2 TIMOTIU 4:5 - Wunta Mempori

⁵ Sine pabawaiomo koroimu a luwuakoano, sabaramo marasai, weweuomo anggaa mompelele Lele Mawongkoa ka anggaomo anggaa pompekakaakomu!

2 TIMOTIU 4:5 ပူးပေါင်းရင်းမြစ်များ

Yesaya 62:6

A wawo rere watumu, hei Yerusale, Kunaa iramo puu mpopadaso. I larono asa oleo ka asa wongi, ondae nahi ira hori mperodo-rodo. Hei omiu anu mpebooli mopoto'oriako Ira i Ue, siimo impenoro-noro

Yeremia 6:17

Kupotoro iramo anu dumagai komiu, pau-Ku: Pekokoongakonomo unino tawuwua! Sine dompotae: Nahi kimebehe mpekokoongakono!

Yehesikieli 3:17

”Hei anano mia, Kupakosikomo gagi anu dumagaio suku Isaraeli. Tewala omue moronge pau inso a nganga-Ku, pauako iramo ntu'u a nee-Ku.”

Yehesikieli 33:2

”Hei anano mia, pepaumo a luwuno mia pe'asa tongkumu ka potaeako iramo: Tewala Kupotiio ponai i asa wita ka palilino wita atuu me'alao asa mia i olodo ka mempakosio onae gagi puu mpodagai,

Yehesikieli 33:7

Omue, anano mia, Aku pakosiko gagi puu mpodagaido suku Isaraeli. Tewala omue moronge asa pau inso a nganga-Ku, popoto'oriako ira hangano Ongkue.

I MATIU 25:16

Mompari-pariomo lumako ata anu montarima olima talenta atuu. Ipebalu-baluakono doi atuu onaemo ka ipohawe tetiangino olima talenta.

I MARAKUSU 13:34

Ka teweweuno mengkena kana aasa mia anu lumako a nsingge inia, anu mobinta rahano ka iweeako ira atano pabawano singge mia saru anggaano, ka parentao anu modagai pewowa ka ipedaga-dagai.

I MARAKUSU 13:37

Hapa anu Kupauakomiu, Kupauako ira luwuno mia: impedaga-dagaimo!”

I LUKASI 12:37

Meme'ura iramo ata anu ihawe ira uedo mpedaga-dagai tempono ihawe. Kupauakomiu: Menteeano onae ta meboo ntonga ka itena ira mpentoro mpongkaa, ka onae ta aiwa mekakaako ira.

WINEWEUDO TINENA 21:8

Tisomono mpelungka kami inso i tu'ai ka mehawe i Kaisarea. Mpewinso kami a rahano i Pilipu, puu pompalele Lele Mawongkoa atuu, onaemo aasa inso a opitu mia anu bininiki i Yerusale, ka mpo'ia kami i rahano.

ROMA 15:19

hangano pabawano luwuno petondoni ka anu mengkinohali-haliako ka hangano pabawa-Do Penaa. Kanandiomo a laro pelempaa sumompoo wita inso i Yerusale hawe i Ilirikumi kupaleleomo luwu Lele Mawongkoa-Do i Kerisituu.

EPESU 4:11

Ka Ondaemo anu moweeako ira moiko luwuno tinena maupo luwuno nabi, moiko luwuno anu mompalele Lele Mawongkoa maupo luwuno puu pompakambi ka luwuno anu mompaguru,

EPESU 4:12

ka dopatinda ira mia memempori a mpo'anggaa mompekakaako, a mpowangua koroi-Do i Kerisituu,

KOLOSE 1:25

Gagi akumo puu pompekakaako bawaa atuu menunu saru anggaa anu Dope'ala-alaakune Ue Ala ka kupauakomiu luwu pau-Do,

KOLOSE 4:17

Ka impohaweakono i Arikipu: Pekokoongakono, pompekakaako anu tinarimamu ndi Ondae i Ue ka upolempao koa ntu'u tementee.

1 TESALONIKA 5:6

Onaemo pu'uno moikoopo si tompoturi kana mia mehano, sine tompetangkoro ka molike.

1 TIMOTIU 4:12

Si hina maupo te'asa mia me'uru-uruko hangano mongurako. Gagimo pandirido luwuno mia mpompe'ala-ala, a mpepaumu, a mpelelumu, a pompehohawamu, a mpetenunumu ka a memporimu.

1 TIMOTIU 4:15

Pekokoongakonomo luwuno atuu, tuwumo i larono ka imengkaa a luwuno mia kotaha-tahaneno tumuwumu.

2 TIMOTIU 1:8

Gaagi si mo'o'anu mesakosii mongkona Ondae Ueto ka si mo'o'anu hangano ongkue, asa mia hinuku hangano Ondae, tendeano petondamo marasaiakono Lele Mawongkoa-Do hangano roso-Do Ue Ala.

2 TIMOTIU 2:10

Onaemo pu'uno kupedatoo tumembio luwuno atuu tiado mia bininiki-Do Ue Ala, ka dompohawe koa mbo'u tekaduduia ndi Ondae i Kerisituu Yesu saru marambaa anu nahina tampulaano.

2 TIMOTIU 2:3

Petondamo marasai kana aasa sorodadu anu moiko inso ndi Ondae i Kerisituu Yesu.

2 TIMOTIU 4:17

sine mentade Iramo i Ue i horiku ka mokoroso aku, ka ipinalele koa ntu'u Lele Mawongkoa telalo ndi ongkue ka domerongeo luwuno mia anu komba to Yahudi. Hangano kanandio ka kutola inso a ngangano singa.

IBARANI 13:17

Imperorongeako ira petewawamiu ka impetenunumo ndi ondae, hangano ondae medagaio sumangamiu, gagi mia anu asalakono sumusuruo. Ba kanatuu ira memawongko meweweuo, komba dompenaarunseakono, hangano mongkona atuu nahi ta mowawaakomiu ura.

1 PETURU 1:13

Onaemo pu'uno imempatindaomo pompewowolo moilino, impetangkoromo ka imenaaomo luwuno pomperorohimiu a mpe'aroa anu imewineeako i tempono Dopepokomengkaa i Yesu Kerisituu.

MENGKAAA 3:2

Pewangumo, ka pokorosoomo hapa anu da mo'ia anu mingkiomo mate, hangano nahina maupo te'asa inso a inanggamu Kuhaweo soompo ntu'u i aro-Do Ue Ala-Ku.