2 TESALONIKA 2:4 - Wunta Mempori

⁴ onaemo anu umewa tumuduo koroino mantande i wawono luwuno anu pinau ke anu pinesombai kana Ondae Ue Ala. Tamoako onae mentoro a Raha-Do Ue Ala ka ipepokomengkaa kana Ondae Ue Ala.

2 TESALONIKA 2:4 ပူးပေါင်းရင်းမြစ်များ

Yesaya 31:3

Hangano to Masiri mia koa, komba Ue Ala, ka ngarado onaemo anu ta tampula, komba penaa. Tewala Dotandeo i Ue kae-Do, telendoomo anu montulungi ka tedontaomo anu tinulungi, ondae mepingko luwu mate mperonga-ronga.

Yehesikieli 28:2

”Hei anano mia, pauakonomo mokole i Tirusi: Kanandiomo pau-Do Ue Ala: Hangano omue mompelangka-langkai ka motae: Ongkue andio Ue Ala! Ongkue mentoro a ngkadera poparentaa-Do Ue Ala i tonga-tongano tahi malua. Kahinaano omue mia, komba Ondae Ue Ala, maupo aroamu numaao koroimu mengkena saru Ondae Ue Ala.

Yehesikieli 28:6

Onaemo pu'uno kanandiomo pau-Do Ue Ala, Hangano aroamu numaao koroimu mengkena saru Ondae Ue Ala,

Yehesikieli 28:9

Nde da komotaeke, ’Ongkue andio Ue Ala!’ i arodo anu mpepateko? Kahinaano a ngkaeno anu tumoboko omue onaemo mia, komba Ondae Ue Ala.

Danieli 11:36

Mokole atuu ta moweweu po'eheno aroano. Onae ta mompelangka-langkai a sompo pinesombai. Ndi Ondae mbo'u Ue Ala anu mewawoio luwuno pinesombai onae ta mepauako pau anu nahi pototono, ka onae ta mehasili hawe tompaano tekuda atuu, hangano hapa anu pinakosiomo ta gagi.

Danieli 11:45

Onae ta mompontade kema langkaino pabawano i olono tahi ka Torukuno Tekosi anu mempori atuu. Sine ta humaweo mateano ka nahina maupo te'asa mia tumulungio.”

Danieli 7:25

Onae ta pauo pau anu umewai Ira Anu Tedoa Mantande, bobarasai ira mia mempori-Do Anu Tedoa Mantande, ka merokuhi balio tempo ka songka. Ira mempineweengako a ngkaeno i larono asa tempo ka orua tempo ka entonga tempo.

Danieli 7:8

Kontongaaku mekokoongako ira tandu atuu, tengkita tuwu i olono asa tandu susua anu kodei ranta otolu inso a ntandu se'eluno atuu tebuta. A ntandu atuu tengkita hinao mata kana matano mia ka nganga anu mompelangka-langkai.

WINEWEUDO TINENA 17:23

Hangano tempono kupelempa-lempa a ngkotamiu ka kumikita ira parewa pinesombaimiu, kuhaweo mbo'u aasa meda pontunua pesomba meburi: Ndi Ondae Ue Ala anu nahi tino'ori. Hapa pinesombaimiu nahi imento'orio, onaemo anu kupaleleakomiu.

1 KORINTI 8:5

Hangano maupo hinao hapa anu nineeako ”pinesombai susua,” moiko i suruga, maupo i tolino – ka lano mentee hadio ”pinesombai susua” ka hadio ”ue” anu kanandio –