2 TIMOTIU 2:12 - Wunta Mempori

¹² tewala mpompesu'ui kita, kita koa mbo'u mpetonda mpomparenta saru Ondae; tewala tomehapu Ira, Ira koa mbo'u humapu kita;

2 TIMOTIU 2:12 ပူးပေါင်းရင်းမြစ်များ

Powadi 30:9

Ka si kuhapu Komiu, tewala mowohi aku, ka mepau: Isemake Ondae i Ue atuu? ke tewala mongkokolaro aku, aku monako, ka sumosa'aio nee-Do Ue Alaku.

I MATIU 10:33

Sine ba isema anu humapu Aku i arodo mia, Aku humapuo mbo'u nada i aro-Do Ama-Ku anu i suruga.”

I MATIU 26:35

Motae i Peturu ndi Ondae, ”Maupo kumate merongaa-Komiu, nahi aku humapu Komiu.” Luwuno ana guru mbo'u anu susua mpotae mbo'u kanatuu.

I MATIU 26:75

Onaemo ka irambeo i Peturu hapa anu pinau-Do i Yesu ndi onae, ”Napi kumokoroido manu, pentolumo uhapu Aku.” Ka i'amba lumako i bungkuno ka ipengese mompemasusa.

I MARAKUSU 10:33

Dopotae, ”Kanandio-andio kita melako i Yerusale ka i Ana Manusia Ira pineweengako a mpetewawado sando mpesomba ka guru agama, ka ira mempakosiao Ondae hinuku mate. Ka Ira pineweengako a luwuno tongku anu nahi domento'ori Ira Ue Ala,

I MARAKUSU 8:38

Hangano ba isema anu mokoko'ii hangano Ongkue ka hangano pau-Ku i tonga-tongano mia mentuwu nahi dompetenunu ka ntehala andio, i Ana Manusia mbo'u Ira mokoko'ii hangano mia atuu ba Dohawe te'upua a laro maramba-Do Ama-Do, domentonda Ira mala'eka mempori.”

I LUKASI 12:9

Sine ba isema humapu Aku i arodo mia, onae ta hinapu i arodo mala'eka-Do Ue Ala.

I LUKASI 22:29

Ka Ongkue tumantuiakomiu luwuno tiano Poparentaa, mengkena kana Ongkue Dotantuia-Kune Ama-Ku,

I LUKASI 22:30

nine komiu mpongkaa ka mpo'inu mpe'asa meda saru Ongkue a laro Poparentaa-Ku ka komiu mpentoro a wawo ngkadera poparentaa bitara ira hopulu ka orua suku Isaraeli.

I LUKASI 9:26

Nde ba isema mokoko'ii hangano Ongkue ka hangano pau-Ku, i Ana Manusia mbo'u Ira mokoko'ii hangano mia atuu, ba Dohawe te'ipua a laro maramba-Do ka a laro maramba-Do i Ama ka luwuno mala'eka mempori.

WINEWEUDO TINENA 14:22

A mpo'ianga atuu dopokorosoako ira aroado ana guru atuu ka patudu ira ka domekongko koa mpiha a pompe'ala-alado, ka dopauo, nine ba topewinso a Poparentaa-Do Ue Ala asalakono kita mompembasai hadio marasaia.

ROMA 5:17

Nde, tewala hangano halano asa mia, pabawaomo matea hangano asa mia atuu, ka lalua irapo mbo'u mementee, anu mpontarima iramo hadio ntu'u pe'aroa ka pompehohawa menteea, ira mentuwu ka mempabawa hangano asa mia atuu, onaemo Ondae i Yesu Kerisituu.

ROMA 8:17

Ka tewala ontae ana, asalakono ontaemo mbo'u mpe'umbuo pusaka, tinoono luwuno mia anu tekona tumarimao luwuno dandi-Do Ue Ala, anu ira mentarimao meronga saru Ondae i Kerisituu, onaemo tewala memarasai kita meronga saru Ondae, ka tomempinokomaramba koa mbo'u meronga saru Ondae.

