2 YOHANE 1:6 - Wunta Mempori

⁶ Ka ndiomo pompehohawa atuu, onaemo nine asalakono ka tomentuwu montonda parenta-Do. Ka ndiomo parenta atuu, onaemo nine asalakono ka imentuwu a laro pompehohawa, kana imerongeomo inso a pompu'uano.

2 YOHANE 1:6 ပူးပေါင်းရင်းမြစ်များ

I YOHANE 14:15

”Tewala impehohawa Aku, komiu mentondao luwuno parenta-Ku.

I YOHANE 14:21

Ba isema uminio parenta-Ku ka iweweuo, onaemo anu kumekewoi Aku. Ka ba isema mehohawa Aku, Ira mehohawao Ama-Ku ka Ongkue mbo'u Aku mehohawao ka Aku mepokomengkaa ndi onae.”

I YOHANE 14:23

Sumangki Ira i Yesu, ”Tewala asa mia mehohawa Aku, ta tumondao pau-Ku ka onae Ira mehohawao AmaKu ka Kami aiwa ndi onae ka mo'ia ndi onae.

I YOHANE 15:10

Tewala imentondao songka-Ku, komiu mpo'ia a laro pompehohawa-Ku, kana Kutondao songka-Do Ama-Ku ka mo'ia a laro pompehohawa-Do.

I YOHANE 15:14

Omiumo sambe'e-Ku, tewala imeweweuo hapa anu Kuparentaakomiu.

Winali 13:4

Ondae i Ue, Ue Alamiu asalakono imentonda Ira ka asalakono imedoitoako Ira. Asalakono impe'ini a parenta-Do, imperorongeakono pau-Do, impesomba ndi Ondae ka mpe'ini moroso ndi Ondae.

1 YOHANE 2:24

Ka omiu, hapa anu imerongeomo inso a pompu'uano, asalakono ka ipo'ia mpiha atuu i laromiu. Tewala hapa anu imerongeomo inso a pompu'uano atuu kongko mpiha i laromiu, asalakono komiu koa mpo'ia mpiha i laro-Do i Ana ka i laro-Do i Ama.

1 YOHANE 2:5

Sine ba isema tumondao pau-Do, i larono mia atuu mentee ntu'u sompoomo pompehohawa-Do Ue Ala; onaemo atuu ka tomento'orio, nine mekongko kita i laro-Do.

1 YOHANE 2:7

Pepaekompo luwu-luwu anu kinekewoi, komba parenta wo'ohu anu kuburiakomiu, tendeano parenta tehineomo anu hinaomo ndi omiu inso a pompu'ano. Parenta tehineomo atuu onaemo pau anu imerongeomo.

1 YOHANE 5:15

Ka tewala tomento'orio, nine Do'induo hapamo koa anu inemato, ka tomento'orio koa mbo'u, nine tomehaweomo luwuakoano anu tome'emaomo ndi Ondae.

1 YOHANE 5:3

Hangano ndiomo pongkekewoi ndi Ondae Ue Ala, onaemo, nine tomentondao luwuno petena-Do. Luwuno petena-Do atuu komba mobea,

2 YOHANE 1:5

Ka kanandio-andio ku'emao ndi omiu, Ine – komba kupoburiakomiu kana parenta wo'ohu, sine montonda parenta anu hinaomo ndi ontae inso pompu'uano – ka tomemambe pehohawa.