Amosi 3:2 - Wunta Mempori

² ”Butu omiu anu tino'ori-Ku inso a luwuno suku i wawontolino. Onaemo pu'uno Aku humuku komiu hangano luwuno salamiu.

Amosi 3:2 ပူးပေါင်းရင်းမြစ်များ

Tegagia 10:32

Onaemo atuu luwuno sukudo anano i Noho montonda inuledo, montonda tongkudo. Insomo ndi ondae atuu tesiarawo luwuno tongku i tolino umarino lolowi.

Tegagia 18:19

Hangano Kubinikiomo, ka iparenta ira anano ka inuleno ka dokongko mentondao sala-Do i Ue saru mpoweweu menteea ka moleoa; ka Dopoweeakono mbo'u i Ue i Burahima hapa anu dinandi-Do ndi onae.”

Po'unde-unde 147:19

Dopohaweo pau-Do ndi Yako, luwuno pompakosi-Do ka songka-Do a nto Isaraeli.

Peluarakoa 32:34

Kanandio-andio lakomo, wawa iramo tongku atuu a mpo'ianga anu umariomo Kupauakomu. Mala'eka-Ku ta melempa i aromu. Sine i oleo pombaloa-Ku, mia atuudo Aku humuku ira hangano halado.”

Yesaya 63:19

Kana ntu'u mompu'u i ndi'ipua se'eluno nahi kimehori mpo'ia i totono poparenta-Miu, kana ntu'u omami nahi hori pinau saru nee-Miu.

Yeremia 1:15

Hangano menteeano, Kupoboi ira luwu ulea mokole a luwuno poparentaa inso i utara, kanandiomo pau-Do i Ue, ira me'aiwa ka singge pompotade kadera poparentaado a luwuno pewowa pewinsoa a mpewowa langkai Yerusale, umpeda luwuno rere watu anu lumimbuo ka umpeda luwuno kotano Yehuda.

Yeremia 10:25

Ipotiiomo tekuda-Miu a luwuno tongku anu nahi to'ori Komiu, a luwuno pe'etu anu nahi dompebooliako nee-Miu, hangano domengkaanomo i Yako, mengkaano ka mepingkoo; po'iangano domeweweuo gagi terawo-rawo.

Yeremia 11:22

Onaemo pu'uno kanandiomo pau-Do Ueno luwuakoano, ”Menteeano, Aku humuku ira. Luwuno mia mongurado ira memateako ponai, luwuno anado tama ka beine ira memate mokoninggo.

Yeremia 13:21

Hapa anu pinaumu, tewala mia anu upewali-waliako ira gagi sambe'e, pinotoro gagi petewawamu? Kombake mahakia ta sumapoiko mengkena kana beine anu me'ana?

Yeremia 14:10

Kanandiomo pau-Do i Ue mongkona tongku andio, ”Ondae tedoa mensanaa mpelakopi ka nahina umontoo karudo. Onaemo pu'uno nahi Dopemoiko ira i Ue. Kanandio-andio Ira rumambeo salado ka humuku ira hangano halado.”

Yeremia 9:25

”Kitao, tempono ta hawe, kanandiomo pau-Do i Ue, Aku humuku ira mia anu mentinindi iramo tinotopi kuli anuno:

Yehesikieli 5:9

Hangano luwuno wineweumu anu mokoburu atuu, Aku weweuo ndi omue hapa anu napi Kuhori weweuo ka nahi Aku weweuo mbo'u.

Yehesikieli 9:6

Pompepate ka ropu ira mia anu mota'u, ana ntama kontuwuado, ka ana beine kontuwuado, nana'ote kodei ka luwuno beine! Sine, luwuno mia anu tinondoniomo, si danggi ira! Pompu'umo inso a mpo'ianga mempori-Ku!” Ka do'amba mpompu'u inso a mia memota'u anu mekongko i arono Raha Mempori.

Danieli 9:12

Dopokorosoomo pau anu pinau-Do ndi omami ka mia anu parenta kamimo saru mowawaakami masolaa langkai anu napi hori gagi i totono asa wawo langi, kana i Yerusale.

Hosea 2:13

”Onaemo pu'uno, menteeano Aku popandeio ka wawao i pada one, ka i'amba mepau mokorodoo aroano.

