2 TIMOTIU 4:18 - Wunta Mempori

¹⁸ Ka Ondae i Ue Ira motola aku inso a sompo tinoo anu mosa'o. Ira kumadudui aku, ranta ka kupewinso a laro Poparentaa-Do i suruga. Tia-Domo marambaa ranta nahina tampulaano! Ami.

2 TIMOTIU 4:18 ပူးပေါင်းရင်းမြစ်များ

Tegagia 48:16

ka kana Mala'eka anu motola akumo inso a luwuno masolaa, Po'ineeomo Ondae anu rumonso ira mia mongura andio. Po'ineeomo neeku saru needo ueku ka amaku, i Burahima ka i Saki, telele hangano ondae ka ira tetiangi hadiodo i tolino.”

1 Tawarika 4:10

I Yabesi mebooli ndi Ondae Ue Alado to Isaraeli, ipotae, ”Po'ineeomo ka Ironso aku tehadio ntu'u ka mokomolueo witaku. Po'ineeomo kae-Miu kumongkomi aku ka dumagai aku inso a masolaa, ranta nahi sepi aku mahakia!” Po'emano atuu Do'induo Ue Ala.

Po'unde-unde 121:7

Ondae i Ue Ira dumagaiko a luwuno masolaa; Ira dumagaio penaamu.

Po'unde-unde 37:28

hangano Ondae i Ue kumekewoio songka, ka nahi Dobintao mia anu pinehohawa-Do. Mia moweweu mosa'o ta pinepate ranta nahina tampulaano, ka inuleno mia mosa'o gauno ta pinokotampula.

Po'unde-unde 73:24

Itaateakune patudu-Miu, ranta poko'ariano Itande aku a laro marambaa.

Po'unde-unde 92:10

Hangano, menteeano iwali-Miu, oo Ue, hangano, menteeano iwali-Miu ira memate, luwuno mia anu mpoweweu mosa'o ira mensiniarawo.

Powadi 14:32

Mia mosa'o gauno pinobangku hangano mosa'o wineweuno, sine mia mentee mohawe pongkadudui hangano inso i aroano.

I MATIU 13:43

I tempomo atuu luwuno mia mentee ira memewanta kana mata oleo a laro Poparentaa-Do Amado. Isema mebiri, ka iporonge!”

I MATIU 25:34

Ka Mokole atuu ta motae ndi ondae anu i koana-Do: Ime'aiwa, hei omiu anu rinonso-Do Ama-Ku, imentarimaomo Poparentaa anu Kupatindaakomiumo mompu'u ipinokogagi wawontolino.

I MATIU 6:13

ka si wawa kami a laro po'ara-arahakoa, sine Ipotola kamimo inso ndi mosa'o. [Hangano Omiumo anu me'ueo Poparentaa ka pabawa ka marambaa ranta nahina tampulaano. Ami.]

I LUKASI 11:4

ka I'ampuniakamimo halamami, hangano omami mbo'u me'apunio sompo mia anu sala ndi omami; ka siimo Iwawa kami a mpo'ara-arahakoa.”

I LUKASI 12:32

Si medoito, hei omiu bawaa kodei! Hangano Ondae Amamiu Dopemoikomo weeakomiu Poparentaa atuu.

I LUKASI 22:29

Ka Ongkue tumantuiakomiu luwuno tiano Poparentaa, mengkena kana Ongkue Dotantuia-Kune Ama-Ku,

I YOHANE 17:15

Komba Ku'emao, ka I'ala ira inso i wawontolino, sine ka Idagai ira inso ndi mosa'o.

ROMA 11:36

Hangano luwuakoano inso ndi Ondae, ka hangano Ondae, ka ndi Ondae: Ndi Ondaemo marambaa hawe nahina tampulaano!

ROMA 16:27

ndi Ondae, butu Ondae Ue Ala anu buke ponto'ori mentee, hangano Ondae i Yesu Kerisituu: luwuno marambaa hawe nahina tampulaano! Ami.

1 KORINTI 1:21

Hangano a laro ponto'ori-Do Ue Ala, wawontolino nahi to'ori Ira Ue Ala mesala a ponto'orino, onaemo ka Dopemoikoo Ue Ala kumadudui ira anu mpompe'ala-ala hangano monge-mongea pompalelea Lele Mawongkoa.

1 KORINTI 10:13

Luwuno po'ara-arahako anu pinembasaimiu onaemo luwuno po'ara-arahako anu lano dompembasaio mia, anu nahi laloio rosono mia. Hangano Ondae Ue Ala nahi bali pokongkomi-Do ka onaemo pu'uno nahi Ira mo'inee komiu ka ime'inara-arahako lumaloio rosomiu. Tempono ime'inara-arahako Ira moweeakomiu sala peluarakoa, ranta ka impokotembio.

1 KORINTI 15:50

Pepaekompo, ndiomo anu aku pauakomiu, onaemo nine ihi ka rea nahi pohawe tia a laro Poparentaa-Do Ue Ala ka nine anu mate nahi pohawe tia a hapa anu nahina tampulaano.

