2 TIMOTIU 3:2 - Wunta Mempori

² Mia ta kumekewoio koroino onaeno ka gagi atano doi. Ira mengkopau-pau anu nahi mentee ka mpompelangka-langkai, ira megagi puu pomposebe, ira me'ewa a mia mota'u ka nahi domponto'ori mpontarimakasi, nahi domperioo agama,

2 TIMOTIU 3:2 ပူးပေါင်းရင်းမြစ်များ

Po'unde-unde 10:3

Hangano mia mosa'o gauno mo'undeakono po'eheno aroano, ka mia modoko mompepaukiako ka tumata Ira i Ue.

Po'unde-unde 49:6

Tembio ka kudoito a luwuno oleo masolaa i tempono domengkadu aku puu pontowoki anu lambaha,

Po'unde-unde 52:1

Tiano petewawado anu mpenani. Penani pompaguruno i Daudi,

Powadi 6:17

mata mompelangka-langkai, elo megaupi, kae anu mo'uwu reano mia anu nahina salano,

Yesaya 10:15

Ta gagike uase mompelangka-langkai a mia montuehi, ke garagadi mompelangka-langkai a mia mogaragadi? Kana-kana tarasulu lumeluo mia anu uminio, ka kana-kana tuko tumandeo anu wawao anu komba keu.

Danieli 11:36

Mokole atuu ta moweweu po'eheno aroano. Onae ta mompelangka-langkai a sompo pinesombai. Ndi Ondae mbo'u Ue Ala anu mewawoio luwuno pinesombai onae ta mepauako pau anu nahi pototono, ka onae ta mehasili hawe tompaano tekuda atuu, hangano hapa anu pinakosiomo ta gagi.

Danieli 7:25

Onae ta pauo pau anu umewai Ira Anu Tedoa Mantande, bobarasai ira mia mempori-Do Anu Tedoa Mantande, ka merokuhi balio tempo ka songka. Ira mempineweengako a ngkaeno i larono asa tempo ka orua tempo ka entonga tempo.

I MATIU 15:6

mia atuu siimo mbo'u ipelangkai ira amano ke ineno. Ba kanandio ime'oniniomo pau-Do Ue Ala hangano gaumiu.

I LUKASI 12:15

Dopotaeako ira mbo'u, ”Impedaga-dagaimo ka impetangkoromo a luwuno modokoa, hangano maupo hadio ntu'u arataano te'asa mia, tuwuno nahi ta sompo butu inso a ngkaeano atuu.”

I LUKASI 16:14

Luwuno atuu domerongeo to Parisi, anu memodokoako doi atuu, ka dompokoko'awatiako Ira.

I LUKASI 6:35

Sine omiu, impehohawa iramo iwalimiu ka impoweweumo temoiko ndi ondae ka impoweeako ira mponsabo nahi mpomperorohi sulono, ka tambomiu ta langkai ka komiu megagi ana-Do Ue Ala Anu Lalu i Wawono, hangano moiko Ira a mia anu nahi domponto'ori mpontarimakasi ka a mia memosa'o.

WINEWEUDO TINENA 5:36

Hangano i ndi'upua horiomo i Teuda, anu motae onae mia pinelangkai ka hinao bara'ura pato etu mia anu tumondao; sine onae pinepate ka ntesiarawo iramo luwu anu mentondao ka tampula.

ROMA 11:18

si memawongkoakono luwuno sampa atuu! Tewala memawongko komiu, impewowoloo, nine komba omiu anu tumumboo haka atuu, tendeano haka atuu anu tumumbo komiu.

2 KORINTI 5:15

Ka Ondae i Kerisituu mate Iramo tiado luwuno mia, ka ondae anu mentuwu, nahi domentuwu mbo'u tiano koroido ondaedo, sine tia-Do, anu mate Iramo ka winangu Iramo hangano ondae.

PILIPI 2:21

hangano luwuno mpo'ungke moikoado ondaedo, komba moikoa-Do i Kerisituu Yesu.

KOLOSE 3:5

Onaemo pu'uno impepateomo a laro ngkoroimiu luwuakoano anu po'eheno wawontolino, onaemo pebelesua, mokoburua, po'eheno aroa, pinewowolo mosa'o ka medokoli mbo'u anu mengkena saru mompesombai lahumoa,

2 TESALONIKA 2:4

onaemo anu umewa tumuduo koroino mantande i wawono luwuno anu pinau ke anu pinesombai kana Ondae Ue Ala. Tamoako onae mentoro a Raha-Do Ue Ala ka ipepokomengkaa kana Ondae Ue Ala.

1 TIMOTIU 1:20

i olodo i Himeneu ka i Alesande, anu kupeweengako iramo ndi Mosa'o, ka dontepidi mpompepaukiako.

