Amosi 3:1 - Wunta Mempori

¹ Rongeomo pau andio, anu pinau-Do i Ue mongkona omiu, hei to Isaraeli, mongkona luwuno suku anu umariomo Kutaateo meluarako inso i wita Masiri,

Amosi 3:1 ပူးပေါင်းရင်းမြစ်များ

1 Tawarika 16:13

oo! Ana'ueno i Isaraeli, tetenaa-Do, oo! Luwuno anano i Yako, luwuno mia anu bininiki-Do!

2 Tawarika 20:15

ka ipebooli, ”Impenootio, oo luwuno to Yehuda ka palilino Yerusale ka omiu ueku mokole Yosapa, kanandio pau-Do i Ue ndi omiu: Siimo imedoito ka ntededengke a nsorodadu anu asa bawaa langkai andio, hangano komba ta omiu anu metea tendeano Ondae Ue Ala.

Yesaya 46:3

”Ronge Akumo, hei suku inuleno i Yako, hei luwuno mia anu da mentuwu inso a inuleno i Isaraeli, hei mia anu Kutembi komiu mompu'u inso a mpe'anakaa, hei mia anu Kusu'u komiu mompu'u inso a laro kompono inemiu.

Yesaya 48:12

”Ronge Akumo, hei Yako, ka omue Isaraeli anu pinoboi-Ku! Ongkuemo anu mengkena mpiha, Ongkuemo anu tese'elu, Ongkue koa mbo'u anu telembui!

Yeremia 13:11

Hangano mengkena kana peboo ntonga metako a ntongano asa mia, kanatuumo hieno luwuno suku Isaraeli ka suku Yehuda Kupotako ira ndi Ongkue, kanandiomo pau-Do i Ue, ka domegagi bawaa, gagi tenee, inunde-unde ka gagi pinelangkai ndi Ongkue. Sine nahi domebehe mpomperorongeako.”

Yeremia 31:1

”I tempo atuu, kanandiomo pau-Do i Ue, Aku gagi Ue Alado luwuno pepe'etuado to Isaraeli ka ondae gagi bawaa-Ku.

Yeremia 8:3

Sine luwuno mia anu da mentuwu inso a nsuku anu lambaha andio ta inehedopo mate sekono tuwu a luwuno po'ianga isua Kusiarawo ira, kanandiomo pau-Do Ueno luwuakoano.

Hosea 4:1

Rongeomo pau-Do i Ue, hei Isaraeli, hangano Ondae i Ue hinao kara-kara saru palilino wita andio, hangano nahina petenunu, nahina pompehohawa, ka nahina ponto'ori mongkona Ondae Ue Ala i wita andio;

Hosea 5:1

Rongeomo andio, hei luwuno sando mpesomba, pekokoongakonomo hei to Isaraeli, ka ta'oomo biri, hei somborino mokole! Hangano tiamiumo pohuku atuu, hangano megagi komiumo dampa ndi Misipa, ka buani anu tinende i wawo ntorukuno Tabori,

Amosi 2:10

Kahinaano Ongkuemo anu tumaate komiu mpeluarako inso i wita Masiri ka wawa komiu i larono pato pulu nta'u i pada one, ka impetorokio witado to Amori.

Amosi 4:1

”Rongeomo pau-Do i Ue andio, hei luwuno sapi Basani, anu mekongko i torukuno Samaria, anu pinokonsii mia molema, anu bobarasai ira mia mongkokolaro, anu mpotaeako ira tamamiu: wawaomo ramai, kato po'inu-inu!

Amosi 5:1

Rongeomo pau andio anu kupenaniako gagi ponsabangia mongkona omiu, hei tongku Isaraeli,

Mika 2:3

Onaemo pu'uno kanandiomo pau-Do i Ue: menteeano, Aku mosongka masolaa a nsuku andio, ka nahi komiu mpokoliahakono we'umiu inso a mpasanga atuu. Nahi komiu mpokompelempa mbo'u mpompelangka-langkai, hangano tempo atuu onaemo tempo anu mosa'o.

Mika 3:1

Umarino atuu kupotae, ”Imerongeomo, hei luwuno mia pinemota'uno i Yako, ka luwuno petewawa suku Isaraeli! Kombake tekona imento'orio moleoa,

Sepanya 2:5

Memasola komiu ntu'u palilino wita i wiwi ntahi, omiu tongku Kereti! Ndi omiumo pau-Do i Ue andio: Hei Kana'a, witado to Pelisiti! Aku mepateko, ranta nahina mbo'u palilimu.

MENGKAAA 2:29

Isema mebiri, po'ineeomo ka iperorongeakono hapa anu pinau-Do Penaa a luwuno bawaa.”