2 TIMOTIU 3:16 - Wunta Mempori

¹⁶ Luwuno binuri anu inso a Mpenaa-Do Ue Ala lano mentudu a pompaguru, mokomengkaao saala, mokomoikoo pelelu ka paguruo mia a menteea.

2 TIMOTIU 3:16 ပူးပေါင်းရင်းမြစ်များ

2 Samueli 23:2

Penaa-Do Ue Ala mepau telalo ndi ongkue, pau-Do kongko a eloku.

Nehemia 9:20

Iweeako ira penaa-Miu anu moiko ka paguru ira. Ka mana-Miu mbo'u nahi ontoo domengkaano ka Ipoweeako ira uwoi kai tetadi mokoranga.

Po'unde-unde 119:11

Dandi-Miu kunaao i laro aroaku, ka si kutehala ndi Omiu.

Po'unde-unde 119:130

Luwuno pau-Miu anu pinosaba mompokomewine, moweeako ira ponto'ori a mia anu napi hina pinembasaino.

Po'unde-unde 119:9

Kana'umpe idagaio mia mongura peleluno ka si hina tataano? Saru me'ini a mpau-Miu.

Powadi 15:10

Pompaguru anu lansara monsikori mia anu bintao pesalaa, ka isema mo'o'aliaako pongkuahako ta mate.

Powadi 15:31

Mia anu mo'aroo birino a pongkuahako anu mompotuwu ta mo'ia i tonga-tongado mia pande mposongka.

Powadi 6:23

Hangano parenta atuu hulu, ka pompaguru atuu wanta, ka pongkuahako anu mompaguru atuu sala ntuwua,

Mika 2:7

Moiko ke mongkona atuu ipinau, hei inuleno i Yako? Nde nahi sompo ke sabara-Do i Ue? Kanatuu ke wineweu-Do? Kombake pauku moiko a mia anu tuwu moleo?

Sepanya 3:2

Onae nahi behe merorongeakono patudu ka nahi pomperio pongkuahako; onae nahi pe'ala-ala Ira i Ue ka nahi aiwa ndi Ondae Ue Alano.

I MATIU 13:52

Onaemo ka Dopotae i Yesu ndi ondae, ”Onaemo pu'uno anu monto'ori Taura anu montarima pompaguru mongkona Poparentaa Suruga atuu pinotundaako kana umbu raha anu moluarako arataa anu wo'ohu ka anu laano inso a mponaapa arataano.”

I MATIU 21:42

Motae ira i Yesu ndi ondae, ”Napi horike mebasao a Wunta Mempori: Watu anu tinadido puu mpowangu raha gagiomo watu pondasi a nsiuno; mongkona atuu gagi inso ndi Ondae i Ue, aasa wineweu kinohali-haliako kinitano matato.

I MATIU 22:43

Dopotaeako ira, ”Tewala kanatuu, kana'umpeke i Daudi a pokongkomi-Do Penaa ka ipokopau Ira Ueno, tempono ipotae:

I MATIU 26:54

Tewala kanatuu, kana'umpe ta inihii anu binuri a Wunta Mempori, anu motae, nine asalakono gagi kanandio?”

I MATIU 26:56

Sine luwuno andio gagi ka i'inihii anu hinao binuri a wuntado nabi.” Ka do'amba ana guru atuudo binta Ira ka dompolai.

I MARAKUSU 12:24

Dosangki ira i Yesu, ”Tepopo'oo komiu, ndio koa hangano nahi mpokonto'orio Wunta mempori maupo pabawa-Do Ue Ala.

I MARAKUSU 12:36

Sekono i Daudi a pontaateno Penaa Mempori motae: Mepau Iramo i Ue ndi ondae ueku: pentoromo i koana-Ku, hawe ka Kunaa ira iwali-Miu a ntoto ngkaru-Miu.

I YOHANE 10:35

Tewala ondae, ndi sema ipinohawe pau tuu, nineeako pinesombai susua – sine Wunta Mempori asalakono inihii –,

I YOHANE 3:20

Hangano ba isema moweweu mosa'o, i'o'aliaakono mewine ka nahi aiwa a mewine atuu, ka si tengkita luwuno wineweuno anu mosa'o atuu;

WINEWEUDO TINENA 1:16

”Hei pepaekompo, asalakono inihii pau a Wunta Mempori, anu pinohawe-Do Penaa Mempori mesala ndi Daudi mongkona i Yudasi, petewawado mia anu rumako Ira i Yesu atuu.

