2 TIMOTIU 1:7 - Wunta Mempori

⁷ Hangano penaa anu Doweeakita Ue Ala komba penaa doitoa, tendeano penaa anu mowangu roso, pompehohawa ka te'atora.

2 TIMOTIU 1:7 ပူးပေါင်းရင်းမြစ်များ

Po'unde-unde 119:80

Po'ineeomo aroaku ka itondao luwuno pompakosi-Miu inso i aroa, ka si kupohawe mokoko'ii.

Powadi 2:7

Ondae mompatinda pontimbanga tiano mia anu moleo, gagi kantano mia anu tuwuno nahina tataano,

Powadi 8:14

Ndi ongkue hinao patudu ka pontimbanga, ongkuemo ponto'ori, ndi ongkuemo roso.

Yesaya 11:2

Penaa-Do i Ue ta mo'ia ndi onae, penaa ponto'ori anu mentee ka ponto'ori, penaa pande mosongka ka roso, penaa tumo'orio ka doitoako Ira i Ue;

Mika 3:8

Sine ongkue andio bukeako roso, saru Penaa-Do i Ue, saru moleoa ka moroso saru mosia, ka pauo ndi Yako salano ka ndi Isaraeli halano.

Sakaria 4:6

Onae mepau ndi ongkue, ipotae, ”Ndiomo pau-Do i Ue ndi Serubabeli, kanandio: Komba saru mosia ka komba saru roso, tendeano saru penaa-Ku, pau-Do Ueno luwuakoano.

I LUKASI 10:19

Menteeano Kupowee komiumo pabawa ka impolanda ule ka kasi-kasi molea ka pabawa ka imenangio rosono iwali, ranta nahina anu ta sumolangi komiu.

I LUKASI 15:17

Ka i'amba mokompewowoloo teweweuno, ipotae: Hadio ntu'u mia tinambodo amaku anu mare'eako kaanga, sine ongkue i ndi'ai mate mokoninggo.

I LUKASI 24:49

Ka Aku umoliwio ndi omiu hapa anu dinandi-Do Ama-Ku. Sine asalakono ka impo'ia a laro ngkota andio hawe ka imempinokorosoako pabawa inso i wawono.”

I LUKASI 8:35

Ka mpeluarako iramo mia ira mengkitao hapa anu gagiomo. Me'aiwa ira ndi Ondae i Yesu ka dontepohaweakono mia anu domebintaomo onitu nsa'o atuu mentoro a mpuu karu-Do i Yesu; mesangkaomo ka moikoomo ipompewowolo. Onaemo ka domedoito.

I YOHANE 14:27

Rodoa Kubintaakomiu. Rodoa-Ku Kuweeakomiu, ka hapa anu Kuweeakomiu komba kana anu iweeakomiu wawontolino. Si sala-laro ka mondende aroamiu.

WINEWEUDO TINENA 1:8

Sine komiu mpotarima pabawa, tewala metii Penaa Mempori ndi omiu, ka komiu megagi sakosii-Ku i Yerusale ka i asa wawo wita Yudea ka Samaria ka hawe i tompano tolino.”

WINEWEUDO TINENA 10:38

onaemo mongkona Ondae i Yesu inso i Nasare: ba kana'umpe Do'urapiako Ira Penaa Mempori ka rosono pabawa, Ondae, anu melempa sumompoo wita moweweu anu moiko ka mokotompa ira luwuno mia anu pinabawaino i Mosa'o, hangano Ondae Ue Ala kumongkomi Ira.

WINEWEUDO TINENA 20:24

Sine maupo tedei nahi kuperioo penaaku, polomo koa ka kupokohaweo garesi pokotompa ka moko'umario anggaa anu Dotenaakune Ue Yesu ka kupesakosii mongkona Lele Mawongkoa pompehohawa-Do Ue Ala.

WINEWEUDO TINENA 21:13

Sine sumangki i Paulu, ”Tembio ka impengese ka ba kanandio imerago-ragoo aroaku? Hangano ongkue andio tetinda komba butu ka kupinongu, sine saru mbo'u mate i Yerusale hangano nee-Do Ue Yesu.”

WINEWEUDO TINENA 26:11

A luwuno raha tepumpua mararu kubobarasai ira ka dumadaio ka ihapuo pompe'ala-alano ka a laro ntekuda anu lansara kululu ira, tendeano hawe a ngkota susua.”

WINEWEUDO TINENA 26:25

Sine sumangki i Paulu, ”Ongkue komba mekombe, Pesutu anu pinelangkai! Kupauo menteeano inso a mpinewowolo anu moiko!

WINEWEUDO TINENA 6:8

Ka i Setepanu, anu bukeako pe'aroa ka pabawa, moweweu hadio anu mengkinohali-haliako ka petondoni i olodo mia hadio.

WINEWEUDO TINENA 9:22

Sine kolangka-langkaino pabawano i Saulu ka ipokobulalingo ira to Yahudi anu mpo'ia i Damasi, hangano ipokomanasao, nine Ondae i Yesu Ondaemo i Mesia.

ROMA 5:5

Ka Pomperorohi komba mompokomasusa, nde pompehohawa-Do Ue Ala mewinsoomo i laro aroato hangano Penaa Mempori anu mewineeako kitamo.

ROMA 8:15

Hangano omiu nahi mpontarima penaa te'ataa anu weweu komiu gagi medoito mbo'u, sine mpontarima komiumo Penaa anu mokogagi komiu ana-Do Ue Ala. Hangano Penaa atuu ka tompebooli, ”Oo Aba, oo Ama!”

1 KORINTI 2:4

Moiko pinauku maupo pompaleleku komba kupohaweakono pau ponto'ori anu ta pine'ala-ala, sine saru pompe'ala-ala a roso-Do Penaa,

GALATIA 5:22

Sine wuano Penaa onaemo: pompehohawa, mawongko, rodoa, sabaraa, pe'aroaa, moikoa, petenunua,

KOLOSE 1:8

Onae koa mbo'u anu mokomengkaao ndi omami pompehohawamiu a mpabawa-Do Penaa.

IBARANI 2:15

ka saru mesala kanandio ka Dopotola ira anu asa ntinuwudo mpo'ia a laro nte'ataa hangano domedoitoakono matea.

1 PETURU 1:22

Hangano koroimiu impokomemporiakonomo petenunu a menteea, onaemo ka impokoweweuo pompehohawa pepaekompoa anu inso i aroa, po'ineeomo ka imemambe pehohawa ntu'u tompaano aroamiu.

1 YOHANE 4:18

A pompehohawa nahina doitoa; pompehohawa anu soompo mokotampulao doitoa; hangano doitoa mowawa pohuku ka ba isema doito, onae nahi soompo a pompehohawa.