Amosi 2:4 - Wunta Mempori

⁴ Kanandiomo pau-Do i Ue, ”Hangano otolu wineweuno Yehuda anu mosa'o, ke opaa, nahi Aku balio pomputusi-Ku. Hangano nahi domentarimao songka-Do i Ue, ka nahi dompe'ini a luwuno pompakosi-Do. Dompokopansia ira lahumoa mpegaupi anu tinondado uempu'udo.

Amosi 2:4 ပူးပေါင်းရင်းမြစ်များ

2 Mokole 17:19

To Yehuda mbo'u nahi dompekariao parenta-Do i Ue, Ue Alado. Mentuwu ira montonda luwuno anu wela wineweudo to Isaraeli.

2 Tawarika 25:14

I Amasia mekule, umarino numangi ira to Edomi atuu. Iwawao mekule luwuno lahumoado inuleno i Seiri ka ipontadeo gagi luwuno pinesombaino. Onae menggolontu mesomba a luwuno pinesombaino atuu ka ipontunuako ira pesomba.

2 Tawarika 30:7

Siimo impoweweu kana uempu'umiu ka pepaekompomiu anu nahi petenunu ndi Ondae i Ue, Ue Alano uempu'udo. Mongkokongiri ntu'u Doweweu ira, kana anu kinitamiu.

Nehemia 1:7

Tedoa kamimo mensala ndi Omiu ka nahi kimentondao luwuno parenta, pompakosi ka atora anu Iparentaakonomo i Musa, tetenaa-Miu.

Nehemia 9:26

Sine dome'ewaio parenta-Miu ka me'ewai Komiu. Dompebungkuio songka-Miu ka mpepate ira nabi-Miu anu mopoto'oriako ira kadompepokule ndi Omiu. Mpoweweu ira anu tedoa mosa'o.

Yesaya 28:15

Hangano mpotae komiumo, ”Mpoweweu kamimo pedandia saru matea, ka saru tolinodo mia mate mpoweweu kamimo tepo'asaa mpau; maupo mowo tumutuwio ka sumampuo, nahi ta kumona kami; hangano kimpokogagiomo pegaupi gagi pepekaduduimami, ka omami mpewuni a laro mpegaupia.”

Yesaya 44:20

Mia anu marepaako butu awu, ipopo'ooo aroano anu tesaa; onae nahi pokokaduduio koroino ke motae, ”Kombake anu a ngkae koanaku andio butu pegaupi?”

Yeremia 16:11

ka pauako iramo, ’Hangano dompebungkui Akumo uempu'umiu, kanandiomo pau-Do i Ue, ondae mbo'u mpontonda iramo pinesombai susua, mpesomba ka mpenggolontu mpesomba ndi onae. Dompebungkui Aku ka nahi dompe'ini a songka-Ku.

Yeremia 16:12

Omiu isa'a mpoweweu laluaopo mosa'o sekonopo uempu'umiu! Kitao, omiu singge mia montonda aroano anu motea ka mosa'o sekonopo merorongea-Kune.

Yeremia 17:27

Sine tewala nahi mperorongea-Kune ka impokomemporio oleo Saba ka nahi mpowawa parewa telalo a luwuno pewowa langkaino Yerusale a oleo Saba, asalakono a luwuno mpewowa langkaino Aku molangao api, anu ta kumaano ka ipingko luwuno benteno Yerusale, ka anu nahi pinokompepate.”

Yeremia 6:19

Rongeomo, hei tolino! Mentee ntu'u Aku mompotii masolaa a tongku andio, gagi poko'ariano inso a luwuno tinoodo, hangano nahi dompekokoongakono pau-Ku ka domentarimao pompaguru-Ku.

Yeremia 8:2

Luwuno wuku atuu siniarawo i totono mata oleo, wula, ka luwuno anano wula anu hori ira mengkekewoio, mpekakaakono, mentondao, mpesikeno ka mpesomba. Luwuno atuu nahi ta pinumpu ka kinaburu, tendeano ta gagi pompokomewalo a wawo wita.

Yeremia 8:9

Mia pande mosongka gagi mokoko'ii; ondae ntededengke ka tepopo'oo. Menteeano, nahi domentarimao pau-Ku, ponto'ori hapa anu kongko ndi ondae?

Yeremia 9:14

Tendeano, domentondao moteano aroado ka mentonda ira Baala kana anu domempaguruako ira uempu'udo.

Yehesikieli 13:22

Hangano omiu mpokomolemaakono pegaupi aroano mia mentee, sekono Ongkue nahi Kupokomasusao aroano, ka tendeano ipokomoteao aroano mia mosa'o gauno, onaemo ka nahi tepidi inso a mpeleluno anu mosa'o gauno atuu, ka impo'ineeo ka ituwu,

Yehesikieli 20:13

Sine, suku Isaraeli me'ewa ndi Ongkue i pada one. Nahi domentuwu montonda luwuno pompakosi-Ku ka nahi domentarimao luwuno atora-Ku, kahinaano mia anu weweuo ta tuwu. Ondae mbo'u tedoa mengkokoburutio luwuno oleo Saba-Ku. Ka Kupontoo umuwuo tekuda-Ku ndi ondae i pada one ka mepate ira.

