Amosi 3:7 - Wunta Mempori

⁷ Mentee ntu'u, Ondae Ue Ala nahi Doweweu ba nahi Dopokomengkaao pomputusi-Do a ntetenaa-Do, luwuno nabi.

Amosi 3:7 ပူးပေါင်းရင်းမြစ်များ

Tegagia 18:17

Mompewowolo Iramo i Ue, ”Nde Aku mewuniakonoke inso ndi Burahima hapa anu Aku weweuo?

Tegagia 6:13

Mepau Iramo Ue Ala ndi Noho, ”Kuputusiomo mokotampulao tuwudo luwuakoano anu tuwu, hangano tolino bukeako pobobarasaido. Kanandio-andio, Aku mokotampula ira meronga saru tolino.

2 Mokole 22:13

”Imelakomo, mpo'emaakune pontiso-Do i Ue, tiado palili ka luwuno Yehuda, mongkona pau a wunta anu hinawe andio, hangano mongkokongiriomo mokulano tekuda-Do i Ue anu tensila ndi ontae, hangano nahi domperorongeakono uempu'uto luwuno pauno a wunta andio saru meweweuo mengkena kana anu teburi i larono.”

2 Mokole 22:20

Onaemo pu'uno, menteeano Aku pumpuko saru uempu'umu, ka kokinaburu moiko, ka matamu nahi ta kumitao luwuno masolaa anu Aku motiio a mpo'ianga andio.” Ka do'amba mpohaweo sangki atuu ndi ondae mokole.

2 Mokole 6:12

Asa mia inso i olodo pegawaino motae, ”Nahina maupo te'asa mia, ueku mokole, sangkadio i Elisa, nabi i Isaraeli atuumo anu pauako ira mokoledo to Isaraeli pau anu pinaumiu a mpoturiamiu.”

Po'unde-unde 25:14

Ondae i Ue mesambe'e saru mia anu doitoako Ira, ka pedandia-Do Dopauako ira.

Yesaya 18:4

Hangano kanadiomo pau-Do i Ue ndi ongkue, ”Aku kongko momperodo mentango inso a mpo'ianga-Ku, kana rodono pompemokula ntu'u a ntonga oleo, kana gawu inso a tontoru a mokulano konsowia.”

Yeremia 23:22

Ande-andeno mehawe ira a nterisoa-Ku, ira mempaleleo pau-Ku a bawaa-Ku, mewawa ira mpepokule inso a mpeleludo anu mosa'o ka inso a wineweudo anu mosa'o.

Yehesikieli 29:21

A oleo atuu Aku motuwuo tanduno suku Isaraeli ka weweuko mokompepau mbo'u i tonga-tongado. Ka ira mento'orio nine Ongkuemo Ue.”

Danieli 10:21

Sine, aku koa pauakomu hapa anu teburi a Wunta Menteea. Nahina maupo te'asa anu me'alaako ndi ongkue umewai ira, sangkadio i Mikaeli, petewawamu atuu.

Danieli 11:2

”Onaemo pu'uno, aku koa pauakomu menteea. Menteeano, otolu mbo'u mokole ta me'umbaako i wita Peresia, ka anu ko'opaa ta lalua kaea lumaluio luwudo. Mansano gagiomo moroso hangano kaeano, ta umoluako ira luwu ka dome'ewaio poparentaa Yunani.

Danieli 2:47

Mepauomo mokole ndi Danieli, ”Menteeano, Ondae Ue Alamu atuu Ue Ala i wawono luwuno pinesombai ka Anu pabawa a luwuno mokole, ka Anu mosabao luwuno rahasia, hangano omue polio mosabao rahasia atuu.”

I YOHANE 15:15

Nami Aku moboiakomiu mbo'u tetenaa, hangano tetenaa nahi to'orio, hapa anu wineweuno ueno, sine Kupoboiakomiu sambe'e, hangano Kupauakomiumo luwuakoano anu rinonge-Ku inso ndi Ondae Ama-Ku.

MENGKAAA 1:1

Ndiomo pinokomengkaa-Do i Yesu Kerisituu, anu Doweeako Ira Ue Ala ndi Ondae, ka Dopopokitaako ira tetenaa-Do hapa anu asalakono ta ronga gagi. Ka a mala'eka-Do anu tinena-Do, Dopokomengkaaomo ndi Yohane, tetenaa-Do.

MENGKAAA 1:19

Onaemo pu'uno buriomo hapa anu ukitaomo, moiko anu gagi kanandio-andio maupo anu ta gagi umarino andio.

MENGKAAA 10:7

Sine i tempono unino tawuwua inso a mala'eka anu ko'opitu, onaemo tewala ipuurio tawuwuano, ka tamo inihii pomputusi rahasia-Do Ue Ala, kana anu Dopaleleako iramo tetenaa-Do, onaemo luwuno nabi.”

MENGKAAA 4:1

Ka i'amba umarino atuu kukitao: Menteeano, aasa pewowa te'ungkahi i suruga ka suara anu i ndi'upua kurongeomo, motae ndi ongkue kana unino tawuwua, ipotae: Pewuatakomo ramai ka Aku tumisoakomu hapa anu asalakono gagi umarino andio.

1 Samueli 9:15

Asa oleo se'eluno napi hawe i Saulu, Ondae i Ue umari Iramo mopoto'oriakono i Semueli kanandio,