Amosi 1:13 - Wunta Mempori

¹³ Kanandiomo pau-Do i Ue, ”Hangano otolu wineweuno inuleno i Amoni anu mosa'o, ke opaa, nahi Aku balio pomputusi-Ku. Hangano ondae mpobonsi kompodo beine mentia i Gileadi ira mpokomaluao witado,

Amosi 1:13 ပူးပေါင်းရင်းမြစ်များ

2 Samueli 12:31

Palili i kota atuu iwawa ira ka idadai ira mpo'anggaako garagadi, pontande labu, ka uase. Ipopo'angga ira mbo'u a mpoweweua watu tela. Kanandio koa mbo'u iweweuo i Daudi a luwuno kota inuleno i Amoni. Umarino atuu i Daudi mekule saru luwuno sorodadu i Yerusale.

2 Mokole 15:16

Ia tempo atuu mompu'u inso i kota Tiresa, i Menahemi sumapoio kota Tiresa ka luwuno mia anu kongko i larono saru witano, hangano kota atuu nahi inungkahiako. Iropuo kota atuu ka ibonsio luwuno beine anu mentia.

2 Mokole 24:2

Ondae i Ue tumena ira gerombola Kasidimi, gerombolado to Arami, gerombolado to Moabi ka luwuno gerombola inuleno i Amoni umewaio i Yoyakimi. Dotena ira lumako umewaio Yehuda ka dosolangi ira menunu saru pau-Do i Ue anu pinohawe-Do tetenaa-Do luwuno nabi.

2 Mokole 8:12

Motae i Hasaeli, ”Tembio ueku kai pengese?” Sumangki i Elisa, ”Hangano kuto'orio mokoburua anu ta wineweumu a nto Isaraeli: kotano anu mebente kosumongkoo, mia mongurano komepateakono ponai, nana'ote anu da kodei kopisikio ka beine anu mentia kobonsio.”

2 Tawarika 20:1

Umarino atuu inuleno i Moabi ka inuleno i Amoni hawe mpetea umewaio i Yosapa mperonga saru to Meunimi.

2 Tawarika 20:10

Kanandio-andio, Ikitaomo inuleno i Amoni ka i Moabi ka luwuno mia inso i mentorukuno Seiri andio! Tempono to Isaraeli me'aiwa inso i wita Mesiri, I'onto ira mpewinsokio witado. Onaemo pu'uno ka dome'olaiakono ka nahi domeropuo.

Nehemia 2:19

Rumongeo mongkona atuu, i Sanibala to Horoni, ka i Tobia to Amoni puu mpopekakaakodo mokole, saru i Gisiemi to Ara, mempasinggiri kami ka mpokongkodei kami. Dompotae, ”Hapa anu wineweumiu atuu? Nde komiu umewai ira mokole?”

Po'unde-unde 83:7

anu mpo'ia a luwuno kemano i Edomi ka to Sumaila, Moabi ka to Hagari,

Yesaya 5:8

Masola ntu'u mia anu mansa mompewinsoki raha melimba a raha susua ka moronto lere melimba a lere susua, ranta nahina mbo'u po'iangado mia susua. Imeweweuo butu koroimiu anu mpo'iangario wita atuu.

Yeremia 25:21

ndi Edomi, Moabi ka inuleno i Amoni;

Yehesikieli 21:28

”Omue anano mia, pauomo anu ta gagi ka potae: Kanandiomo pau-Do Ue Ala mongkona inuleno i Amoni ka pepaukido; potaemo: Ponai, ponai binutaomo ka ipo'uwu rea, pinulohi ka iporopu, ka mangkilo kana berese.

Yehesikieli 25:1

Haweomo pau-Do i Ue ndi ongkue,

Yehesikieli 35:10

Omue motae: Orua tongku atuu ka orua wita atuu ta gagi tiaku ka kita mpe'ueo, kahinaano Ondae i Ue kongko Ira i tu'ai,

Hosea 14:1

Samaria asalakono tumembio salano, hangano onae umewa ndi Ondae Ue Alano. Ira memateako ponai, luwuno anadalono ta pinerego ka luwuno beineno anu mentia ta binonsi kompono.

Amosi 1:3

Kanandio pau-Do i Ue, ”Hangano otolu wineweuno mosa'o Damasi, tendeano opaa, nahi Aku balio mbo'u pomputusi-Ku: Hangano Gileadi domensesaakonomo ponsesaa inso a labu,

Winali 2:19

Tewala haweko umpeda a inuleno i Amoni, si ewai ira ka si sapoi ira. Hangano nahi Aku moweeakomu maupo hapa inso a witano inuleno i Amoni gagi pe'ueamu, hangano Kuweeakonomo inuleno i Lo'oti gagi pe'ueano.”