2 TIMOTIU 2:2 - Wunta Mempori

² Hapa anu urongeomo inso ndi ongkue i arodo hadio sakosii, pe'ala-alaakonomo atuu a mia anu tekona domempine'ala-ala, anu mempande koa mbo'u mpompaguru mia susua.

2 TIMOTIU 2:2 ပူးပေါင်းရင်းမြစ်များ

Esera 7:10

Hangano i Esera montooomo ta mepaguruakono ntu'u Taura-Do i Ue ka weweuo a laro ntumuwuno saru paguruako ira to Isaraeli pompakosi ka atora-Do.

Esera 7:25

Omue Esera, pakeomo ponto'orimu inso ndi Ondae Ue Alamu anu Doweeko, kau potoro ira petewawa, puu mpobitara, ka domebitara ira luwuno palili anu mpo'ia i asa towano Koro Eparata, onaemo luwuno mia anu mponto'ori songka-Do Ue Alamu ka mia anu napi to'orio, asalakono paguruako ira.

Nehemia 7:2

Mongkona i Yerusale kupe'ala-alaakono ndi Hanani, pepaekompoku, ka ndi Hanania, tadulako bente, hangano onae asa mia anu pine'ala-ala ka doitoako Ira Ue Ala laluaopo sekono luwuno mia susua.

Po'unde-unde 101:6

Mataku te'aro a mia anu metenunu i wita andio, ka dompo'ia saru ongkue. Mia anu tuwu nahina tataano, ta mekakaakune.

Powadi 13:17

Tinena anu mosa'o gauno modontai mia a laro masolaa, sine tinena anu metenunu mowawa tompaa.

Yeremia 23:28

Nabi anu mohawe mo'ipi, po'ineeomo itutuluo mo'ipi atuu, ka nabi anu mohawe pau-Ku, po'ineeomo ipohaweo pau-Ku atuu a menteeano! Hapa penggoeno olono seami ka gandu? Kanandiomo pau-Do i Ue.

Imama 14:42

Mia asalakono mpo'ala watu susua ka i'amba pasao gagi euno luwuno watu hieno, ka asalakono mpo'ala wita susua kai inapii rereno raha atuu.

Maleaki 2:7

Hangano wiwino asa sando mpesomba mekariao ponto'ori ka mia mo'ungke pompaguru inso a ngangano, hangano onaemo tinena-Do Ueno luwuakoano.

Podoaa 12:7

Nahi kanatuu saru tetenaa-Ku i Musa, asa mia anu metenunu a laro luwuno raha-Ku.

I MATIU 13:52

Onaemo ka Dopotae i Yesu ndi ondae, ”Onaemo pu'uno anu monto'ori Taura anu montarima pompaguru mongkona Poparentaa Suruga atuu pinotundaako kana umbu raha anu moluarako arataa anu wo'ohu ka anu laano inso a mponaapa arataano.”

I MATIU 24:25

Impe'ihilaroo, se'eluomo Kupauakomiu.

I LUKASI 12:42

Sumangki Ira i Ue, ”Gagi, isemake anu metenunu mompekakaako raha ka pande mosongka anu ta motoroo ueno gagi petewawa a luwuno atano ka ipoweeako ira kaanga a tempono?

1 KORINTI 4:2

Anu poko'ariano inema inso a luwuno puu pompekakaako anu kanandio onaemo, nine mengkaa tekona domempine'ala-ala.

2 KORINTI 2:14

Sine tarimakasi ndi Ondae Ue Ala, anu wela wawa kami a nsala poponangia-Do ndi Ondae i Kerisituu. Ka mesala ndi omami Dopaleleo i sua-suamo koa mana mo'ahino tumo'ori Ira.

2 KORINTI 3:5

Tewala butu omami nahi kimempolio mpopau hapa kana inanggamami; naahi, ka kimempolio onaemo po'angga-Do Ue Ala.

KOLOSE 1:7

Luwuno atuu imento'oriomo inso ndi Eparasi, walimami pompekakaako anu pinehohawamami, anu ndi omiu onaemo puu pompekakaako-Do i Kerisituu anu metenunu.

1 TIMOTIU 1:12

Montarimakasi aku ndi Ondae, anu mokomoroso aku, onaemo Ondae i Kerisituu Yesu, Ueto, hangano Dotudu aku metenunu ka me'ala-alaakune pompekakaakoa andio –

1 TIMOTIU 1:18

Anggaa andio kuweeakomu, Timotiu anaku, menunu saru hapa anu pinauomo anu ta gagi mongkona koroimu, ka ipokomorosoko pinau anu ta gagi atuu umanggao anggaa anu moiko a pompe'ala-ala ka aroa mewine anu mentee.

1 TIMOTIU 4:14

Si kolupeo pakeo pompowee inso ndi Ondae i Ue anu hina ndi omue, anu uwineeako hangano pinau anu ta gagi ka saru pedampono kaedo penatua.

1 TIMOTIU 4:6

Saru wela mopoto'oriako ira pepaekompoto mongkona luwuno atuu, omue kogagi aasa puu pompekakaako-Do i Kerisituu Yesu anu moiko, tepaguru a luwuno pepu'uano pompe'ala-alato ka a pompaguru mentee anu utondaomo andio.

1 TIMOTIU 5:22

Si madara komedampoakono kaemu a asa mia ka si tetonda a halado mia susua. Dagaio koa memporino koroimu.

1 TIMOTIU 6:12

Petandimo a mpetandia pompe'ala-ala anu mentee ka pete'umalaomo tuwua anu nahina tampulaano. Onaemo atuu ka upinoboimo ka upedandiakomo dandi anu mentee i arodo hadio sakosii.

2 TIMOTIU 3:10

Sine omue utondaomo pompaguruku, sala ntumuwuku, pohaweno aroaku, pompe'ala-alaku, sabaraku, pompehohawaku ka modatoaku.

2 TIMOTIU 3:14

Sine po'ineeomo ka upe'ini mpiha a menteea anu utarimaomo ka upe'ala-alao, saru wela rumambeo mia anu paguruakomu.

IBARANI 2:17

Onaemo pu'uno, ka a luwuakoano Ondae asalakono pinongkena saru luwuno pepaekompo-Do, ka Dogagi Sando Mpesomba Langkai anu me'aroa ka anu metenunu ndi Ondae Ue Ala mokosintuwuo halano luwuno tongku.

1 Samueli 2:35

Aku motoroo asa sando mpesomba anu metenunu ka melelu menunu kana po'eheno aroa-Ku ka sumanga-Ku. Aku mokohadioo inuleno anu mpetenunu ka mentuwu i arono mia inurapi-Ku.