2 Tawarika 9:8 - Wunta Mempori

⁸ Unde Iramo i Ue, anu memoiko komiu ranta Dopotoro komiu a wawo ngkadera poparentaa-Do gagi mokole a nee-Do i Ue, Ue Alamiu. Hangano Ondae Ue Alamiu mehohawa ira to Isaraeli, onaemo ka Dopakosi ira ranta nahina tampulaano, ka mokogagi komiu mokoledo kai poweweu moleoa ka menteea.”

2 Tawarika 9:8 ပူးပေါင်းရင်းမြစ်များ

2 Samueli 23:3

Ondae Ue Alado Isaraeli mepau, torukuno watu Isaraeli mepau ndi ongkue: Tewala asa mia moparenta mia a moleoano, moparenta ka doitoako Ira Ue Ala,

2 Samueli 8:15

Kanandiomo i Daudi moparenta a luwudo to Isaraeli. I Daudi tumeahakono moleoa ka menteea a luwuno tongkuno.

1 Mokole 10:9

Unde-unde Iramo i Ue, Ue Alamiu anu biniki komiu ka motoro komiu a ngkadera poparentaa i Isaraeli! Hangano Dopehohawao i Ue Isaraeli ranta nahina tampulaano, Dopotorokomiu gagi mokole kai weweuo moleoa ka menteea.”

1 Mokole 3:28

Rumongeo pomputusi anu doweeakono mokole, luwuno to Isaraeli gagi iramo pelangkai ira mokole, hangano domengkitao nine ponto'ori inso ndi Ondae Ue Ala kongko i laro aroano ka ipoweweu moleoa.

1 Tawarika 17:22

Iweweu iramo bawaa-Miu Isaraeli gagi bawaa-Miu ranta nahina tampulaano ka Omiu, oo Ue, gagi Ue Alado.

1 Tawarika 28:5

Inso i olodo luwuno anaku, hangano Dopowee akumo i Ue hadio anaku, Dobinikiomo anaku i Salomo kai pentoro a wawo ngkadera poparentaa-Do i Ue a nto Isaraeli.

1 Tawarika 29:10

Umarino atuu i Daudi umunde-unde Ira i Ue i arono matado luwuno bawaa atuu. Mepauomo i Daudi, ”Inunde-unde Komiumo, oo Ue, Ue Alano i Isaraeli, amamami, inso i ndi'ipua ranta nahina tampulaano.

1 Tawarika 29:20

Ka i'amba mepauomo i Daudi a luwuno bawaa atuu, ”Unde-unde Iramo i Ue, Ue Alamiu!” Luwuno mbo'u bawaa umunde-unde Ira i Ue, Ue Alano uempu'udo. Mpenggolontu ira ka mpesomba ndi Ondae i Ue ka ndi mokole.

1 Tawarika 29:23

Ka i'amba i Salomo mentoro i wawono kadera poparentaa-Do i Ue, gagi mokole umeuo i Daudi, amano. Onae tedoa mehasili, ranta sompo to Isaraeli mperorongeakono pinauno.

2 Tawarika 13:8

Kanandio-andio impewowoloo nine komiu mempolio umaropio poparentaa-Do i Ue, anu a laro ngkaeno inuleno i Daudi, hangano mehadio komiu ka kongko ndi omiu anano sapi wulaa anu wineweuno i Yerobea gagi pesombaamiu.

2 Tawarika 2:10

Tiado luwuno mia mpo'angga anu mpontuehi keu aku moweeako ira rua pulu nsowu kori gandu, rua pulu nsowu kori jelai, rua pulu nsowu bati anggoro ka rua pulu nsowu bati lana gagi kaangado luwuno atamiu atuu.”

2 Tawarika 2:11

I Hurami, mokole i wita Tirusi mo'oliwi wunta sulono ndi Salomo, unino, ”Hangano Ondae i Ue mehohawa ira bawaa-Do, Dopotoro komiumo gagi mokoledo.”

2 Tawarika 9:7

Meme'ura iramo miamiu ka meme'ura iramo pegawaimiu anu wela mpekakaakomiu ka mengkitao ponto'orimiu!

2 Tawarika 9:9

Ka i'amba moweeakono mokole asa etu ka rua pulu talenta wulaa, rampa-rampa anu tedoa hadio, ka paramata anu masuli olino. Nami hori hina mbo'u rampa-rampa kana anu iweeakono mokole beine i wita Seba ndi mokole Salomo.

Po'unde-unde 18:19

Ondae mentowoki aku a oleo urasa'oku, sine Ondae i Ue gagi pehondaaku;

Po'unde-unde 22:8

Luwuno anu kumita aku menggari-nggari aku, ondae mebiuo wiwido, mebitu-bituo uludo,

Po'unde-unde 72:2

Po'ineeomo ka ibitara ira bawaa-Miu a moleoa ka mia-Miu anu ntepokonsii menunu songka!

Po'unde-unde 99:4

Omiu Mokole anu moroso, anu mongkekewoi songka, Omiumo anu kumorahakono menteea; songka ka moleoa i olodo inuleno i Yako, Omiumo anu weweuo.

Powadi 21:3

Moweweu menteea ka moleoa Dopemoikoopo i Ue sekonopo pesomba.

Powadi 29:4

Saru moleoa mokole kumorahakono wita, sine mia anu motuntu hadio sima'ulu kumale-kaleo.

Yesaya 42:1

Kitao, atuu tetenaa-Ku anu inini-Ku, mia bininiki-Ku, anu ndi onae Kupemoikoo. Kunaaomo Penaa-Ku ndi onae, ka ipokomengkaao songka a luwuno tongku.

Yesaya 62:4

Omue nahi kopinau mbo'u ”beine anu bininta”, ka witamu nahi ta pinau mbo'u ”beine nahi pinerio”, sine omue konineeako ”beine inehe-Ku” ka witamu ”beine hinao tamano”, hangano Ondae i Ue inehe-Do ndi omue, ka witamu ta hinao tamano.

Yesaya 9:7

Doluarakonomo i Ue pau-Do ndi Yako, ka pau-Do atuu umaluo Isaraeli.

Winali 7:8

Sine hangano Dopehohawa komiu i Ue ka Do'inio sumpa anu Dopauomo ndi ondae uempu'umiu, Dowawa komiumo i Ue mpeluarako saru kae-Do anu moroso ka tumolosi komiu inso a mpo'ianga tepe'ataa, inso a ngkaeno i Pirao, mokole i wita Masiri.