2 TIMOTIU 2:10 - Wunta Mempori

¹⁰ Onaemo pu'uno kupedatoo tumembio luwuno atuu tiado mia bininiki-Do Ue Ala, ka dompohawe koa mbo'u tekaduduia ndi Ondae i Kerisituu Yesu saru marambaa anu nahina tampulaano.

2 TIMOTIU 2:10 ပူးပေါင်းရင်းမြစ်များ

Powadi 8:35

Hangano isema humawe aku, mohawe tuwua, ka onae Ira memoikoo i Ue.

I MATIU 24:22

Ka ba mansa nahi pinoko'owowa tempono, manasa inso a luwuno anu tuwu nahi ta hina anu tekadudui; sine hangano mia mebininiki tempo atuu ta pinoko'owowa tempono.

I MATIU 24:24

Hangano mia mpompe Mesi-mesia ka mpompe nabi-nabi ira mehawe ka ira mpoweweu hadio petondoni anu langkai ka anu mengkinohali-haliako, ranta ba mansa domempolio mopo'oo ira mbo'u mia mebininiki.

I MATIU 24:31

Ka Dotena ira mala'eka-Do mpeluarako saru mpopuuri tawuwua anu mongkokongiri unino ka ira mepumpuo luwuno mia bininiki-Do inso a opaa siuno tolino, inso i tompano langi anu aasa hawe i tompano langi anu susuano.

I LUKASI 18:7

Nde nahi Ira mokomenteeo Ue Ala luwuno mia bininiki-Do anu meene ka wongi mpebooli ndi Ondae? Ka nde Ira motuluoke tempo ka Do'amba tumulungi ira?

I LUKASI 22:57

Sine i Peturu mehapu, ipotae, ”Naahi, komba kuto'ori Ira!”

I YOHANE 11:52

ka komba butu tiano tongku atuu, sine ka itepumpu mbo'u ka mo'asa ira ana-Do Ue Ala anu ntesiarawo.

I YOHANE 17:24

Oo Ama, inehe-Ku, maupo ba i sua Kupo'ia, ondae mbo'u mpe'asaa-Kune, ondae anu Iweea-Kunemo, ka domengkitao maramba-Ku anu Iweea-Kunemo, hangano Ipehohawa Akumo se'eluno napi pinokogagi wawontolino.

I YOHANE 17:9

Kupekakaiako ira. Komba tiano wawontolino Kupekakai, sine tiado, anu Iwee Akumo, hangano ondae mia-Miu

ROMA 2:7

onaemo tuwua nahina tampulaano a mia anu mokua moweweu moiko, umungkeo marambaa, pompelangkai ka anu nahi ta tampula,

ROMA 9:23

tendeano ka ipinokomengkaa kaeano maramba-Do a luwuno parewa pompehohawa-Do anu Dopatindaomo tiano marambaa,

1 KORINTI 1:21

Hangano a laro ponto'ori-Do Ue Ala, wawontolino nahi to'ori Ira Ue Ala mesala a ponto'orino, onaemo ka Dopemoikoo Ue Ala kumadudui ira anu mpompe'ala-ala hangano monge-mongea pompalelea Lele Mawongkoa.

1 KORINTI 9:22

A mia anu memolema gagi akumo kana mia anu memolema, ka kupokokadudui ira koa anu memolema. A luwuno mia gagi akumo luwuakoano ka ihina koa kupompoko'ala ba te'opia mia inso i olodo.

2 KORINTI 1:6

Tewala marasai kami, onaemo gagi pontarero ka tekaduduimiu; tewala tinarero kami, onaemo atuu pontareromiu, ranta ka impohawe roso ka imensabara marasaiako tebobarasaia anu mengkena kana anu pinembasaimami koa mbo'u.

2 KORINTI 12:15

Onaemo pu'uno ineheku meweengakono arataaku, sekonopo koroiku kupeweengakono hangano omiu. Gaagi tewala tedoa kupehohawa komiu, tekona koake ka ikomaku-makurano kupinehohawa?

2 KORINTI 4:15

Nde ka igagi luwuno atuu hangano omiu, ka ikolangka-langkaino pompehohawa hangano kohadi-hadiono mia anu mpompe'ala-ala, onaemo ka ikohadi-hadiono anu umunde-undeo maramba-Do Ue Ala.

2 KORINTI 4:17

Hangano marasaia anu monongko kanandio-andio, mo'anggaakami marambaa anu nahina tampulaano anu lumaloio luwuakoano, laluaopo langkai sekono marasaimami.

EPESU 3:13

Onaemo pu'uno ku'emao ndi omiu, ka si motewe aroamiu mengkitao pompema'isoku hangano omiu, hangano pompema'isoku atuu onaemo marambamiu.

KOLOSE 1:24

Kanandio-andio kupo'undeakono marasaiku hangano omiu, ka mokosompoo a ngkoroiku hapa anu makura a ntebobarasai-Do i Kerisituu, tiano koroi-Do, onaemo bawaa.

KOLOSE 1:27

Ndi ondae Dopopoto'oriako ira Ue Ala, ba kana'umpe kaeano ka marambano rahasia atuu i olodo luwuno tongku susua, onaemo: Ondae i Kerisituu kongko Ira i tonga-tongamiu, Ondae i Kerisituu anu onaemo pomperorohia marambaa!

1 TESALONIKA 5:9

Hangano komba Dopakosio Ue Ala ka i'alu kita pontekudaako, sine ka tompohawe tekaduduia hangano Ondae i Yesu Kerisituu, Ueto,

2 TESALONIKA 2:14

Onaemo ka Dopoboi komiumo hangano Lele Mawongkoa anu pinalelemami, onaemo ka impohawe maramba-Do i Yesu Kerisituu, Ueto.

2 TIMOTIU 1:1

Inso ndi Paulu, tetenaa-Do i Kerisituu Yesu hangano po'ehe-Do Ue Ala ka kupaleleo dandi mongkona tuwua ndi Ondae i Kerisituu Yesu,

2 TIMOTIU 2:1

Onaemo pu'uno, hei anaku, gagimo moroso hangano pe'aroa ndi Ondae i Kerisituu Yesu.

2 TIMOTIU 2:3

Petondamo marasai kana aasa sorodadu anu moiko inso ndi Ondae i Kerisituu Yesu.

TITU 1:1

Inso ndi Paulu, tetenaa-Do Ue Ala ka tinena-Do i Yesu Kerisituu ka ipekakaakono pompe'ala-alado mia bininiki-Do Ue Ala ka ponto'ori menteea kana anu mengkaa a laro mpesombato,

1 PETURU 2:10

Omiu, anu i ndi'upua komba bawaa-Do Ue Ala, sine anu kanandio-andio megagi komiumo bawaa-Do, anu i ndi'upua nahi mempinehohawa sine kanandio-andio mpohawe komiumo pe'aroa.

1 PETURU 5:10

Ka Ondae Ue Ala, pu'uno luwuno pe'aroa, anu moboi komiumo ndi Ondae i Kerisituu a maramba-Do anu nahina tampulaano, Ira mokosompo komiu, rumonso komiu, mokomokora komiu ka mokoroso komiu, umarimiu ntebobarasai asa tempo.