondonino a nseru atuu wantahio wongi, onaemo kanahi dompokotepo'umpedakono anu susua asa wongi atuu.

Yesaya 40:12

Isema monsa'uako pelengkaeno uwoi ntahi ka langi isongkaakono otuweno, awu wita isa'uakono ponsa'u, luwuno torukuno itimbaakono neraca, ke luwuno pongku mompake pontimba?

Yesaya 45:7

anu mokogagio mewine ka mokogagio wongi-wongi, anu mokogagio sintuwu manangai ka mokogagio masolaa; Ongkuemo Ue anu weweuo luwuno andio.

Yesaya 47:4

Pontolosimami, Ondae Ueno luwuakoano nee-Do, Anu Tedoa Mempori, Ue Alado to Isaraeli.

Yesaya 48:2

Mia anu tendeano mempauo koroido te'inso a Ngkota Mempori, ka mpehonda ndi Ondae Ue Ala Isaraeli, anu nee-Do Ueno luwuakoano,

Yesaya 5:30

A oleo atuu ira mperaali kana tahi u'uru. Tewala mia mengkita i tolino, tengkita butu wongi-wongi anu mompokoma'iso, ka mewine gagi wongi-wongi hangano seru!

Yeremia 10:13

Tewala Dopoporongeo suara-Do, u'uruomo uwoi i langi. Dowuatakono gawu nseru inso i tompano tolino, mepansariako koliki tumondao usa, ka wawao angi meluarako inso a mponaapa-Do.

Yeremia 10:16

Komba kanatuu Ondae anu gagi Tiano i Yako, hangano Ondaemo anu weweuo luwuakoano, ka Isaraeli onaemo suku pine'ue-Do; Ueno luwuakoano, onaemo nee-Do!

Yeremia 13:16

Pelangkai Iramo i Ue, Ue Alamiu, se'eluno napi Dopompotii wongi-wongia, se'eluno napi tetidu karumu a luwuno pongku anu itutuwio tekamburi; kontongaamiu mposisikori mewine, Ondae mokogagio oleo wongi mpusu ka weweuo worikidi.

Yeremia 46:18

A nee-Ku anu tuwu, kanandiomo pau-Do Mokole anu nee-Do Ueno luwuakoano, ira hawe kana Torukuno Tabori i olono luwuno torukuno, kana Torukuno Karameli umpeda a ntahi.

Yeremia 51:16

Tewala Dopoporongeo suara-Do, u'uruomo uwoi i langi. Ondae wuatakono gawu inso i tompano tolino, mepansariako koliki tumondao usa, ka wawao angi meluarako inso a mponaapa-Do.

Yeremia 51:19

Komba kanatuu Ondae anu gagi Tiano i Yako, hangano Ondaemo anu weweuo luwuakoano, ka Isaraeli onaemo sukuno mia-Do; Ondae Ueno luwuakoano onaemo nee-Do!

Danieli 2:28

Sine, i suruga kongko Ira Ue Ala anu mosabao luwuno rahasia. Dopauakomiumo ueku Mokole Nebukanesa hapa anu ta gagi a oleo anu ta hawe. Ndiomo mo'ipi ka luwuno pongkita anu kinitamiu ueku a mpoturia:

Danieli 2:30

Kanatuumo ongkue, rahasia atuu pinosabaomo ndi ongkue, komba hangano ponto'ori mentee anu kongko ndi ongkue lumaloio ponto'ori mentee a luwuno mia anu tuwu, sine ka ipinau pengkonaano ndi omiu ueku mokole, ka ito'orio luwuno pinewowolomiu ueku.

Hosea 12:6

Ondaemo i Ue, Ue Alano luwuakoano, Ondae nineeako Ue.

Yoeli 2:2

oleo wongi mpusu ka worikidi, oleo menseru ka megawu nseru. Kana towea mepansari a wawo luwuno torukuno haweomo asa tongku anu langkai ka moroso; anu kanatuu nahi hori hina mompu'u i ndi'ipua, ka umarino atuu nahi ta hina mbo'u a luwuno inule, a tempo anu ta hawe.

Amosi 3:13

”Rongeomo, ka popoto'oriomo inuleno i Yako,” kanandiomo pau-Do Ue Ala, Ue Alano luwuakoano,

Amosi 5:27

ka Aku wawa komiu a pontadia olai i asambalino Damasi,” pau-Do i Ue, Ue Alano luwuakano, nee-Do.

Amosi 5:8

Ondaemo anu moweweu anano wula opitu ka anano wula anu otolu anu balio wongi-wongia gagi mo'oru ka anu weweuo meene gagi wongi-wongi kana wongi. Ondae anu moboio uwoi ntahi ka umuwuo a wawo ntolino, Ondae i Ue, onaemo atuu nee-Do.

Amosi 6:8

Ondae Ue Ala mesumpa Iramo a ngkoroi-Do, kanandiomo pau-Do i Ue, Ue Alano luwuakoano, ”Kumokokowuereakono pompelangka-langkaino i Yako, ka o'aliaako ira benteno; Aku meweengakono kota saru ihino.”

Amosi 8:9

”Ia oleo atuu,” kanandiomo pau-Do Ue Ala, ”Aku weweuo mata oleo sumoo tekonai meene ka weweuo tolino wongi-wongi tekonai oleo mewine.

Amosi 9:6

Ondae anu mowangu bolongko-Do i wawono i langi ka monaakono empehino ato-Do i wawonotolino; Ondae anu mompoboi uwoi ntahi ka umuwuo i wawontolino, Ondae i Ue, onaemo nee-Do.

Mika 1:3

Hangano menteeano Ondae i Ue meluarako inso a mpo'ianga-Do ka metii melempa a wawo luwuno pongkuno tolino.

Habaku 3:19

Ondae Ue Ala Ueku atuu rosoku. Ondae weweuo karuku kana karuno rusa, Ondae weweu aku mokompelempa a mpo'ianga mantande. Tiano petewawa mpenani. Saru pemaeno katapi.

Sakaria 12:1

Pau-Do i Ue mongkona Yerusale. Kanandiomo pau-Do i Ue anu wileo langi ka anu numaao empehino tolino ka anu weweuo penaa a laro ngkoroino mia,

I MATIU 9:4

Sine Doto'orio i Yesu pinewowolodo, ka Do'amba mepau, ”Tembio ka impompewowolo anu mosa'o i laro aroamiu?

I YOHANE 2:25

ka hangano nahi kinere maupo te'asa mia mesakosii ndi Ondae mongkona mia, hangano Doto'orio hapa anu hina i laro aroano mia.

I YOHANE 3:8

Angi mepuuri ba isua po'eheno, ka urongeo unino, sine nahi uto'orio ba isua insoano ke ba isua te'aroano. Kanandiomo teweweuno sompo mia anu hina inso a Mpenaa.”

Winali 32:13

Doweweuo i Ue hinao pe'ulaano lumaloo luwuno pongku, ka mongkaa hasili inso a lere. Ondae i Ue weweuo irasaio siu hoani inso a pongku watu, ka lana inso a ntorukuno watu anu motea,

Winali 33:29

Manangaikomo, hei Isaraeli! Isemake anu mengkena saru omue, aasa tongku anu kinadudui-Do i Ue, kanta pontulungi ka ponai ponangimu? Iwalimu ira mpetuundu mpesile'i ndi omiu, ka omue kolumolandao pongku witado.”