2 TIMOTIU 1:12 - Wunta Mempori

¹² Onaemo pu'uno ka kupemarasaio luwuno andio, sine nahi mokoko'iiku; hangano kuto'orio ndi sema kupompe'ala-ala ka kupe'ala-alao nine Ondae pabawa mekariao hapa anu Dope'ala-alaakunemo ranta a oleo-Do i Ue.

2 TIMOTIU 1:12 ပူးပေါင်းရင်းမြစ်များ

Po'unde-unde 25:2

Ue Alaku, kupe'ala-ala Komiu; po'ineeomo ka si kupinokoko'ii; iwaliku ka si domengkokora-kora mpo'unde menggari-nggari aku.

Po'unde-unde 31:5

Iluarako akumo inso a buani anu dompota'oakune mia, hangano Omiumo pepekaduduiaku.

Po'unde-unde 56:9

Marasaiku Iburiomo, uwoi mataku Inaao a laro ngkadu-kadu-Miu. Kombake luwuno teburi a laro wunta-Miu?

Po'unde-unde 9:10

Kanatuumo Ondae i Ue onaemo pepekaduduiado mia anu melinanda, pepekaduduia i tempono ma'isoa.

Yesaya 12:2

Mentee ntu'u, Ondae Ue Ala atuu tekaduduiaku; kupe'ala-ala Ira ka nahi kudoito, hangano Ondae Ue Ala atuu rosoku ka penaniku, Ondae gagi Iramo tekaduduiaku.”

Yesaya 50:7

Sine Ondae Ue Ala tumulungi aku; onaemo pu'uno nahi kupohawe mokoko'iia. Onaemo ka kupokorosoo aroaku kana rosono torukuno watu hangano kuto'orio nine nahi aku mohawe mokoko'ii.

Yesaya 54:4

Siimo doito, hangano nahi komohawe mokoko'ii, ka siimo mokoko'ii, hangano nahi kotinata. Hangano, omue kokumolupeo pontata tempono kontelaamu, ka nahi komewowoloo mbo'u mokoko'iia tuwu beinemu.

Nahumi 1:7

Ondae i Ue atuu moiko; mepekadudui i tempono masusaa; Doperio ira mia anu mepekadudui ndi Ondae

I MATIU 12:21

Ka ndi Ondaemo pomperorohiado luwuno tongku.”

I MATIU 24:36

Sine mongkona oleo ka tempo atuu nahina maupo te'asa mia anu tumo'orio, luwuno mala'eka i suruga naahi, ka maupo Ana naahi, butu Ondae i Ama asa-asa-Do.”

I MATIU 7:22

A oleo pokotompa hadio mia ta mebooli ndi Ongkue: Ue, Ue, kombake kimempauo anu ta gagi a nee-Miu ka mponsaari onitu a nee-Miu, ka mpoweweu hadio anu kinohali-haliako a nee-Miu koa mbo'u?

I LUKASI 10:12

Kupauakomiu: a oleo atuu Sodomo ta monongkoopo pinembasaino sekonopo kota atuu.”

I LUKASI 23:46

Ka Do'amba i Yesu mebooli meroku, ”Oo Ama, A ngkae-Miu Kupeweengakono penaa-Ku.” Ka umari-Do mepau kanandio Dopeweengakono penaa-Do.

I YOHANE 17:15

Komba Ku'emao, ka I'ala ira inso i wawontolino, sine ka Idagai ira inso ndi mosa'o.

I YOHANE 6:44

Nahina maupo te'asa mia anu moko'aiwa ndi Ongkue, tewala nahi Dopadiio i Ama anu tumena Aku, ka onae Aku wanguo a pokotampulaano wawontolino.

WINEWEUDO TINENA 13:46

Sine i Paulu ka i Baranaba mosia mepau, ”Lano asalakono ndi omiumo se'elu ipinalele pau-Do Ue Ala, sine nahi imentarimao ka impotae nahi pototomiu mpohawe tuwua anu nahina tampulaano. Onaemo pu'uno kami mpewolili a luwuno tongku susua.