1 TIMOTIU 1:9

onaemo ka itino'ori nine songka Taura atuu komba tiano mia mentee, tendeano tiano mia anu umewai Ira Ue Ala ka mia lambaha, tiano mia mosa'o gauno ka mia tehala, tiano mia tuwu ntolino ka anu nahi pe'agama, tiano mia mompepate amano ka mompepate ineno, tiano anu mompepate,

1 TIMOTIU 3:3

komba marampo'inu, komba marantekuda tendeano me'aroa, mompokomoiko mia teposisala, komba te'ataako doi,

1 TIMOTIU 6:10

Hangano hakano luwuno mosa'oa onaemo mongkekewoi doi. Hanganomo mpolulu doi ba opia mia mepansia iramo inso a pompe'ala-ala ka mebobarasaiakono koroido mperupa-rupa masusaa.

1 TIMOTIU 6:4

onaemo asa mia mompeto'o-to'ori kahinaano nahi ponto'ori hapa-hapa. Hakino onaemo mo'ungke-ungkeako ka pande mpau, mompokohina kohili, teposisalaa, pomposebea, porerengko,

2 TIMOTIU 3:4

inehedo mpohapu pedandia, nahi dompompewowolo ondau, mpompeto'o-to'ori, laluaopo domentondao po'eheno aroado sekonopo tumonda Ira Ue Ala.

YAKOBU 2:8

Sine, tewala impeleluakono songka anu lalu i wawono anu teburi a Wunta Mempori, ”Pehohawaomo pe'asa miamu kana koroimu,” moiko wineweumiu.

YAKOBU 4:16

Sine kanandio-andio mpehamba-hamba komiu a laro pompelangka-langkaimiu, ka luwuno pehamba-hamba anu kanandio saala.

YAKOBU 4:6

Sine pe'aroa, anu Doweeakita, langkaiopo sekono atuu. Onaemo pu'uno ka Dopepau, ”Ondae Ue Ala umewai ira mia anu mpompelangka-langkai, sine mehohawa ira mia anu mpe'urumako.”

1 PETURU 5:5

Kanandio koa mbo'u omiu, hei mia memongura, impe'urumakomo a mia anu memota'u. Ka luwumiu, imemambe'urumako, hangano, ”Ondae Ue Ala umewaio mia mompelangka-langkai, sine mehohawao mia anu me'urumako.”

2 PETURU 2:10

tamoako ondae anu mentondao po'eheno aroado hangano mingki sumosa'aio koroino ka anu mokongkuramao poparentaa-Do Ue Ala. Memosia ira ntu'u ka mpompelangka-langkai, ranta nahi donte'ondaha mpepaukiakono marambaa,

2 PETURU 2:12

Sine ondae atuu mengkena saru pinotuwu anu nahina akalano, mengkena saru kondehora anu butu pine'anaako ka irinako ka rinopu. Dompepaukiakono hapa anu nahi domento'orio, ranta hangano wineweudo anu mosa'o ondae isa'a ira memate kana kondehora mo'ila,

2 PETURU 2:18

Hangano ondae mpepauako pau anu mompelangka-langkai ka mooa ka mempakeo po'eheno aroa belesu pompopandeido mia anu da iaopo dompepotola inso ndi ondae anu mentuwu a laro ntesosaeloa.

2 PETURU 2:3

Ka hangano dokodo guru mpegaupi atuudo ira mpe'usaha mpo'ungke urado inso ndi omiu mesala a luwuno tutulu anu tinutuludo ondaedo. Sine a mpoweweudo atuu pohuku tehineomo tepatinda ka matea nahi ta tepotulu.

YUDASI 1:16

Ondae atuudo mia anu mpewuruki ka mpe'asengi mongkona teweweudo, mentuwu montonda po'eheno aroado, sine wiwido meluarako ira pau anu nahi pewinso akala ka me'unde-unde ira mia ka dompohawe me'uraa.

MENGKAAA 13:1

Ka ku'amba kumitao aasa kondehora meluarako inso a laro ntahi, metandu hopulu ka me'ulu opitu; i wawono luwuno tanduno hinao hopulu ramba-ramba ulu ka a uluno teburi ba opia nee pompepaukiako.

MENGKAAA 16:11

ka dompepaukiako Ira Ue Ala anu i suruga hangano mpompemahaki ka hangano pihodo, sine nahi dontepidi inso a luwuno wineweudo.

MENGKAAA 16:21

Ka usa seru baku langkai, mobeano limapulu kilo, tedonta inso i langi modunsi mia, ka mia mepaukiako Ira Ue Ala hangano masolaako usa seru baku atuu, hangano masolaa atuu tedoa mongkokongiri.

MENGKAAA 16:9

Ka mia pinokomo'aiako mokulano api anu mongkokongiri, ka dompepaukiakono nee-Do Ue Ala anu pabawaio luwuno marasaia atuu ka nahi dontepidi ka dompelangkai Ira.