WINEWEUDO TINENA 18:25

Onae mepaguruomo a nsala-Do i Ue. Moroso ipepau ka mompesu'ui ipompaguru mongkona Ondae i Yesu, sine butu pobahono i Yohane tino'orino.

WINEWEUDO TINENA 20:20

Maupo kanatuu nahi kuhori kumolupeo hapa anu mentudu ndi omiu. Luwuno kupaleleo ka kupaguruakomiu, moiko i arono mia hadio maupo a luwuno tepumpua a rahamiu;

WINEWEUDO TINENA 20:27

Hangano nahi kukolupeo paleleo luwuno tinoo-Do Ue Ala ndi omiu.

WINEWEUDO TINENA 28:25

Ka tekaleomo tepotowoa atuu nahi dontepokona pada ondaedo. Sine i Paulu da mepauako pau anu aasa andio, ”Menteeomo ntu'u pau anu pinohawe-Do Penaa Mempori a uempu'uto anu pinauno Nabi Yesaya:

ROMA 15:4

Hangano luwuakoano anu binuri i ndi'upua, binuriomo ka igagi pepaguruato, ka tomemoroso mpe'ini a pomperorohia hangano modato aroa ka pontarero inso a Wunta Mempori.

ROMA 2:20

anu paguru ira mia monge-monge, ka gurudo mia anu napi sompo tinuwudo, hangano a songka Taura upe'umbuo ihiino luwuno ponto'ori ka menteea.

ROMA 3:2

Hadio ntu'u, ka i larono luwuakoano. Amba-ambano: hangano ndi ondaemo ipine'ala-alaako pau-Do Ue Ala.

ROMA 4:23

Luwuno pau andio, onaemo ”mongkona andio pinototoiako ndi onae,” komba binuri butu tiano i Burahima,

1 KORINTI 12:7

Sine a sompo-sompo mia pinoweeako mengkaa-Do Penaa gagi moikoado luwu.

GALATIA 3:8

Ka Wunta Mempori, anu se'eluno tumo'orio, nine Ondae Ue Ala mokomentee ira mia komba to Yahudi hangano pompe'ala-ala, tese'eluomo paleleo Lele Mawongkoa ndi Burahima, ”Hangano omue luwuno tongku ta rinonso.”

Winali 29:29

Mongkona anu tewuni onaemo tia-Do i Ue, Ue Alato, sine mongkona anu pinokomengkaa onaemo tiato ka inuleto hawe nahina tampulaano, ka tomeweweuo luwuno pauno songka Taura andio.”

Winali 4:36

Inso i langi Dopoporongeo pau-Do ndi omiu anu paguru komiu; i tolino Dopopokitao ndi omiu api-Do anu langkai, ka pinau-Do imerongeo inso a ntonga-tongano api.

2 TIMOTIU 2:25

ka saru mepau molusa-lusa mokotaate ira mia anu inehedo me'ewa, hangano bara'ura Dopoweeako ira i Ue tempo ka dontepidi ka wawa ira ranta ka domento'orio menteea,

2 TIMOTIU 4:2

Paleleomo pau-Do i Ue, pepatindamo moiko ke nahi moiko tempono, pokomengkaaomo hapa anu sala, kuahakono ka patuduomo a luwuno maurua ka pompaguru.

IBARANI 11:1

Pompe'ala-ala onaemo pu'uno luwuakoano anu pinerorohito ka tondonino luwuakoano anu nahi tomengkitao.

IBARANI 3:7

Onaemo pu'uno, kana anu pinau-Do Penaa Mempori, ”A oleo andio, tewala imerongeo suara-Do,

IBARANI 4:12

Hangano pau-Do Ue Ala tuwu ka moroso ka montasoopo sekono ponai isuamo koa anu memata patimbali; onae meduhu tedoa ondalo ranta monsuao sumanga ka penaa, luwuno lodi-lodi ka unto wukulaa; onae polio mosisinggeo pontimbanga ka pinewowolono aroato.