WINEWEUDO TINENA 13:50

To Yahudi mposingki ira beine mempinerorohi anu doitoako Ira Ue Ala, ka anu langkai potorodo i kota atuu. Ka hangano ondae ka dowineweunsa'o i Paulu ka i Baranaba ka sumaari ira inso i wita atuu.

WINEWEUDO TINENA 21:13

Sine sumangki i Paulu, ”Tembio ka impengese ka ba kanandio imerago-ragoo aroaku? Hangano ongkue andio tetinda komba butu ka kupinongu, sine saru mbo'u mate i Yerusale hangano nee-Do Ue Yesu.”

WINEWEUDO TINENA 7:59

Kontongaado mewunoo i Setepanu mekakai, ipotae, ”Oo Ue Yesu, Itarimaomo penaaku.”

WINEWEUDO TINENA 9:16

Ongkue-Ku tumisoakono, hadio ntu'u marasaia anu asalakono ipembasaio hangano nee-Ku.”

ROMA 1:16

Hangano moroso pompe'ala-alaku a Lele Mawongkoa, hangano Lele Mawongkoa onaemo roso-Do Ue Ala anu kumaduduio sompo mia anu mompe'ala-ala, amba-ambano to Yahudi, sine saru koa mbo'u to Yunani.

ROMA 9:33

kana hinao teburi, ”Menteeano, Aku numaao i Sioni aasa watu tetengkua ka aasa watu tetidua, ka ba isema anu me'ala-ala Ira, nahi ta pinokoko'ii.”

1 KORINTI 1:8

Ira koa mbo'u mokoroso komiu hawe a mpoko'ariano, ranta nahina tataamiu a oleo-Do Ueto i Yesu Kerisituu.

1 KORINTI 3:13

pohona te'upua inanggano singge mia ta koa tengkita. Hangano oleo-Do i Ue ta mokomengkaao, nde onae ta tengkitaako api ka ba kana'umpe inanggano singge mia ta inarahakoako api atuu.

PILIPI 1:20

Hangano anu tedoa kinekewoiku ka pinerorohiku onaemo nine a luwuakoano nahi aku mokoko'ii, tendeano kanakoa mpiha, kanatuu koa mbo'u kanandio-andio, Ondae i Kerisituu mengkaa Dopinokomaramba a ngkoroiku, moiko tuwuku maupo mateku.

PILIPI 3:10

Po'eheno aroaku onaemo ka kuto'ori Ira ka pabawano pewangu-Do ka tepo'asaa a nteweweu nsa'o-Do, ka kugagi mengkenaako Ira a matea-Do,

PILIPI 3:21

anu Ira balio koroito anu mongkokolaro andio, ranta ka ikana koroi-Do anu maramba, montonda pabawa-Do anu mokompetuunduo luwuakoano ndi Ondae.

PILIPI 3:8

Tendeano luwuakoano kutuduo rugi, hangano ponto'ori mongkona Ondae i Kerisituu Yesu, Ueku, marambaopo sekono luwuno. Hangano koa Ondae kupotolaomo luwuno atuu ka tumuduo rompo, ka kuhawe Ira koa i Kerisituu,

1 TESALONIKA 2:16

hangano inehedo mentombolei kami mempaleleo pau-Do i Ue tekaduduiado tongku susua. Kanandiomo nahi dompenaa-naa mpontiangi halado hawe ka isompo porokono ka kanandio-andio i'alu iramo luwuno pontekudaako.

