Amosi 1:2 - Wunta Mempori

² Ipotae, ”Ondae i Ue mengaoli inso i Sioni ka inso i Yerusale Dopoporongeo pau-Do; mokariomo luwuno mpada pompakambia ka moleuomo punsuno torukuno Karameli.”

Amosi 1:2 ပူးပေါင်းရင်းမြစ်များ

Po'unde-unde 29:4

Suara-Do i Ue bukeako roso, suara-Do i Ue bukeako wanta.

Po'unde-unde 46:6

Ondae Ue Ala kongko Ira i larono, kota atuu nahi ta reensu; Ondae Ue Ala Ira tumulungio umpeda meene.

Powadi 20:2

Doitoa inso ndi mokole kana pengaolino singa mongura, isema mokotesingkao tekudano sumolangio koroino onaeno.

Yesaya 33:9

Wita mo'inombo ka me'i'isei; Libano montembi pontata ka gagi telusa; Saroni gagiomo kana pada malua, Basani ka Karameli rumonta leweno.

Yesaya 35:2

kana bunga rosi onae ta marombo sisino, mengkokora-kora, oo mengkokora-kora ka maroa mengkokora-kora. Marambano Libano ta wineeako ndi onae, mewantano Karameli ka Saroni; oo, ira mengkitao maramba-Do i Ue, mewanta-Do Ue Alato.

Yesaya 42:13

Ondae i Ue meluarako metea kana pongkiari, kana sorodadu Dopokingkio roso-Do metea; maroa Ondae kokora-kora, oo, mebooli Ira hio, a luwuno iwali-Do Dopokomengkaao pongkiari-Do.

Yeremia 12:4

Opiapo mbo'u tempono itedoa mokari wita andio, ka ewo a luwuno pada moleu? Hangano mosa'o poweweudo palilino kondehora ka manu-manu pingko tampula, hangano mpotaedo, ”Nahi Ira kumita kita poko'ariano anu umalu kita!”

Yeremia 14:2

Yehuda mompemasusa, luwuno pewowa langkai memarasai ka saru mpompemasusa tewilei a wita; peraalino Yerusale mewuatako i wawono.

Yeremia 25:30

Omuemu isa'a, pauomo luwuno pau anu ta gagi andio ndi ondae. Pauako iramo: Ondae i Ue Ira mengaoli kana singa inso a mantandeano ka moporongeo suara-Do inso a mpo'ianga-Do anu mempori; Ira mengaoli meroku a mpo'ianga pompakambia-Do, asa pohio, kana pohiodo anu mposesa wua anggoro, a luwuno palilino tolino.

Yeremia 28:8

Luwuno nabi se'eluno ongkue ka se'eluno omue, inso i ndi'ipua mpopau iramo anu ta gagi a hadio wita po'ianga ka a luwuno poparentaa anu langkai mongkona peteaa, masolaa, ka haki lele.

Yeremia 50:19

Sine, Aku mokuleo i Isaraeli i tonga mpada, ka ipongkaa ewo i Karameli ka i Basani, ka imowohi i wawo mentorukuno Eparai ka i Gileadi.

Hosea 11:10

Ira mpetonda ndi Ondae i Ue; Ira mengaoli kana singa. Mentee ntu'u, Ira mengaoli. Nana'ote ira mehawe saru mpondidi-ndidi inso i sumooano oleo,

Hosea 13:8

Aku sumapoi ira kana berua anu tetadi anano, Aku berio radado. I ra'ai Aku kumaa ira, kana singa waino; kondehora mo'ila i tongampada ta meberi-beri ira.

Yoeli 1:19

Ndi Omiu, oo Ue, aku mebooli, hangano pingkoomo ikaano api wita pompakambia i pada one, ka langano api mokomo'aio luwuno keu a ntonga mpada.

Yoeli 2:11

Ondae i Ue moporongeo pau-Do i arono sorodadu-Do. Mentee ntu'u, tedoa hadio sorodadu-Do, moroso ntu'u anu meleluakono pau-Do. Tedoa ntu'u mongkokongiri oleo-Do i Ue atuu. Isema anu moko'ontoo?

Yoeli 3:16

Ondae i Ue mengaoli inso i Sioni, inso i Yerusale Dopoporongeo pepau-Do, langi ka tolino leelu. Sine Ondae i Ue onaemo pepekaduduiado bawaa-Do, bentedo to Isaraeli.

Amosi 9:3

Maupo dompewuni i punsuno torukuno Karameli, Aku mepo'ungke ka Aku umala ira inso i ra'ai; maupo dompewuni a empehino tahi inso a mata-Ku, Aku parentao ule ka itungku ira i ra'ai.

Nahumi 1:4

Dotekudaakono tahi ka mokomotu'io, ka luwuno korono Doweweuo mo'are. Basani ka Karameli gagi londa ka bunga Libano gagi moleu.

1 Samueli 25:2

Tempo atuu hinao asa mia tama i Maoni, anu hinao pompakambiano pinotuwu i Karameli. Mia atuu tedoa kaea, bimbano tolu nsowu ka bembeno asa nsowu. Onae kongko i Karameli tempono pogontia wulu bimbano.