Amosi 4:10 - Wunta Mempori

¹⁰ ”Kupotolaomo haki lele i tonga-tongamiu kana a nto Masiri. Kupepateako iramo ponai inulemiu i tempono ngaramiu pinomuru. Kuweweuo mewoo pekemaamiu, iwooo engemiu. Sine nahi mpepokule ndi Ongkue,” kanandiomo pau-Do i Ue.

Amosi 4:10 ပူးပေါင်းရင်းမြစ်များ

2 Mokole 10:32

I tempo atuu Ondae i Ue mompu'u mokokodeio wita Isaraeli. I Hasaeli numangi ira a luwuno wita Isaraeli,

2 Mokole 13:3

Ka tekuda-Do i Ue tensilaomo a nto Isaraeli, ka Dopeweengako ira a ngkaeno i Hasaeli, mokoledo to Arami ka a ngkaeno i Benihada, anano i hasaeli, mapa ta'u-ta'u tehineno.

2 Mokole 13:7

Hangano nami hina mbo'u tebinta sorodadu ndi Yoahasi, sangkadio lima pulu sorodadu mpengara, hopulu kareta ka hopulu nsowu sorodadu mpelempa ngkaru, hangano mokoledo to Arami mokoropu iramo ka ilolanda ira kana awuno ponsesaa.

2 Mokole 8:12

Motae i Hasaeli, ”Tembio ueku kai pengese?” Sumangki i Elisa, ”Hangano kuto'orio mokoburua anu ta wineweumu a nto Isaraeli: kotano anu mebente kosumongkoo, mia mongurano komepateakono ponai, nana'ote anu da kodei kopisikio ka beine anu mentia kobonsio.”

Peluarakoa 10:27

Sine Ondae i Ue mokomoteao aroano i Pirao, onaemo ka nahi eheako ira.

Peluarakoa 10:3

Lumako iramo i Musa ka i Haruni me'aro ndi Pirao ka dopotae ndi onae, ”Kanandiomo pau-Do i Ue, Ue Alado to Ibarani: Da tehine ke, ka u'amba me'urumako i aro-Ku? Potola iramo bawaa-Ku ka domelako mpesomba ndi Ongkue.

Peluarakoa 14:4

Aku mokomoteao aroano i Pirao, kai lampui ira. Aku mokomengkaao maramba-Ku ndi Pirao ka a luwuno sorodaduno, ka domento'orio koa to Masiri, nine Ongkuemo Ue.” Onaemo ka domeweweuo.

Peluarakoa 15:26

Pau-Do i Ue, ”Ipompe'ala-alamo ndi Ongkue Ue, Ue Alamiu ka impoweweu anu moiko a mpongkita-Do, imerongeo luwuno songka-Ku ka tumondao songka-Ku, asalakono nahi Aku mo'ineeo haki hapamo koa metako ndi omiu, kana anu pinotii-Ku a nto Masiri; nde Ongkuemo Ue anu mokotompako.”

Peluarakoa 8:19

Mpotae iramo to Masiri anu mponto'ori atuudo ndi Pirao, ”Onaemo andio wineweuno kae-Do Ue Ala.” Sine aroano i Pirao da motea, ka nahi perorongeako ira, kana anu umariomo Dopauo i Ue.

Peluarakoa 9:12

Sine Ondae i Ue mokomoteao aroano i Pirao, onae ka nahi perorongeako ira, kana anu Dopauomo i Ue ndi Musa.

Peluarakoa 9:17

Hangano da kongkomu umonto ira bawaa-Ku, ba ira melako.

Yesaya 34:3

Miano anu memate pinepate ira mempinetadiako, ka inso a wata ngkoroido ta meluarako woo mana moboo; luwuno torukuno mowoako reado.

Yesaya 50:11

Menteeano, omiu luwu anu mpopokomelanga api ka mpeparewaako pana-pana api, impewinsomo a laro langano apimiu, ka a ntongano pana-pana api anu imempasaomo! Kae-Kumo anu ta mokogagio mongkona atuu ndi omiu; komiu mpepombole a mpo'ianga tebobarasaia.

Yesaya 9:12

Sine tongku atuu nahi dompepokule ndi Ondae anu tumunduhi ira, ka nahi dome'ungke Ira Ueno luwuakoano.

Yesaya 9:13

Onaemo ka Dotebasio i Ue inso i Isaraeli ulu ka iki, watano ka sampano merongaako a oleo anu mengkena.

Yesaya 9:17

Mentee ntu'u, gau mosa'o melanga kana api anu kumaano pingko ewo ka rui, ka i'amba sumongkoo tonga ewo a ntobu ranta pebotono ahu membombo i wawono.

Yeremia 11:22

Onaemo pu'uno kanandiomo pau-Do Ueno luwuakoano, ”Menteeano, Aku humuku ira. Luwuno mia mongurado ira memateako ponai, luwuno anado tama ka beine ira memate mokoninggo.

Yeremia 15:3

Aku mompotiiako ira opaa rupa pohuku, kanandiomo pau-Do i Ue, ponai pompepate, dahu mporende, manu-manu i laro meene ka luwuno kondehora i tolino ka dompongkaa ka mepingkoo.

