2 YOHANE 1:9 - Wunta Mempori

⁹ Sompo mia anu nahi po'ia a laro pompaguru-Do i Kerisituu, sine anu meluarako inso i tu'ai, nahi pe'umbu Ira Ue Ala. Ba isema mo'ia a laro pompaguru atuu, ipe'umbu Ira Ondae i Ama maupo Ondae i Ana.

2 YOHANE 1:9 ပူးပေါင်းရင်းမြစ်များ

I MATIU 11:27

Luwuno Dowee Akumo Ama-Ku ka nahina maupo te'asa mia tumo'ori Ira Ana sangkadio Ondae i Ama, ka nahina maupo te'asa mia tumo'ori ira i Ama sangkadio Ana ka mia anu ndi onae Dopemoikoo Ana atuu mopoto'oriakono.

I LUKASI 10:22

Luwuno Dopeweengakonomo Ama-Ku ndi Ongkue ka nahina maupo te'asa mia anu tumo'orio isemake i Ana sangkadio Ondae i Ama, ka isemake Ondae i Ama sangkadio i Ana ka mia anu Dopemoikoo Ana atuu mokomengkaao ndi onae mongkona atuu.”

I YOHANE 14:6

Dopotaeakono i Yesu, ”Ongkuemo sala ka menteea ka tuwua. Nahina maupo te'asa mia hawe ndi Ondae i Ama, ba nahi pesala ndi Ongkue.

I YOHANE 15:6

Ba isema nahi po'ia i laro-Ku, onae tinadi i bungkuno kana sampa ka igagi mokari, ka do'amba mepumpuo mia ka ipinetendeako a laro api ka imo'ai.

I YOHANE 5:23

ka dompelangkai Ira luwuno mia i Ana mengkena kana dompelangkai Ira i Ama. Ba isema nahi pelangkai Ira i Ana, onae nahi pelangkai Ira mbo'u i Ama, anu tumena Ira.

I YOHANE 8:31

Onaemo ka Dopotaeako ira to Yahudi anu mpe'ala-ala Ira, ”Tewala mekongko komiu mpiha a mpau-Ku, omiu mentee ntu'u ana guru-Ku

WINEWEUDO TINENA 2:42

Dompo'asao aroado a pompagurudo tinena ka a ntepo'asaa. Ka wela ira mpepumpu ka domensiba-sibao roti ka mpekakai.

KOLOSE 3:16

Po'ineeomo pau-Do i Kerisituu ka ipo'ia saru luwuno kaeano i olomiu, ranta ka imemambe paguru ka mambe patuduako luwuno ponto'ori ka saru mpenaniako po'unde-unde, ka po'unde-unde ka penani rohani, impontarimakasi ndi Ondae Ue Ala i laro aroamiu.

TITU 2:10

si domemolengku, sine asalakono ka iwela koa inso i aroado ka mpetenunu, hangano kanandio a luwuakoano ka dompokomarambao pompaguru-Do Ue Ala, Puu pongkaduduito.

IBARANI 3:14

Hangano mpohawe kitamo tia ndi Ondae i Kerisituu, poolo ka tompe'ini moroso a pompe'ala-alato anu amba-ambano hawe a pokotompaano.

IBARANI 6:1

Onaemo pu'uno aiwamo tomebintao pu'uno amba-ambano inso a pompaguru mongkona Ondae i Kerisituu ka tompelimba a tetiangino anu mentee. Si tomenaao mbo'u pu'uno tepidia inso a luwuno wineweu anu nahina tuduno, ka empehino pompe'ala-ala ndi Ondae Ue Ala,

1 YOHANE 1:3

Hapa anu kinitamami ka anu rinongemami atuu, kimempaleleo mbo'u ndi omiu, ka impohawe koa mbo'u tepo'asaa saru omami. Ka tepo'asaamami onaemo tepo'asaa saru Ondae i Ama ka saru Ana-Do, i Yesu Kerisituu.

3 YOHANE 1:9

Moburi akumo tedei a bawaa, sine i Dioterepesi anu ineheno gagi mia tinudu i olodo, nahi behe umakui kami.