Amosi 2:5 - Wunta Mempori

⁵ Aku mompotola api a laro Yehuda, ranta luwuno bente Yerusale mo'ai luwu.”

Amosi 2:5 ပူးပေါင်းရင်းမြစ်များ

2 Mokole 25:9

Isongkoo raha-Do i Ue, rahano mokole ka luwuno raha i Yerusale. Luwuno rahado anu langkai potorono isongkoakono api.

Yeremia 17:27

Sine tewala nahi mperorongea-Kune ka impokomemporio oleo Saba ka nahi mpowawa parewa telalo a luwuno pewowa langkaino Yerusale a oleo Saba, asalakono a luwuno mpewowa langkaino Aku molangao api, anu ta kumaano ka ipingko luwuno benteno Yerusale, ka anu nahi pinokompepate.”

Yeremia 21:10

Hangano Ku'aropiakonomo mosa'oa kota andio ka komba moikoa, kanandiomo pau-Do i Ue. Kota andio ta pineweengako a ngkaeno mokole i Babeli ka ta sumongkoo.”

Yeremia 39:8

To Kasidimi rumopuo langkanaeno mokole ka rahado palili, ka do'amba mehoao luwuno rere watuno Yerusale.

Yeremia 52:13

Onae sumongkoo Raha-Do i Ue, rahano mokole ka luwuno raha i Yerusale; luwuno rahado anu langkai potorono isongkoo.

Hosea 8:14

I Isaraeli kumolupeo anu mokogagio ka montadeo luwuno langkanae; i Yehuda mokohadioo kota mebente; sine Aku mompotola api i larono luwuno kotado, ka i'amba luwuno bente ka langkanaedo ta kumaano.

Amosi 1:4

Aku mompotola api a laro langkanaeno i Hasaeli, ranta luwuno benteno i Benihada mo'ai luwu;

Amosi 3:11

Onaemo pu'uno kanandiomo pau-Do Ue Ala, ”Iwali ta hina a mpetengi-tengino witamiu, rosomu ta inonini inso ndi omue, ka luwuno bentemu ta pinomuru!”

Amosi 3:15

Aku mobangkuo po'ianga i tempono morini saru po'ianga tempono mokula; terawo-rawoomo luwuno raha tindu, ka pingkoomo luwuno raha langkai ka tekosi,” kanandiomo pau-Do i Ue.

Amosi 7:4

Ndiomo anu pinopokita-Do Ue Ala ndi ongkue: Tengkita Iramo Ue Ala moboio api ta pohuku. Api atuu kumaano uwoi piingko a ondaloano ntu'u ka ta piingko ikaano wita lere.