Yeremia 16:4

Ondae ira memate hangano luwuno haki anu mompepate; ondae nahi ira mensinabangi ka nahi ira mengkinaburu; ondae ira megagi kana ta'i a wita; ondae ira mepiningkoako ponai ka mokoninggoa; wata ngkoroido ta gagi kaangado manu-manu i laro meene ka kondehora i tolino.

Yeremia 18:21

Onaemo pu'uno, Ipeweengako iramo anado a mokoninggoa, ka Ipetadiako iramo a mata mponai! Po'ineeomo beinedo ntetadi anado ka mentuwu beine; po'ineeomo tamado memate tinunduhi, ka mangalitaudo mempinepateako ponai a mpeteaa!

Yeremia 48:15

Anu ta rumawo-rawoo Moabi ka luwuno kotano melako iramo mpetea, luwuno mia mongura anu tebiniki mpetii iramo a mponsumbelea, kanandiomo pau-Do Mokole anu nee-Do Ueno luwuakoano.

Yeremia 49:26

Onaemo pu'uno luwuno mia mongurano ira memate a luwuno tanalapano ka luwuno sorodaduno ira memate i tempo atuu, kanandiomo pau-Do Ueno luwuakoano.

Yeremia 5:3

Oo Ue, nahi te'aro a menteeake mata-Miu? Itunduhi ira, sine nahi dompompemahaki; Ihuku ira, sine nahi domebehe mpontarima pongkuahako. Dompokomoteao uludo laluaopo sekono watu, ka nahi domebehe ntepidi.

Yeremia 6:11

Ongkue mbo'u bukeako pontekudaako-Do i Ue, mokendo akumo meteao. ”Uwuomo atuu a wawo nana'ote kodei a nsala, ka a wawo pepumpuado mangalitau mperonga-ronga. Mentee ntu'u, moiko tama maupo beine ta rinako, mia mota'u mbo'u ka anu tende ntinuwu.

Yeremia 9:22

Pauomo, ’Kanandiomo pau-Do i Ue: wata ngkoroido mia matumbole kana ta'i a lere, kana tonggino gandu i bungkudo mia mensowi nahina anu pumpu ira.’”

Hosea 11:5

Kombake ondae asalakono mpekule i wita Masiri? Po'ineeomo Asuri gagi mokoledo, hangano nahi domebehe ntepidi.

Yoeli 2:20

Ponsapoi inso i utara Aku moko'olaio inso ndi omiu, ka Aku sumaario a wita anu mokari ka londa, baresi i arono a ntahi i sabaano oleo, ka baresi i bungkuno a ntahi i sumooano oleo. Mana moboo ka mana oruno ta mewuatako, hangano mongkokongiri ntu'u anu wineweuno.

Imama 26:16

manasa Ongkue mbo'u Aku weweuo kanandio ndi omiu, onaemo Aku mompotii tededengkea ndi omiu, mehengge mokari saru mokula, anu weweuo mata masola ka tumuwu marasai; nahi ta hina tuduno imerawoo iniimiu, hangano wuano ta pingko domengkaano iwalimiu.

Imama 26:25

ka Aku mompotii ndi omiu aasa ponai anu ta weweuo pombaloa hangano linalo pedandia atuu; tewala mpepumpu komiu te'ipua i luwuno kotamiu, ka Ku'amba mompotola haki mesaki i tonga-tongamiu ka komiu mempineweengako a ngkaedo iwali.

Amosi 4:6

”Maupo hanganomo Ongkue ka imorina ngisimiu nahina kaanga i luwuno kotamiu ka imemakuraako roti i luwuno po'iangamiu, kongkomiu nahi mpepokule ndi Ongkue,” kanandiomo pau-Do i Ue.

Amosi 8:3

Luwuno penani a mpo'ianga mempori ta gagi ponsabangi ia oleo atuu,” kanandiomo pau-Do Ue Ala. ”Hadio wata ngkoroi. Mia mpetadiakono isua-suamo koa. Penoro-noromo!”

Hagai 2:17

kana'umpe teweweumiu? Tempono dome'aiwa mia ira mpohawe howuno gandu rua pulu ponsa'u hadiono, butu hinao hopulu. Tempono dome'aiwa mia a mpoporo'ia anggoro ira mpontambu lima pulu ponsa'u, butu hinao rua pulu.

Winali 28:21

Ondae i Ue Ira mompotako haki lele ndi omiu, ranta kai mepingko inso i wita ba isua imelako komiu mpentorokio.

Winali 28:22

Ondae i Ue Ira humukuakomiu mehengge mokari, biibi ka haki buroko, mokula nsa'o ka wita mokari, ponsolangi mpinopaho ka hakino gandu. Luwuno atuu ta lumulu komiu ranta kai tampula.

Winali 28:60

Ira motiio mbo'u ndi omiu luwuno haki lele i wita Masiri anu imedoitoakono atuu, ka luwuno atuu metako ndi omiu.

Winali 7:15

Ondae i Ue Ira moko'olaio luwuno haki inso ndi omiu. Nahina maupo te'asa haki lele anu tino'orimiu i wita Masiri atuu ta pinotii ndi omiu, sine Ira motiio a mia anu umo'aliaako Ira.