Amosi 1:1 - Wunta Mempori

¹ Pauno i Amosi, asa mia i olodo puu mpopakambi inso i Tekoa, anu kinitano mongkona Isaraeli i tempono i Usia mokole i Yehuda, ka i tempono i Yerobea anano i Yoasi, mokole i Isaraeli, orua nta'u se'eluno leelu wawontolino.

Amosi 1:1 ပူးပေါင်းရင်းမြစ်များ

2 Samueli 14:2

montenaomo mia lumako i Tekoa ta umalao inso i ra'ai asa beine monto'ori. Motaeomo a beine atuu, ”Po'onde-onde mo'inombo ka pokonaomo sangka po'inombo. Si urapiakono lana koroimu, ka pogaumo kana asa beine anu tehineomo ipo'inombo hangano mateno asa mia.

1 Mokole 19:19

I Elia lumako inso i ra'ai ka itepohaweakono i Elisa anano i Sapati anu kontongaano mompadekoako hopulu ka orua pasa sapi. I Elisa i bungkuno pasano sapi anu kohopulu ka orua. Mansano telalo umpeda ndi onae, i Elia metendeakono lemba meloeno ndi onae.

2 Mokole 14:21

Ka i'amba luwuno palili i Yehuda me'alao i Asaria anu tinuwuno hopulu ka onoo nta'u ka mpotoroo gagi mokole umeuo i Amasia, amano.

2 Mokole 14:23

Ia ta'u kohopulu ka olima poparentaano i Amasia ana ntamano i Yoasi, mokole i Yehuda, i Yerobea ana ntamano i Yoasi, mokole i Isaraeli, gagi mokole i Samaria. Onae moparenta pato pulu ka asa nta'u tehineno.

2 Tawarika 11:6

Ipokorosoo Beteleme, Etami, Tekoa,

2 Tawarika 20:20

Tisomono mo'o-mo'oru melako ira te'aro i pada one Tekoa. Mansano ira mpelungka, mentadeomo i Yosapa, ka ipotae, ”Rongeo, oo Yehuda ka palilino Yerusale! Impe'ala-ala Iramo i Ue, Ue Alamiu, ka komiu memoroso mpiha! Impe'ala-ala iramo nabi-Do, ka komiu mpehasili!”

Peluarakoa 3:1

I Musa mompakambi asa bawaa bembe bimbano i Yitiro, ponino, sando mpesomba i Midia. Mansano wawa ira asa bawaa bembe bimba atuu me'asambaliako i pada one, haweomo i torukuno Hore, torukuno Ue Ala.

Yesaya 1:1

Pongkitano i Yesaya anano i Amosi mongkona Yehuda ka Yerusale anu ikitaomo tempono poparentaano i Usia, i Yotami, i Ahasi ka i Hisikia, luwuno mokoledo to Yehuda.

Yeremia 1:1

Ndiomo luwuno pauno i Yeremia anano i Hilikia, inuleno sando mpesomba anu i Anatoti i wita Benami.

Yeremia 28:8

Luwuno nabi se'eluno ongkue ka se'eluno omue, inso i ndi'ipua mpopau iramo anu ta gagi a hadio wita po'ianga ka a luwuno poparentaa anu langkai mongkona peteaa, masolaa, ka haki lele.

Yeremia 6:1

Pontuturakomo pelimba, hei luwuno to Benami, inso i tonga-tongano Yerusale! Puuriomo tawuwua i Tekoa, ka wuatakonomo ahu gagi petondoni i wawono Beti-Keremi! Hangano masolaa momporaomo inso i utara, asa masolaa langkai.

Yeremia 7:27

Maupo upohaweako ira luwuno pau andio, nahi ira mperorongeakomu, ka maupo upebooliako ira, nahi ira mesangkiko.

Hosea 1:1

Pau-Do i Ue anu hawe ndi Hosea anano i Be'eri a tempono i Usia, i Yotami, i Ahasi ka i Hisikia, luwuno mokole i Yehuda, ka tempono i Yerobea anano i Yoasi, mokole i Isaraeli.

Amosi 7:14

Sumangki i Amosi ndi Amasia, ”Ongkue komba nabi ka ongkue komba tewinso bawaano nabi, tendeano ongkue andio puu mpopakambi ka puu mpo'opu wua ara.

Mika 1:1

Pau-Do i Ue anu hawe ndi Mika to Moresieti, a tempono i Yonata, i Ahasi ka i Hisikia, luwuno mokole i Yehuda, onaemo mengkena anu kinitano mongkona Samaria ka Yerusale.

Sakaria 14:5

Komiu mempolai a lembono luwuno torukuno-Ku, hangano lembono torukuno atuu ta hawe i Asali. Komiu mempolai kana hori komiu mempolaiako lelu tempono i Usia, mokole i Yehuda. Ka i'amba Ondae i Ue, Ue Alaku, Ira hawe, ka luwuno mia mempori merongaako Ira.

I MATIU 4:18

Ka tempono Ondae i Yesu melempa tumondao wiwino Rano Galilea, Dokitao orua mia mepaekompo, onaemo i Simo anu nineeako i Peturu ka i Andarea, pepaekompono. Kontongaado pontende buanido a rano, hangano ondae puu mpobuani bou.

1 KORINTI 1:27

Sine hapa anu pinemonge-mongeno wawontolino, Dobiniki ira Ue Ala ka dopokoko'ii ira mia anu mponto'ori, ka hapa anu pinemolemano wawontolino, Dobiniki ira Ue Ala ka dopokoko'ii ira anu memoroso,