Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 TIMOTIU 1:9 - Wunta Mempori

9 Ondae anu kumadudui kita ka moboiakita pepoboi mempori, komba me'empehiako wineweuto, tendeano me'empehiako tinoo ka pe'aroa-Do Ondae-Do, anu mewineeako kitamo ndi Ondae i Kerisituu Yesu se'eluno pompu'uano tempo

အခန်းကိုကြည့်ပါ။ ကော်ပီ




2 TIMOTIU 1:9
41 ပူးပေါင်းရင်းမြစ်များ  

Onae ta me'anaako ana ntama ka numeeako Ira i Yesu, hangano Ondaemo anu Ira kumaduduio bawaa-Do inso a halado.”


I tempo koa mbo'u atuu mawongkoomo aroa-Do i Yesu a laro Penaa Mempori ka Dopotae, ”Montarima kasi Aku ndi Omiu, Ama, Ueno langi ka tolino, hangano luwuno atuu Iwuniako ira mia pande mposongka ka mia mempande, sine Ipokomengkaao a mia kodei. Oo Ama, onaemo atuu anu pinemoiko-Miu.


Oo Ama, inehe-Ku, maupo ba i sua Kupo'ia, ondae mbo'u mpe'asaa-Kune, ondae anu Iweea-Kunemo, ka domengkitao maramba-Ku anu Iweea-Kunemo, hangano Ipehohawa Akumo se'eluno napi pinokogagi wawontolino.


Kupekakaiako ira. Komba tiano wawontolino Kupekakai, sine tiado, anu Iwee Akumo, hangano ondae mia-Miu


Luwuno anu Dowee Aku i Ama, ira mehawe ndi Ongkue, ka ba isema anu aiwa ndi Ongkue, nahi Aku tumadio.


saru me'unde-unde Ira Ue Ala. Ka ondae dome'ineheako ira luwu mia. Ka sompo-sompo oleo Dotiangiako ira i Ue mia anu kinadudui.


onaemo ba kumansa mokontesingkao monsiri i laro aroado pe'asa tongkuku montonda tuwu ntolino ka mokontekaduduio ba opia mia inso ndi ondae.


Hangano komba Dope'o'oleakono Ue Ala pompehohawa ka pepoboi-Do.


Ndi Ondae, anu pabawa mokoroso komiu, – montonda Lele Mawongkoa anu pinaleleku ka pompalelea mongkona Ondae i Yesu Kerisituu, menunu saru mengkaano winuni, anu kinominoako mapa'etu-etu nta'u tehineno,


Hangano nahina maupo te'asa mia anu pinokomentee i aro-Do Ue Ala hangano pontondano songka Taura, tendeano hangano songka Taura mia tumo'orio hala.


Hangano tempono napi dopine'anaako nana'ote atuudo ka napi dopoweweu anu moiko ke anu mosa'o, – ka ipinokoroso tinoo-Do Ue Ala mongkona pobiniki-Do, komba me'empehiako wineweu, sine me'empehiako pepoboi-Do –


onaemo ontae, anu Dopoboi kitamo komba butu inso i olodo to Yahudi, sine inso mbo'u a luwuno tongku susua,


Hangano pompalele mongkona keu pinotamba onaemo lano monge-mongedo anu ira memate, sine ndi ontae anu mengkinadudui pompalele atuu onaemo moroso-Do Ue Ala.


Kupauo ”ndi Ondae i Kerisituu”, hangano ndi Ondae kimpohawe tia anu dinandi – omami anu inso amba-ambano pinakosi ka kimentarimao tia atuu menunu saru tinoo-Do Ue Ala, anu i larono luwuakoano mo'angga montonda pompakosino po'ehe-Do –


Hangano Dopokomengkaaomo rahasiano po'ehe-Do ndi ontae, menunu saru tinoo-Do Ondae-Do, onaemo tinoo-Do Ondae-Do anu inso amba-ambano Dopakosiomo ndi Ondae i Kerisituu


motuwu kitamo meronga saru Ondae i Kerisituu, maupo tomematemo hangano luwuno salato – hangano pompehohawa mengkinadudui komiu –


menunu saru tinoo anu nahina tampulaano, anu Doweweuomo ndi Ondae i Kerisituu Yesu, Ueto.


ka melulu a anu tinunggai ka kupohawe pompowee, onaemo pepoboi nsuruga inso ndi Ondae Ue Ala a ntepo'asaa ka Ondae i Kerisituu Yesu.


Dopoboi kita Ue Ala komba ka tompoweweu hapa anu mokoburu, tendeano hapa anu mempori.


Inso ndi Paulu, tetenaa-Do i Kerisituu Yesu montonda petena-Do Ue Ala, Puu pongkaduduito, ka Ondae i Kerisituu Yesu, pu'uno pomperorohito,


Inso ndi Paulu, tetenaa-Do i Kerisituu Yesu hangano po'ehe-Do Ue Ala ka kupaleleo dandi mongkona tuwua ndi Ondae i Kerisituu Yesu,


ka me'empehiako pomperorohia a ntuwua anu nahina tampulaano anu se'eluno pompu'uano tempo Dodandiomo Ue Ala anu nahi Dopegaupi,


Onaemo pu'uno, hei luwuno pepaekompo anu mempori, anu mpohawe tia a mpepoboi suruga, imengkita iramo Tinena ka Sando Mpesomba Langkai anu pine'ala-alato, onaemo Ondae i Yesu,


Bininiki Iramo se'eluno ipinokogagi wawontolino, sine – hangano omiu – ka Do'amba mepokomengkaa a pokotompaano tempo.


Sine omiumo tongku anu tebiniki, imama anu moleo, tongku anu mempori, bawaa-Do Ue Ala, ka imempaleleo luwuno wineweu anu langkai inso ndi Ondae, anu moboi komiumo mpeluarako inso a wongi-wongia a mewine-Do anu kinohali-haliako:


Ka luwuno mia anu mpo'ia i wawontolino ira mpesombaio, onaemo sompo mia anu mompu'u ipinokogagi wawontolino neeno nahi teburi a wunta tuwua inso a Ana Bimba anu sinumbele Iramo.


Ka kondehora anu ukitaomo atuu, hinaomo, sine nahina, onae ta mesabaako inso a wingke matea, ka onae te'aro a matea. Ka ondae anu mpo'ia i tolino, onaemo ondae anu nahi donteburi a wunta tuwua mompu'u ipinokogagi wawontolino, ira mengkohali-hali, tewala domengkitao, nine kondehora atuu hinaomo, sine nahina, ka ta mesabaako mbo'u.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