2 TESALONIKA 3:3 - Wunta Mempori

³ Sine Ondae i Ue pine'ala-ala Ira. Ira mokorosoo aroamiu ka mekaria komiu inso a wineweu anu mosa'o.

2 TESALONIKA 3:3 ပူးပေါင်းရင်းမြစ်များ

Tegagia 48:16

ka kana Mala'eka anu motola akumo inso a luwuno masolaa, Po'ineeomo Ondae anu rumonso ira mia mongura andio. Po'ineeomo neeku saru needo ueku ka amaku, i Burahima ka i Saki, telele hangano ondae ka ira tetiangi hadiodo i tolino.”

1 Tawarika 4:10

I Yabesi mebooli ndi Ondae Ue Alado to Isaraeli, ipotae, ”Po'ineeomo ka Ironso aku tehadio ntu'u ka mokomolueo witaku. Po'ineeomo kae-Miu kumongkomi aku ka dumagai aku inso a masolaa, ranta nahi sepi aku mahakia!” Po'emano atuu Do'induo Ue Ala.

Po'unde-unde 121:7

Ondae i Ue Ira dumagaiko a luwuno masolaa; Ira dumagaio penaamu.

Po'unde-unde 19:13

Isemake anu mokonto'orio sala peleluno onaeno? Ipotola akumo inso a hapa anu nahi kupokonto'orio.

I MATIU 5:37

Tewala mentee, asalakono impotae: mentee, tewala naahi, asalakono impotae: naahi. Hapa anu lalo umarino atuu te'inso ndi mosa'o.

I MATIU 6:13

ka si wawa kami a laro po'ara-arahakoa, sine Ipotola kamimo inso ndi mosa'o. [Hangano Omiumo anu me'ueo Poparentaa ka pabawa ka marambaa ranta nahina tampulaano. Ami.]

I LUKASI 11:4

ka I'ampuniakamimo halamami, hangano omami mbo'u me'apunio sompo mia anu sala ndi omami; ka siimo Iwawa kami a mpo'ara-arahakoa.”

I YOHANE 17:15

Komba Ku'emao, ka I'ala ira inso i wawontolino, sine ka Idagai ira inso ndi mosa'o.

1 KORINTI 1:9

Ondae Ue Ala, anu moboi komiu a ntepo'asaa saru Ana-Do i Yesu Kerisituu, Ueto, anu nahi bali.

1 KORINTI 10:13

Luwuno po'ara-arahako anu pinembasaimiu onaemo luwuno po'ara-arahako anu lano dompembasaio mia, anu nahi laloio rosono mia. Hangano Ondae Ue Ala nahi bali pokongkomi-Do ka onaemo pu'uno nahi Ira mo'inee komiu ka ime'inara-arahako lumaloio rosomiu. Tempono ime'inara-arahako Ira moweeakomiu sala peluarakoa, ranta ka impokotembio.

1 TESALONIKA 5:24

Ondae anu moboi komiu mempori Ira, Ondae koa mbo'u Ira umihiio.

2 TESALONIKA 2:17

po'ineeomo ka itareroo ka mokorosoo aroamiu a anggaa ka pau anu moiko.

2 TIMOTIU 4:18

Ka Ondae i Ue Ira motola aku inso a sompo tinoo anu mosa'o. Ira kumadudui aku, ranta ka kupewinso a laro Poparentaa-Do i suruga. Tia-Domo marambaa ranta nahina tampulaano! Ami.

1 PETURU 5:10

Ka Ondae Ue Ala, pu'uno luwuno pe'aroa, anu moboi komiumo ndi Ondae i Kerisituu a maramba-Do anu nahina tampulaano, Ira mokosompo komiu, rumonso komiu, mokomokora komiu ka mokoroso komiu, umarimiu ntebobarasai asa tempo.

2 PETURU 2:9

ka mengkaa, nine Ondae i Ue tumo'orio kumadudui ira mia mpesomba ntu'u inso a mpo'ara-arahako ka tumo'orio numaa ira mia mpoweweu mosa'o ka domebinobarasai a oleo pobitaraa,

YUDASI 1:24

Ndi Ondae, anu pabawa modagai ka si ntetidu ka anu wawa komiu nahina tataano ka buke mawongkoa i arono maramba-Do,