Amosi 3:8 - Wunta Mempori

⁸ Singa mengaoliomo, isemake nahi doito? Ondae Ue Ala mepau Iramo, isemake anu nahi pompau anu ta gagi?”

Amosi 3:8 ပူးပေါင်းရင်းမြစ်များ

Yesaya 21:10

Hei tongkuku anu tinunduhi ka linolanda! Hapa anu rinongeku inso ndi Ondae Ueno luwuakoano, Ue Alado to Isaraeli, kupauakomumo.

Yesaya 31:4

Hangano kanandiomo pau-Do i Ue ndi ongkue: Kana asa singa ke singa mongura bamburu kumorahakono pinongko'alano, ka nahi tededengke rumongeo peboolido luwuno bawaano puu mpopakambi anu tinena umewaio, ka nahi tenangi a magagado, kanatuumo Ondae Ueno luwuakoano Ira metii metea a wawo ntorukuno Sioni ka a wawo pongkuno.

Yeremia 20:9

Tewala mompewowolo aku, ”Nahi kubehe mewowolo Ira ka nahi kubehe mbo'u mepau a nee-Do,” onaemo pu'uno i laro aroaku hinao asa kana api anu tensila, te'uko a laro wukuku. Kuperokuhiakono meteao, sine nahi kupolio.

Yeremia 26:12

Sine i Yeremia motaeako ira luwuno mia pinemota'u ka luwuno palili, ipotae, ”Ondaemo i Ue anu tumena aku ka kupauo anu ta gagi mongkona raha ka kota andio saru pau anu rinongemiumo atuu.

Yehesikieli 29:21

A oleo atuu Aku motuwuo tanduno suku Isaraeli ka weweuko mokompepau mbo'u i tonga-tongado. Ka ira mento'orio nine Ongkuemo Ue.”

Amosi 1:2

Ipotae, ”Ondae i Ue mengaoli inso i Sioni ka inso i Yerusale Dopoporongeo pau-Do; mokariomo luwuno mpada pompakambia ka moleuomo punsuno torukuno Karameli.”

Amosi 2:12

”Sine omiu mpoweeako ira mia anu meweengakono tumuwuno ndi Ondae mpo'inu anggoro ka parenta ira nabi: Si mpopau anu ta gagi!

Amosi 3:4

Mengaolike asa singa a ntobu, ba nahi pohawe kaangano? Mohohoike singa mongura inso a nsenono, ba napi porako hapa-hapa?

WINEWEUDO TINENA 4:20

Hangano komba kami komino ka nahi kipepau mongkona hapa anu kinitamami ka anu kirongeomo.”

WINEWEUDO TINENA 5:20

”Lakomo, ipentademo a Raha-Do Ue Ala ka ipaleleomo pau tuwua atuu a mia hadio.”

WINEWEUDO TINENA 5:29

Sine i Peturu ka tinena atuudo mesangki, dompotae, ”Asalakono ka laluaopo toperorongeako Ira Ue Ala sekonopo a mia.

1 KORINTI 9:16

Hangano tewala kupaleleo Lele Mawongkoa, nahina pepu'uano aku mompelangka-langkai. Hangano atuu lano anggaaku. Masola akumo, tewala nahi kupaleleo Lele Mawongkoa.

MENGKAAA 5:5

Ka i'amba mepauomo asa mia inso a mia mempinemota'u atuudo ndi ongkue, ”Si pengese! Menteeano, singa inso a nsuku Yehuda, onaemo tumbano i Daudi monangiomo, onaemo ka Dopokowileo paluluno wunta atuu ka umungkahio opitu tondonino.”