2 TIMOTIU 3:8 - Wunta Mempori

⁸ Mengkena kana i Yanesi ka i Yamberesi umewaio i Musa, kanandio koa mbo'u dome'ewaio menteea. Pinewowolodo mosa'o ka pompe'ala-alado nahi moroso.

2 TIMOTIU 3:8 ပူးပေါင်းရင်းမြစ်များ

Peluarakoa 7:11

Ka i'amba i Pirao moboi ira mia anu mpoto'ori ka pande sihiri to Masiri ka dompoweweu mbo'u anu kanantuu, montonda ponto'orido.

Peluarakoa 7:22

Sine mia mpoto'ori to Masiri, mpoweweu ira koa mbo'u montonda ponto'orido, onaemo i Pirao ka ikongko motea aroano, nahi behe rumonge ira kana anu pinau-Do i Ue.

Peluarakoa 8:18

To Masiri anu mpoto'ori atuudo montonda ponto'orido, mpoweweu ira mbo'u kanatuu mingki mpopokogagi tiporo, sine nahi domempolio. Kanatuumo tiporo hadio mpetako ira a mia ka pinotuwu.

Peluarakoa 8:7

Sine mia anu mpoto'ori atuudo mpoweweu mbo'u anu kanatuu montonda ponto'orido, onaemo ka dompeluarako tumpa me'ihiio wita Masiri.

WINEWEUDO TINENA 15:24

Kimerongeomo, nine hinao ba opia ira mia i olomami, anu nahi dompohawe pe'oliwi inso ndi omami, mpopokodanggara ka mpokobulalingoo aroamiu hangano pompagurudo.

ROMA 1:28

Ka hangano nami domebehe mpesomba ndi Ondae Ue Ala, onaemo ka Dopeweengako ira Ue Ala a mpinewowolo anu tetotonaa, ranta ka dompoweweu hapa anu nahi tekona:

ROMA 16:18

Hangano mia kanandiodo komba dompo'anggaako Ira i Kerisituu, Ueto, sine mpo'angga tiano kompodo ondaedo. Ka saru luwuno paudo anu mpo'o'ahiti ka pepaudo anu momoiko mopo'oo ira mia anu moleo aroado.

EPESU 4:14

ranta komba menana'ote kita mbo'u, anu ngkoraane-ngkoramai hangano mperupa-rupa angi pompaguru, hangano pepalindodo mia anu nahi mentee a mpe'akalado anu mompopo'oo,

1 TIMOTIU 1:19

Ba opia mia domperioo aroa mewinedo anu mentee atuu, ka onaemo pu'uno nami hina pompe'ala-alado,

1 TIMOTIU 4:2

hangano pompopo'oodo anu mpompau pegaupi anu aroa mewinedo mpetondoniako tondonido.

1 TIMOTIU 6:5

pengengea i olodo mia anu nami dompompewowolo mbo'u mentee ka anu tetadiomo menteea, anu potaedo mesomba atuu onaemo aasa insoano me'uraa.

2 TIMOTIU 4:15

Omue mbo'u asalakono tangkoroo koa, hangano tedoa i'ewaio pompaguruto.

TITU 1:10

Hangano hadioomo mia mentuwu nahi te'atora, tamoako i olodo anu mpe'ini a songka metindi. Saru mpepau anu nahina tuduno domensosaeloo pinewowolodo.

TITU 1:16

Dompotae domento'ori Ira Ondae Ue Ala, sine a mpoweweudo domehapu Ira. Memokoburu ira ka buunto ka nahi domempolio mpoweweu te'asa anu moiko.

2 PETURU 2:14

Matado buke aroa monsosabo ka nahi dohori nte'osa mpoweweu hala. Domempopandei ira mia anu memolema. Aroado leleoomo a laro modokoa. Ondaemo mia anu mentetotonaa!

1 YOHANE 2:18

Anaku luwu-luwu, tempo andio onaemo tempo anu pokotompa, ka kana anu imerongeomo, asa mia anu umewai Ira i Kerisituu ta hawe, kanandio-andio hadio iramo mpentade umewai Ira i Kerisituu. Onaemo tondonino, nine tempo andio mentee ntu'u onaemo tempo anu pokotompa.

1 YOHANE 4:1

Pepaekompo luwu-luwu anu kinekewoiku, si mpe'ala-alao sompo penaa, sine ime'arahako ira penaa atuudo, ke nte'inso koa ndi Ondae Ue Ala; hangano hadio ira nabi mpegaupi anu mpesabaako iramo ka domelako i asa wawontolino.

MENGKAAA 2:20

Sine Kutatako, hangano upo'ineeo beine i Isebeli, anu pauo koroino nabi beine, mompaguru ka mopo'oo ira tetenaa-Ku ka domponsosabo ka mpongkaa luwuno pesomba a lahumoa.

MENGKAAA 2:6

Sine ndio anu kongko ndi omue, onaemo u'o'aliaakono luwuno wineweudo anu mentondao i Nikolau, anu Ku'o'aliaakono mbo'u.