2 TIMOTIU 4:8 - Wunta Mempori

⁸ Kanandio-andio pinatindaako akumo ramba-ramba ulu menteea anu Ira weeakune i Ue, Puu mpobitara anu moleo, a oleo-Do; sine komba butu ndi ongkue, tendeano a luwuno mbo'u mia anu kumekewoio hawea-Do.

2 TIMOTIU 4:8 ပူးပေါင်းရင်းမြစ်များ

Tegagia 18:25

Nahi kupompe'ala-ala Komiu moweweu kanandio, mompepate mia mentee saru mia mosa'o gaudo, ranta mia mentee pinongkena saru mia mosa'o gaudo! Anu kanatuu nahi Komiu weweuo! Kana'umpemo Puu Mpobitara asa wawontolino mohuku nahi moleo?”

Po'unde-unde 31:19

Po'ineeomo wiwi mpegaupi gagi nahi pokompepau, anu mompepaukiako mia mentee saru pompelangka-langkai ka pompokongkodei!

Po'unde-unde 7:11

Ondae Ue Ala onaemo kantaku, puu pongkaduduido mia anu bobotoli aroano;

Powadi 4:9

Onae ta mompokonaakomu bunga peramba-ramba anu tekosi a ulumu, ramba-ramba ulu anu tekosi ta weeakomu.”

Maleaki 3:17

Ondae ira megagi bawaa pinehohawa-Ku a oleo Kupohuku, pau-Do Ueno luwuakoano. Aku mehohawa ira mengkena kana asa mia mompehohawa anano anu mekakaakono.

I MATIU 24:36

Sine mongkona oleo ka tempo atuu nahina maupo te'asa mia anu tumo'orio, luwuno mala'eka i suruga naahi, ka maupo Ana naahi, butu Ondae i Ama asa-asa-Do.”

I MATIU 7:22

A oleo pokotompa hadio mia ta mebooli ndi Ongkue: Ue, Ue, kombake kimempauo anu ta gagi a nee-Miu ka mponsaari onitu a nee-Miu, ka mpoweweu hadio anu kinohali-haliako a nee-Miu koa mbo'u?

I LUKASI 10:12

Kupauakomiu: a oleo atuu Sodomo ta monongkoopo pinembasaino sekonopo kota atuu.”

ROMA 2:5

Sine hangano moteano aroamu anu nahi behe tepidi, mohowuko pontekudaako a ngkoroimu omuemu a oleo tempo isua pontekudaako ka pohuku-Do Ue Ala anu moleo ta pinokomengkaa.

ROMA 8:23

Ka komba butu ondaemo koa, sine ontae anu mpontarima kitamo Penaa pompowee anu amba-ambano, ontae mbo'u mompemapari i laro aroato kontongaato mensikorio ka tomempinotoro gagi ana, onaemo tetolosiano koroito.

1 KORINTI 2:9

Sine kana hinao teburi, ”Hapa anu nahi hori kumitao mata, ka nahi hori rumongeo biri, ka anu nahi hori me'umbaako i laro aroano mia: luwuno anu pinatinda-Do Ue Ala tiado anu mehohawa Ira.”

1 KORINTI 3:13

pohona te'upua inanggano singge mia ta koa tengkita. Hangano oleo-Do i Ue ta mokomengkaao, nde onae ta tengkitaako api ka ba kana'umpe inanggano singge mia ta inarahakoako api atuu.

1 KORINTI 9:25

Sompo-sompo mia anu metonda a mpetandia, ka ipokompeteao koroino a luwuakoano. Domeweweuo kanandio ka dompohawe ramba-ramba ulu anu ta tampula, sine ontae ka tompohawe ramba-ramba ulu anu nahina tampulaano.

2 KORINTI 5:2

Tempono ontae a laro ngkema andio, pompemapari kita, hangano tomengkekewoio mpokonao po'ianga nsuruga i wawono po'iangato anu kanandio-andio,

PILIPI 3:11

poko'ariano ka kupohawe pewangua inso i olodo mia mate.

KOLOSE 1:5

hangano pomperorohia, anu imempinatindaako i suruga. Mongkona pomperorohia atuu se'eluomo imerongeo a mpau menteea, onaemo Lele Mawongkoa,

1 TESALONIKA 1:10

ka sumikorio hawe-Do ana-Do inso i suruga, anu Dowangu Iramo inso i olodo mia mate, onaemo Ondae i Yesu, anu kumadudui kita inso a pontekudaako anu ta hawe.

1 TESALONIKA 5:4

Sine omiu, pepaekompoku, komba mentuwu komiu a laro wongi-wongia, ranta ka imansa humawe komiu oleo atuu kana mia monako,

2 TESALONIKA 2:8

i tempomo atuu anu umewa a songka ka i'amba ta mepokomengkaa, sine Ondae Ue Yesu Ira mepateakono penaa inso a nganga-Do ka Ira rumopuo, ba Dowali hawe.

