Amosi 2:7 - Wunta Mempori

⁷ Ondae melolanda ira uludo mia molema a laro pampawu ka mebungkui ira mia marasai inso a nsala moleoa; ana ka ama lumako mewowaliako asa ana beine, ranta molinggei memporino nee-Ku.

Amosi 2:7 ပူးပေါင်းရင်းမြစ်များ

2 Samueli 12:14

Maupo kanandio, hangano tedoako ntu'u mokongkodei Ira i Ue ka upoweweu kanandio, asalakono nana'ote anu ta hina atuu ta mate.”

1 Mokole 21:4

Ka i'amba i Ahabi mewinso a laro langkanaeno, saru mosa'o aroano ka tekuda hangano pau anu pinauno i Nabo to Yisire'eli atuu ndi onae, ”Nahi aku weeakomiu tia pusakado uempu'uku.” Onae mepombole a mpoturiano ka ipo'opoo rupano, ka nahi behe mongkaa.

Powadi 28:21

Mobini-biniki nahi moiko, sine hangano asa mpole roti mia moweweu hala.

Yesaya 10:1

Memasola ira ntu'u anu metantuio luwuno pompakosi anu nahi moleo ka meweweuo luwuno pomputusi anu lambaha,

Yesaya 10:2

nahi dompoweeako ira moleoa a mia molema, me'alao tiado mia marasai i olodo bawaa-Ku, ka dome'alao anu ta tiado tuwua beine, ka mpomuru ira nana'ote nahina amado!

Yesaya 3:14

Ondae i Ue mentade gagi puu mpobitara a mia memota'u ka luwuno petewawa bawaa-Do, ”Omiumo anu mengkaano ka ipingko lere anggoro atuu, parewa merinontu inso a mia tepokonsii tehowu a laro rahamiu.

Yesaya 3:15

Hapa pabawamiu bobarasai ira bawaa-Ku ka umisao ka imotutu rupado mia tepokonsii?” Kanandiomo pau-Do Ue Alano luwuakoano.

Yehesikieli 22:11

Anu asa mia moweweu mokoburu saru kombiano pe'asa miano ka anu susua kumokoburutio ana mponino beine saru wineweu mokoburu, anu asa mia mbo'u dumadaio pepaekompono beine, ana ngkoroino amano.

Yehesikieli 36:20

Maupo isua domelako i olodo luwuno tongku, domengkokoburutio nee-Ku anu mempori, tempono domempasinggiri ira mia: Dompotae ondae bawaa-Do i Ue, sine ondae asalakono mpeluarako inso i wita-Do.

Hosea 4:14

Nahi Aku humuku ira anamu beine maupo domponsosabo, ke luwuno kombiado ana ntamamu, maupo dompebelesu. Sine, tamado isa'a melako mpe'asaako ira beine mebelesu ka mompesombaako pesomba meronga luwuno mia mebelesu a raha pesombaa susua. Bawaa anu nahina ponto'orino ta tedonta.

Imama 18:15

Si sungkeo anuno ponimu beine, hangano onae kombiano anamu tama. Si sungkeo anuno.

Imama 18:21

Si peweengakono aasa anamu inso a luwuno anamu kai pinesombaako ndi Moloko, kasi ulaloo memporino nee-Do Ue Alamu. Ongkuemo Ue.

Imama 18:8

Si sungkeo anuno kombiano amamu, hangano anu atuu anuno amamu.

Imama 20:3

Ongkue isa'a anu umaropio mia atuu ka mokotampulao inso i tonga-tongano tongkuno. Hangano ipeweengakono asa inso a luwuno anano ndi Moloko saru tinoono weweuo mokoburu po'ianga mempori-Ku ka lumaloo memporino nee-Ku anu mempori.

Amosi 4:1

”Rongeomo pau-Do i Ue andio, hei luwuno sapi Basani, anu mekongko i torukuno Samaria, anu pinokonsii mia molema, anu bobarasai ira mia mongkokolaro, anu mpotaeako ira tamamiu: wawaomo ramai, kato po'inu-inu!

Amosi 5:11

Omiu mopokonsii mia anu molema ka mpo'ema sima'uluno gandu. Onaemo pu'uno, maupo imewangu ira raha inso a watu pina'o, nahi komiu mpo'iangario; maupo impoweweu lere anggoro anu tekosi, nahi komiu mpo'inu anggorono.

Amosi 5:12

Kuto'orio kana'umpe hadio ntu'u wineweumiu anu mosa'o ka kogagi-gagino ntu'u halamiu, hei omiu anu pokonsii ira mia mentee, anu montarima pompowee nahi pototono ka anu mebungkui ira mia mongkokolaro a mpewowa langkai.

Amosi 8:4

Rongeomo andio, omiu anu mpompokonsii mia mongkokolaro, anu mpopepate mia marasai i wita andio.

Mika 2:2

Tewala inehedo lere, domerontuo, ka luwuno raha, dome'alao. Domerontuo mia saru rahano, ka mia saru tia pusakano!

Mika 2:9

Luwuno kombia inso i olodo bawaa-Ku imensaari ira inso a raha anu kinekewoido; inso a luwuno nana'ote ime'ala iramo mpiha, marambaa anu Kuweeako iramo.

Sepanya 3:3

Mia pinemota'udo i ra'ai onaemo singa anu mengaoli; luwuno puu mpobitarano onaemo serigala wongi anu nahi pobinta maupo hapa hawe mo'oru.

ROMA 2:24

Kana hinao teburi, ”Nde hanganomo omiu ka ipinepaukiako nee-Do Ue Ala i olodo tongku susua.”

1 KORINTI 5:1

Lano domerongeo mia, nine hinao pebelesua i olomiu, ka pebelesua anu kanatuu, kana komba hina hinawe maupo i olodo tongku anu nahi domento'ori Ira Ue Ala, onaemo nine hinao mia anu tuwu saru kombiano amano.