PILIPI 1:28

saru nahi impondendeakono maupo tedei anu umewai komiu. Ndi ondae luwuno atuu onaemo tondonino matea, sine ndi omiu petondoni tekaduduia, ka anu atuu haweno inso ndi Ondae Ue Ala.

1 TIMOTIU 5:8

Sine tewala hinao te'asa mia anu nahi pekakaako ira pe'etuno, tamoako pe'asa rahano, mia atuu mepoura ka mosa'oopo sekono mia anu nahina pompe'ala-alano.

YUDASI 1:4

Hangano mengkaa hinao mia susua anu mewinsoomo nahi teto'ori i tonga-tongamiu, onaemo mia anu tehineomo domempinakosi ka domehinuku. Ondaemo mia anu mosa'o gaudo, anu mensala pakeo pe'aroa-Do Ue Alato ka dompoweweu po'eheno aroado, ka anu mehapuo asa-asa-Do Anu Pabawa ka Ueto, i Yesu Kerisituu.

MENGKAAA 1:6

ka anu weweu kitamo megagi aasa poparentaa, megagi luwuno sando mpesomba-Do Ue Ala, Ama-Do, – ndi Ondaemo marambaa ka pabawa ranta nahina tampulaano. Ami.

MENGKAAA 1:9

Ongkue, i Yohane, pepaekompo ka pe'asamiu a laro masusaa, a laro Poparentaa ka a laro pompedato sumikori Ira i Yesu, kongko i togo anu meneeako Patomosi hangano pau-Do Ue Ala ka ponsakosii-Do i Yesu.

MENGKAAA 2:13

Kuto'orio ba isua upo'ia, onaemo i ra'ai, a mpo'iangano kadera poparentaano i Mosa'o; ka omue me'ini a nee-Ku, ka komba uhapuo pompe'ala-alamu ndi Ongkue, naahi koa mbo'u a tempono i Antipasi, sakosii-Ku, anu metenunu ndi Ongkue, anu pinepate i aromiu, a mpo'iangano i Mosa'o.

MENGKAAA 20:4

Ka ku'amba kumita ira kadera poparentaa ka mia anu mpentoro i wawono; ndi ondae mempinoweeako pabawa ka dompobitara. Kukita ira mbo'u sumangado, anu me'inimpahiomo uludo hangano ponsakosii mongkona Ondae i Yesu ka hangano pau-Do Ue Ala; anu nahi pesombaio kondehora atuu ka tinahano ka anu nahi hori montarima pontondoni a ra'i ka a ngkaedo; ka wali ira mentuwu ka pomparenta kana mokole meronga saru Ondae i Kerisituu tiano tempo asa nsowu ta'u.

MENGKAAA 20:6

Me'uraomo ka memporiomo onae, anu mohawe tia a mpewangua amba-ambano atuu. Matea anu kompenduano nahina mbo'u pabawano ndi ondae, sine ira megagi sando mpesomba-Do Ue Ala ka i Kerisituu, ka ira mpomparenta kana mokole meronga saru Ondae, asa nsowu ta'u tehineno.

MENGKAAA 3:10

Hangano omue tumondao pau-Ku, ka upompedato sumikori Aku, ka Ongkue mbo'u Aku kumaduduiko inso a oleo po'ara-arahakoa anu ta hawe i asa wawontolino ka dome'inara-arahako anu mpo'ia i tolino.

MENGKAAA 3:21

Ba isema monangi, onae Aku montoroo meronga saru Ongkue a wawo ngkadera poparentaa-Ku, kana Ongkue mbo'u monangi Akumo ka mentoro meronga saru Ondae Ama-Ku a wawo ngkadera poparentaa-Do.

MENGKAAA 3:8

Kuto'orio luwuno inanggamu: kitaomo, Ku'ungkahiakomumo pewowa, anu nahina maupo te'asa mia mokotondoo. Kuto'orio nine rosomu nahi te'asa hapa, sine utondao pau-Ku ka nahi uhapuo nee-Ku.

MENGKAAA 5:10

Ka Iweweu iramo gagi aasa poparentaa, ka megagi sando mpesomba tia-Do Ue Alato, ka ira mpeparenta kana mokole i tolino.”