2 KORINTI 1:10

Inso a matea anu tedoa mongkokongiri Dokadudui kamimo ka Ira kumadudui kami: ndi Ondae kipomperorohi, nine Ira kumadudui kami mbo'u,

GALATIA 1:5

Ndi Ondaemo marambaa nahina tampulaano! Ami.

1 TESALONIKA 5:23

Po'ineeomo Ondae Ue Alano rodoa mokomempori komiu luwu ka po'ineeomo penaa, sumanga ka koroimiu sompo itepekaria saru nahina tataano a hawe-Do i Yesu Kerisituu, Ueto.

2 TESALONIKA 3:3

Sine Ondae i Ue pine'ala-ala Ira. Ira mokorosoo aroamiu ka mekaria komiu inso a wineweu anu mosa'o.

1 TIMOTIU 1:17

Petabe ka marambaa hawe nahina tampulaano ndi Ondae Mokoleno luwuno tempo, Ondae Ue Ala anu nahina tampulaa-Do, anu nahi Dokinita, anu asa-asa-Do! Ami.

1 TIMOTIU 6:16

Ondaemo asa-asa-Do anu nahi Dopetenunu a matea, mo'ia a laro mewine anu nahi pinokorangkuhi. Maupo te'asa mia nahina hori kumita Ira ka mia lano nahi pokokita Ira. Ndi Ondaemo pompelangkai ka pabawa anu nahina tampulaano! Ami.

2 TIMOTIU 1:12

Onaemo pu'uno ka kupemarasaio luwuno andio, sine nahi mokoko'iiku; hangano kuto'orio ndi sema kupompe'ala-ala ka kupe'ala-alao nine Ondae pabawa mekariao hapa anu Dope'ala-alaakunemo ranta a oleo-Do i Ue.

2 TIMOTIU 4:1

I aro-Do Ue Ala ka i Kerisituu Yesu anu Ira mobitara mia mentuwu ka anu memate, ku'oliwiko ntu'u hangano pepokomengkaa-Do ka hangano poparentaa-Do:

IBARANI 11:16

Sine kanandio-andio mpongkekewoi ira wita po'iangado anu lalu moiko onaemo aasa po'ianga suruga. Onaemo pu'uno nahi mokoko'ii-Do Ue Ala nineeako Ue Alado, hangano Dopatindaako iramo aasa kota.

IBARANI 12:22

Sine me'aiwa komiumo a Pongku Sioni, a ngkota-Do Ue Ala anu tuwu, Yerusale nsuruga ka a sowu-sowuno mala'eka, aasa tepumpua anu maroa,

IBARANI 13:21

po'ineeomo ka Dopokosompoakomiu luwuno anu moiko ka imeweweuo po'ehe-Do, ka umanggao ndi ontae hapa anu pinemoiko-Do, hangano Ondae i Yesu Kerisituu. Ndi Ondaemo marambaa hawe nahina tampulaano! Ami.

YAKOBU 2:5

Imerongeomo, hei pepaekompo luwu-luwu anu pinehohawaku! Kombake Ondae Ue Ala biniki ira mia anu pinemongkokolarono wawontolino andio ka domegagi kaea a pompe'ala-ala ka dompe'umbuo Poparentaa anu Dodandiako iramo ba isema anu mehohawa Ira?

1 PETURU 1:5

Onaemo omiu anu tepekaria a laro roso-Do Ue Ala hangano pompe'ala-alamiu kontongaamiu mensikorio tekaduduia anu pinatindaomo ka ipinokomengkaa a mpokotompaano tempo.

1 PETURU 5:11

Ondaemo anu me'ueo pabawa ranta nahina tampulaano! Ami.

2 PETURU 1:11

Hangano kanandio komiu mewineeako tia buke ka impewinso a Poparentaa anu nahina tampulaano, onaemo Poparentaa-Do i Ue ka Puu Pongkaduduito, Ondae i Yesu Kerisituu.

2 PETURU 3:18

Sine imentuwumo a mpe'aroa ka ponto'orimiu Ondae i Ue ka Puu Pongkaduduito, Ondae i Yesu Kerisituu. Marambaa ndi Ondae, kanandio-andio ka ranta nahina tampulaano.

YUDASI 1:1

Inso ndi Yudasi, tetenaa-Do i Yesu Kerisituu ka pepaekompono i Yakobu, hawe ndi ondae anu mempinoboi, anu mempinehohawa ndi Ondae Ue Ala Ama, ka anu mempinekaria tia-Do i Yesu Kerisituu.

1 Samueli 17:37

Ipotae mbo'u i Daudi, ”Ondae i Ue anu motola akumo inso a kukuno singa, ka kukuno berua, Ondae koa mbo'u ta motola aku inso a ngkaeno to Pelisiti atuu.” Ipotae i Saulu ndi Daudi, ”Lakomo! Ondae i Ue kumongkomiko.”

1 Samueli 25:39

Irongeo i Daudi nine mateomo i Naba, ipotae, ”Unde-unde Ira i Ue, anu tumaloi aku inso a mpompe'uru-uruno i Naba ndi ongkue, ka anu umontoo tetenaa-Do moweweu mosa'o. Ondae i Ue humukuo i Naba hangano wineweuno anu mosa'o.” Ka i'amba i Daudi montena mia mepauakono i Abigai ta umalao gagi kombiano.