1 TESALONIKA 5:4

Sine omiu, pepaekompoku, komba mentuwu komiu a laro wongi-wongia, ranta ka imansa humawe komiu oleo atuu kana mia monako,

1 TIMOTIU 6:20

Hei Timotiu, pekariaomo hapa anu umariomo upine'ala-alaako. Olaiakono pau anu nahina tuduno ka anu nahi mempori ka luwuno teposisalaa anu mepu'u inso a hapa anu pinau ponto'ori,

2 TIMOTIU 1:14

Pekariaomo arataa anu tekosi, anu Dope'ala-alaakitamo, hangano Penaa Mempori anu mo'ia i laroto.

2 TIMOTIU 1:16

Po'ineeomo Ondae i Ue ka Dopopokitao pe'aroa-Do a nsomborino i Onesiporu anu mararuomo ipokomawongkoo aroaku. Nahi mokoko'iino tepohaweakune a laro torungku.

2 TIMOTIU 1:18

Po'ineeomo Ondae i Ue ka Dopopokitaakono pompehohawa-Do a oleo-Do. Hadio ntu'u pompekakaakono i Epesu omue lalu tumo'orio sekono ongkue.

2 TIMOTIU 1:8

Gaagi si mo'o'anu mesakosii mongkona Ondae Ueto ka si mo'o'anu hangano ongkue, asa mia hinuku hangano Ondae, tendeano petondamo marasaiakono Lele Mawongkoa-Do hangano roso-Do Ue Ala.

2 TIMOTIU 2:9

Hangano pompalelea Lele Mawongkoa andio ka kumarasai, tendeano pinongu mengkena mia mosa'o, sine pau-Do Ue Ala pinalele mpiha.

2 TIMOTIU 4:8

Kanandio-andio pinatindaako akumo ramba-ramba ulu menteea anu Ira weeakune i Ue, Puu mpobitara anu moleo, a oleo-Do; sine komba butu ndi ongkue, tendeano a luwuno mbo'u mia anu kumekewoio hawea-Do.

TITU 3:8

Pau andio mentee ka ineheku ka upokomorosoo ntu'u, ka luwudo anu mpompe'ala-ala iramo ndi Ondae Ue Ala ka dompe'o'osu ntu'u meweweuo anggaa anu moiko. Onaemo anu moiko ka mentudu a mia.

IBARANI 12:2

Aiwamo tomeweweuo saru mata anu te'aro ndi Ondae i Yesu, anu wawa kita a pompe'ala-ala, ka anu wawao pompe'ala-alato atuu a sompoano, anu nahi Doperioo mokoko'iia mpo'asao aroato po'ahao keu pinotamba euno po'undea anu Dopinatindaako, anu kanandio-andio mentoro i koanano kadera poparentaa-Do Ue Ala.

IBARANI 2:18

Nde hangano Ondae isa'a tebobarasaiako po'ara-arahako, ka Dopokotulungi ira anu me'inara-arahako.

IBARANI 7:25

Onaemo pu'uno ka Dopolio koa mbo'u kumadudui ira ntu'u luwuno mia anu me'aiwa ndi Ondae Ue Ala hangano Ondae. Hangano Ondae tuwu wela mpiha gagi Peposombudo.

1 PETURU 1:5

Onaemo omiu anu tepekaria a laro roso-Do Ue Ala hangano pompe'ala-alamiu kontongaamiu mensikorio tekaduduia anu pinatindaomo ka ipinokomengkaa a mpokotompaano tempo.

1 PETURU 4:16

Sine, tewala onae marasai gagi to Kerisituu, ka siimo imokoko'ii, tendeano moikoomo ipelangkai Ira Ue Ala a nee-Do i Kerisituu atuu.

1 PETURU 4:19

Onaemo pu'uno moiko mbo'u ondae anu asalakono ntebobarasai hangano po'ehe-Do Ue Ala, mpeweengakono sumangado, saru wela mpoweweu moiko, ndi Ondae anu Mompokogagi nahi Dobali.

YUDASI 1:24

Ndi Ondae, anu pabawa modagai ka si ntetidu ka anu wawa komiu nahina tataano ka buke mawongkoa i arono maramba-Do,