Amosi 4:11 - Wunta Mempori

¹¹ ”Kuwowangunsuleomo luwuno kota i olomiu, kana Dowowangunsuleo Ue Ala Sodomo ka Gumora, ranta ka imegagi kana tompa api anu inala inso a langano api. Sine nahi mpepokule ndi Ongkue,” kanandiomo pau-Do i Ue.

Amosi 4:11 ပူးပေါင်းရင်းမြစ်များ

Yesaya 13:19

Babeli, mewanta luwuno poparentaano, peramba-rambado to Kasidimi anu tekosi, ta mengkena kana Sodomo ka Gumora i tempono Dowowangunsuleo.

Yesaya 7:4

ka pauakono, Dagaiomo koroimu ka ikongko momperodo. Siimo doito ka siimo itengkuru aroamu hangano orua tompa api anu me'ahu andio tekudano ntu'u i Resini saru to Arami ka anano i Remalia.

Yesaya 9:12

Sine tongku atuu nahi dompepokule ndi Ondae anu tumunduhi ira, ka nahi dome'ungke Ira Ueno luwuakoano.

Yeremia 23:14

Maupo i olodo nabi i Yerusale Kukitao mongkona anu mongkokongiri: ondae mponsosabo ka mentuwu mpelelu nahi moleo; ondae menteahako ira mia anu mpoweweu mosa'o, ranta nahina maupo te'asa mia anu tepidi inso a wineweuno anu mosa'o. Luwudo megagi kana Sodomo ndi Ongkue ka palilino kana Gumora.”

Yeremia 49:18

Kana i tempono Sodomo ka Gumora saru luwuno kota pehorino Dowowangunsuleo, pau-Do i Ue, kanatuumo nahi ta hina mbo'u mia anu mo'ia mpiha i ra'ai ka maupo te'asa mia nahi ta hina mbo'u mia mo'ia i larono.

Yeremia 5:3

Oo Ue, nahi te'aro a menteeake mata-Miu? Itunduhi ira, sine nahi dompompemahaki; Ihuku ira, sine nahi domebehe mpontarima pongkuahako. Dompokomoteao uludo laluaopo sekono watu, ka nahi domebehe ntepidi.

Yeremia 50:40

Kana i ndi'ipua i tempono Ondae Ue Ala wowangunsuleo Sodomo ka Gumora saru luwuno kota pehori-horino, pau-Do i Ue, kanatuumo nahi ta hina mbo'u mia anu rodo i ra'ai ka maupo te'asa anano mia nahi ta mo'ia mbo'u i larono.

Yehesikieli 24:13

Hangano omue kumokoburutiakono mokoburua koroimu, onaemo pu'uno inehe-Ku mokomorinako, sine omue nahi gagi morina inso a mokoburumu. Omue nahi kopinokomorina mbo'u hawe ka itemonto tekuda-Ku ndi omue.

Hosea 11:5

Kombake ondae asalakono mpekule i wita Masiri? Po'ineeomo Asuri gagi mokoledo, hangano nahi domebehe ntepidi.

Hosea 11:8

Kana'umpe nahi Aku merioko, hei Eparai, meweengakomu, hei Isaraeli? Kana'umpe nahi Aku merioko kana i Adima, weweuko kana i Seboimi? Aroa-Ku mepokule a ngkoroi-Ku, pompehohawa-Ku mansa haweako.

Amosi 4:6

”Maupo hanganomo Ongkue ka imorina ngisimiu nahina kaanga i luwuno kotamiu ka imemakuraako roti i luwuno po'iangamiu, kongkomiu nahi mpepokule ndi Ongkue,” kanandiomo pau-Do i Ue.

Hagai 2:17

kana'umpe teweweumiu? Tempono dome'aiwa mia ira mpohawe howuno gandu rua pulu ponsa'u hadiono, butu hinao hopulu. Tempono dome'aiwa mia a mpoporo'ia anggoro ira mpontambu lima pulu ponsa'u, butu hinao rua pulu.

Sakaria 3:2

Ka i'amba mepau Iramo i Ue ndi Mosa'o atuu, ”Ondae i Ue tekudaakomu, hei i Mosa'o! Ondae i Ue, anu binikio Yerusale, tekudaakomu! Kombake onae andio mia nahi me'ura anu pinadiiomo inso a api?”

ROMA 9:29

Ka kana anu pinauno i Yesaya se'eluno, ”Bakanaano Ondae Ueno luwuakoano nahi Dopobintaakita inule, megagi kitamo kana Sodomo ka mengkena kana Gumora.”

1 KORINTI 3:15

Tewala inanggano mo'ai, onae ta marugi, sine koroino ta kinadudui, sine kana inso a laro api.

Winali 28:24

Ondae i Ue Ira mompotii usa awu ka pampawu a wawo witamiu. Inso i langi ta metii luwuno atuu i wawomiu, ranta ka imeropu.

Winali 29:23

Luwuno witano mo'aiako belera ka ohia, anu nahi rinawo, nahina hapa anu tuwu, ka nahina maupo pinopaho hapa anu me'umbaako inso ndi onae, kana i tempono Dowowangunsuleo Sodomo ka Gumora, Adema ka Seboimi, a laro ntekuda ka mokulano aroa-Do.

2 PETURU 2:6

ka tewala Ondae Ue Ala sumongkoo kota Sodomo ka Gumora, ka ba kanandio rumopuo ka mokogagio aasa pompopoto'orido anu mentuwu mpogau mosa'o a tempo lembuino,

YUDASI 1:23

Imengkadudui iramo mesala rumontu ira inso a api. Sine impopokitaomo pe'aroa anu tinondaako doitoa a luwuno mia susua mbo'u, ka ime'o'aliaakonomo sangkado anu rinegeiako luwuno mosisirino hala.

YUDASI 1:7

mengkena kana Sodomo ka Gumora ka luwuno kota petengi-tengino, anu saru wineweu anu mengkena mpoweweu pebelesua ka mpo'ungke pepokonsanaa anu nahi pototono, mpompembasai iramo pobobarasaino api anu nahina tampulaano gagi pompopoto'ori a luwuno mia.

MENGKAAA 9:20

Sine mia mehano, anu nahi mateako marasaia atuu, nahi dontepidi koa mbo'u inso a wineweuno kaedo: nahi dompenaa-naa mpesombai ira onitu nsa'o ka luwuno lahumoa inso a wulaa ka salaka, inso a mala, watu ka keu anu nahi pokompongkita ke moronge ke melempa,