Yehesikieli 20:16

Hangano, nahi domentarimao luwuno atora-Ku ka nahi domentuwu montonda luwuno pompakosi-Ku saru mengkokoburutio luwuno oleo Saba-Ku; mentee ntu'u aroado metondao luwuno lahumoado.

Yehesikieli 20:18

Kupepauako ira anado i pada one: Siimo imentuwu montonda luwuno pompakosido amamiu, siimo impe'ini a luwuno atorado, ka koroimiu siimo imengkokoburutiakono luwuno lahumoado.

Yehesikieli 20:24

Hangano, nahi domeweweuo luwuno atora-Ku, nahi domentarimao luwuno pompakosi-Ku, ka mengkokoburutio luwuno oleo Saba-Ku saru matado te'aro a lahumoano luwuno amado.

Yehesikieli 20:30

Onaemo pu'uno, potaemo a nsuku Isaraeli: Kanandiomo pau-Do Ue Ala: Nde imengkokoburutio mbo'uke koroimiu a laro nsala tumuwudo uempu'umiu ka mponsosabo saru mentondao luwuno pinesombai susua anu mokoburu?

Yehesikieli 22:28

Luwuno nabino mengkapuruakono pongkita anu mompopo'oo ka tino'ori pegaupido luwuno wineweudo atuu. Luwuno nabi atuu mpotae: Kanandiomo pau-Do Ue Ala!, kahinaano Ondae i Ue nahi Dopepau.

Yehesikieli 22:8

Uperuanahi ira mongkona anu mempori-Ku ka luwuno oleo Saba-Ku ukokoburutio.

Hosea 12:2

I Eparai mompakambi angi, ka molulu angi sabaano oleo asa oleo, mompokohadio pegaupi ka pobobarasai. Mpowutu ira pedandia saru Asuri, ka mpowawa lana a nto Masiri.

Hosea 12:3

Ondae i Ue mekara-kara saru Yehuda. Ira humukuo Yako menunu saru peleluno, ka Ira weeakono montonda saru luwuno wineweuno.

Hosea 6:11

Tiamu mbo'u, hei Yehuda, tinantuiomo ponsowia: tewala Kupokotompao teweweudo bawaa-Ku.

Amosi 1:3

Kanandio pau-Do i Ue, ”Hangano otolu wineweuno mosa'o Damasi, tendeano opaa, nahi Aku balio mbo'u pomputusi-Ku: Hangano Gileadi domensesaakonomo ponsesaa inso a labu,

Amosi 3:2

”Butu omiu anu tino'ori-Ku inso a luwuno suku i wawontolino. Onaemo pu'uno Aku humuku komiu hangano luwuno salamiu.

Mika 6:12

Luwuno mia mompoli i kota atuu mpoweweu hadio pobobarasaia, palilino mpegaupi ka elo a laro ngangado bukeako pompopo'oo.

Habaku 2:18

Hapa tuduno tinaha pesomba pina'o, pina'ono anu weweuo? Hapa tuduno tinaha pesomba tinawa, anu mompaguru pegaupi atuu? Hangano anu weweuo me'ala-alao wineweuno, ka hinaano luwuno lahumoa wineweuno atuu beebe nahi dompepau.

ROMA 1:25

Hangano mentee-Do Ue Ala dome'euakono pegaupi ka mpelangkaio ka mpesombaio anu tuwu sine domengkolupeo Anu Mokogagi ira anu asalakono inunde-unde ranta nahina tampulaano, ami.

1 TESALONIKA 4:8

Onaemo pu'uno isema anu nahi tarimao andio komba mia anu nahi tarimao, tendeano nahi tarima Ira Ue Ala anu moweeakomiumo mbo'u Penaa-Do anu mempori.

1 PETURU 1:18

Hangano imento'orio, nine mentinolosi komiumo inso a gau ntumuwu anu nahina tuduno pusakamiu inso a uempu'umiu atuu komba saru sangka anu ta tampula, komba mbo'u saru salaka ke wulaa,

Puu Mpobitara 10:6

To Isaraeli mpoweweu iramo mbo'u anu mosa'o ia pongkita-Do i Ue. Mpesomba ira ia Baala ka ia Asitore, a luwuno anu pinesombaido to Arami, anu pinesombaido to Sidoni, anu pinesombaido to Moabi, anu pinesombaido inuledo to Amoni ka anu pinesombaido to Pilisiti. Domebinta ira i Ue ka nami dompesombai Ira.