Hosea 5:3

Kuto'orio i Eparai, ka Isaraeli nahi tewuni ndi Ongkue, hangano monsosabokomo, hei Eparai; ka Isaraeli iweweuomo koroino mokoburu.

Hosea 8:13

Mpompowee ira ndi Ongkue luwuno pesomba sinumbele; mpopesombaako ira bau ka domengkaano; sine nahi Dopemoiko ira i Ue. Kanandio-andio Dopototoio salado ka humukuo halado. Ondae asalakono mpekule i Masiri!

Hosea 9:9

Tedoa ondalo domepansia kana a luwuno oleo Gibea; Ira mototoio salado ka ta hinuku halado.

Amosi 2:4

Kanandiomo pau-Do i Ue, ”Hangano otolu wineweuno Yehuda anu mosa'o, ke opaa, nahi Aku balio pomputusi-Ku. Hangano nahi domentarimao songka-Do i Ue, ka nahi dompe'ini a luwuno pompakosi-Do. Dompokopansia ira lahumoa mpegaupi anu tinondado uempu'udo.

Amosi 3:3

Melempa irake orua mia meronga-ronga, ba napi dopedandi?

Amosi 6:1

”Memasola iramo ntu'u mia anu momperodo i Sioni, mia anu momperodo i torukuno Samaria, luwuno mia memota'u inso a tongku amba-ambano, anu dontepohaweakono tongku Isaraeli!

Mika 2:3

Onaemo pu'uno kanandiomo pau-Do i Ue: menteeano, Aku mosongka masolaa a nsuku andio, ka nahi komiu mpokoliahakono we'umiu inso a mpasanga atuu. Nahi komiu mpokompelempa mbo'u mpompelangka-langkai, hangano tempo atuu onaemo tempo anu mosa'o.

Nahumi 3:4

Tedoa hadio pebelesua inso a beine belesu, tekosino minosisiriako ka pande alaro monsihiri, a mpebelesuno ipopandei ira luwuno tongku ka tino'orino a luwuno pe'etu.

WINEWEUDO TINENA 17:26

Inso a aasa mia koa Dopokogagiomo luwuno tongku ka luwuno mia ka dompo'iangario asa wawontolino ka Dopakosiako iramo luwuno tempo ka luwuno tidano po'iangado,

ROMA 2:9

Marasaia ka ma'isoa ta umaluo sompo mia anu tuwu moweweu anu mosa'o, amba-ambano to Yahudi ka to Yunani mbo'u,

1 KORINTI 8:3

Sine mia anu mehohawa Ira Ue Ala, Doto'orio Ue Ala.

Winali 10:15

Sine butu koa ndi ondae uempu'umiu tepadii aroa-Do i Ue, ranta ka Dopehohawa ira, ka omiumo inuledo, anu bininiki-Do inso a luwuno tongku, kana anu gagi kanandio-andio.

Winali 26:18

Oleo andio Dotarima komiumo i Ue nine omiumo bawaa anu pinehohawa-Do, kana anu dinandi-Do ndi omiu, ka asalakono impe'ini a luwuno parenta-Do.

Winali 32:9

Sine tia-Do i Ue onaemo bawaa-Do, i Yako onaemo tia-Do pusaka anu pinakosi-Do.

Winali 4:32

Kanandio-andio impo'arahakomo mpesikeno mongkona tuwua nse'elu, anu hina se'eluno omiu, mompu'u Dopokogagio Ue Ala mia i wawontolino. Pesikenoakono inso i tompano langi ka hawe i tompano langi: Nde horio gagike mongkona anu langkai kanandio, horio terongeke aasa kanatuu?

Winali 7:6

Hangano omiumo bawaa-Do i Ue, Ue Alamiu anu mempori. Omiumo anu bininiki-Do i Ue, Ue Alamiu inso a luwuno tongku i wawontolino kai megagi bawaa pinehoha-Do.

1 PETURU 4:17

Hangano kanandio-andio haweomo tempono ipinu'u pobitaraa, ka a raha-Do isa'a Ue Ala anu asalakono amba-ambano binitara. Ka tewala pobitaraa atuu pinu'u ndi ontae, kana'umpeke pokotompaano ondae anu nahi dompe'ala-alao Lele Mawongkoa-Do Ue Ala?