1 TIMOTIU 6:19

ka ba kanandio mpopumpu aasa arataa gagi pepu'ua anu moiko a ngkoroino i tempo anu ta hawe ka domehaweo tuwua anu menteeano.

2 TIMOTIU 1:10

ka anu kanandio-andio pinokomengkaa a hawe-Do Puu pongkaduduito Ondae i Yesu Kerisituu, anu hangano Lele Mawongkoa pinuduomo pabawano matea ka mowawa tuwua anu nahi ta mate.

2 TIMOTIU 1:12

Onaemo pu'uno ka kupemarasaio luwuno andio, sine nahi mokoko'iiku; hangano kuto'orio ndi sema kupompe'ala-ala ka kupe'ala-alao nine Ondae pabawa mekariao hapa anu Dope'ala-alaakunemo ranta a oleo-Do i Ue.

2 TIMOTIU 1:18

Po'ineeomo Ondae i Ue ka Dopopokitaakono pompehohawa-Do a oleo-Do. Hadio ntu'u pompekakaakono i Epesu omue lalu tumo'orio sekono ongkue.

2 TIMOTIU 2:5

Asa mia megolo butu mokompohawe ramba-ramba ulu gagi tondonino poponangi, tewala onae metandi tumondao luwuno atora megolo.

2 TIMOTIU 4:1

I aro-Do Ue Ala ka i Kerisituu Yesu anu Ira mobitara mia mentuwu ka anu memate, ku'oliwiko ntu'u hangano pepokomengkaa-Do ka hangano poparentaa-Do:

TITU 2:13

saru mensikorio te'ihiino pomperorohito anu buke me'uraa ka mengkaano maramba-Do Ue anu Tedoa Langkai ka Puu pongkaduduito Ondae i Yesu Kerisituu,

IBARANI 12:11

Lano sompo pohuku anu iweeakita nahi powawa mawongkoa, sine masusaa. Sine lembuino ipehasiliako wua menteea anu moweeako ira sintuwu anu linatino.

IBARANI 9:28

kanandio koa mbo'u Ondae i Kerisituu butu koa pohona Dopesombaakono koroi-Do tumembio halano hadio mia. Umarino atuu pohona mbo'u Ira mokomengkaao koroi-Do komba montembi hala sine moweeako ira tekaduduia, anu sumikori Ira.

YAKOBU 1:12

Me'uraomo mia anu mompetea a laro po'ara-arahako, hangano tewala ipokolaloomo po'arahako, ta tumarimao ramba-ramba ulu tuwua anu dinandi-Do Ue Ala ndi ba isema anu mehohawa Ira.

1 PETURU 1:4

ka imentarimao aasa tia anu nahi pokotampula, anu nahi pokotesosa'ai ka nahi pokomoleu, anu imeninaaako i suruga.

1 PETURU 5:4

Ka omiu, tewala hawe Ira Puu Pompakambi Langkai, komiu mpontarima ramba-ramba ulu marambaa anu nahi pokomoleu.

MENGKAAA 1:7

Kitaomo, hawe Ira melaro nseru ka sompo mata ta kumita Ira, ondae mbo'u anu tumobo Ira. Ka luwuno tongku i tolino ira mensabangi Ira. Humbee, ami.

MENGKAAA 19:11

Ka ku'amba kumitao suruga te'ungkahi: menteeano, hinao aasa ngara mopute; ka Ondae anu mesawikio meneeako: Anu Metenunu ka Anu Mentee, moleo Dopobitara ka metea.

MENGKAAA 2:10

Si doitoakono hapa anu asalakono kotebobarasaiako! Menteeano i Mosa'o ta metadiako ira ba opia mia inso i olomiu a laro torungku ka ime'inara-arahako ka komiu mpohawe masusaa hopulu oleo tehineno. Petenunumo ranta mate, ka Aku moweeakomu ramba-ramba ulu tuwua.

MENGKAAA 22:20

Ondae anu mesakosii mongkona luwuno andio, mepau, ”Humbee, Aku ronga hawe!” Ami, I'aiwamo, Ue Yesu!

MENGKAAA 4:10

ka mpenggolontu iramo ruapulu ka opaa mia mempinemota'u atuudo i aro-Do anu mentoro a wawo ngkadera poparentaa atuu, ka dompesombai Ira anu tuwu ranta nahina tampulaano. Ka dompetadiakono ramba-ramba uludo i arono kadera poparentaa atuu, saru mpotae,

MENGKAAA 4:4

Ka lumimbuo kadera poparentaa atuu hinao ruapulu ka opaa kadera poparentaa, ka a luwuno kadera poparentaa atuu mpentoro ruapulu ka opaa mia pinemota'u, anu mpesangka mopute ka ramba-ramba ulu wulaa i uludo.