2 Tawarika 9:24 - Wunta Mempori

²⁴ Ondae me'aiwa singge mowawa pesombano, onaemo luwuno sangka salaka ka wulaa, sangka, parewa mpetea, rampa-rampa, ngara, ka bagali; kanandiomo teweweuno ta'u me'eu ta'u.

2 Tawarika 9:24 ပူးပေါင်းရင်းမြစ်များ

1 Mokole 10:10

Umarino atuu iweeakono mokole Salomo asa etu ka rua pulu talenta wulaa, rampa-rampa anu hadio ntu'u ka watu paramata anu motungko olino. Nami hori mbo'u hawe rampa-rampa kanatuu hadiono kana anu iweeakono mokole beine inso i Seba ndi mokole Salomo.

1 Mokole 10:25

Singge mia aiwa mowawa pesombano, luwuno parewa salaka ka wulaa, sangka, parewa mpetea, rampa-rampa, ngara ka bagali. Kanandiomo sompo-sompo ta'u.

1 Mokole 9:14

I Hirami umariomo mo'oliwiakono mokole asa etu rua pulu talenta wulaa.

2 Tawarika 17:11

Inso i olodo to Pelisiti hinao anu mowawa pesomba ndi Yosapa ka salaka gagi peki'ue. To Ara mbo'u mpowawa ndi onae asa bawaa bembe bimba: bimba lakino pitu nsowu ka pitu etu ka bembe lakino pitu nsowu ka pitu etu.

2 Tawarika 9:23

Luwuno mokole i tolino mpotoo mpe'aro ndi Salomo ira mensakosiio ondaedo ponto'orino anu Doweeakonomo Ue Ala i laro aroano.

2 Tawarika 9:9

Ka i'amba moweeakono mokole asa etu ka rua pulu talenta wulaa, rampa-rampa anu tedoa hadio, ka paramata anu masuli olino. Nami hori hina mbo'u rampa-rampa kana anu iweeakono mokole beine i wita Seba ndi mokole Salomo.

Ayubi 42:11

Ka i'amba luwuno pepaekompono tama ka beine saru luwuno tepoto'orino i ndi'ipua me'aiwa ndi onae ka mpongkaa meronga saru onae i rahano. Mpetonda ira mpompemasusa ka mentareroo hangano luwuno urasa'o anu Dopokonaakono i Ue ndi onae. Ondae singge mpoweeakono doi asa kesita ka asa sinsi wulaa.

Po'unde-unde 68:30

Hangano raha-Miu i Yerusale, luwuno mokole mpohaweo pesomba ndi Omiu.

Po'unde-unde 72:10

po'ineeomo luwuno mokole inso i Tarasisi ka luwuno togo dompowawa pesomba; po'ineeomo luwuno mokole inso i Sieba ka Seba dompowawa peki'ue!

Puu Mpobitara 3:15

Ka do'amba to Isaraeli mpebooli ndi Ondae i Ue, ka Ondae i Ue moweeako ira asa mia pontolosi onaemo i Ehu, anano i Gera, to Benami, onae mia manggali. I Ehu gagi mia i olono to Isaraeli mo'oliwi peki'ue ndi Egelo mokole to Moabi.

1 Samueli 10:27

Sine dompotae mia melambaha, ”Kana'umpe mia andio ta mokokadudui kita?” Dompepaukiakono ka nahi dompowawa pompowee ndi onae. Sine nahi perio ira.