2 Tawarika 9:1 - Wunta Mempori

¹ Mansano rumongeo mokole beine i wita Seba teleleno i Salomo, onae aiwa i Yerusale mingki umarahakono i Salomo moweeakono pesikeno anu memotungko. Onae domentondao sorodadu anu tedoa hadio ka luwuno unta anu mpowawa rampa-rampa, hadio wulaa ka watu paramata anu masuli olino. Mansano hawe ndi Salomo, ipauakono luwuno anu kongko i laro aroano.

2 Tawarika 9:1 ပူးပေါင်းရင်းမြစ်များ

Tegagia 10:28

i Obala, i Abimaeli, ka i Sieba,

Tegagia 10:7

Inuleno i Kusi, onaemo i Seba, i Hawila, i Sabata, i Raema, ka i Sabeteka. Luwuno anano i Raema, onaemo i Sieba, ka i Dedani.

Tegagia 25:3

I Yokisani hinao anano i Sieba ka i Dedani. Inuleno i Dedani, onaemo to Asuri, to Letusi ka to Leumi.

1 Mokole 4:31

Onae pandeopo mosongka sekonopo luwuno mia, maupo sekono i Etani, to Eserahi ka i Hemani, i Kalikoli saru i Darida, luwuno anano i Maholi. Onaemo pu'uno neeno telele i olodo luwuno tongku petengi-tengino.

2 Tawarika 1:1

I Salomo ana ntamano i Daudi komoro-morosono a pentoroano gagi mokole. Ondae Ue Alano kumongkomio ka weweuo pabawano tedoa langkai.

2 Tawarika 1:12

Onaemo pu'uno pande mompewowolo ka ponto'ori Aku weeakomu. Aku koa moweeakomu mbo'u pompoli, arataa ka marambaa anu nahi hori hina a luwuno mokole se'eluno omue ka nahi ta hina a luwuno mokole umarino omue.”

2 Tawarika 9:2

I Salomo sumangkio luwu pesikenono. Ndi Salomo nahina anu tewuni, anu nahi pokopauakono mokole beine atuu.

2 Tawarika 9:9

Ka i'amba moweeakono mokole asa etu ka rua pulu talenta wulaa, rampa-rampa anu tedoa hadio, ka paramata anu masuli olino. Nami hori hina mbo'u rampa-rampa kana anu iweeakono mokole beine i wita Seba ndi mokole Salomo.

Po'unde-unde 142:2

Meboo-booli aku meroku ndi Ondae i Ue, meroku kupo'ema pompehohawa ndi Ondae i Ue.

Po'unde-unde 49:4

Ngangaku ta mompau ponto'ori anu mentee, ka pine'ihilarono aroaku mopoto'orio pengkonaano.

Po'unde-unde 72:10

po'ineeomo luwuno mokole inso i Tarasisi ka luwuno togo dompowawa pesomba; po'ineeomo luwuno mokole inso i Sieba ka Seba dompowawa peki'ue!

Po'unde-unde 72:15

Tuwu iramo mokole! Po'ineeomo ka ipinesombaako ndi onae wulaa Sieba! Po'ineeomo ka ipinekakaiako mpiha, ka pino'emaako ronso hawe sumoo oleo!

Po'unde-unde 78:2

Aku menganga mohaweo powadi, aku tumutuluo singguru inso a tempo se'eluno.

Powadi 1:6

ka itino'ori powadi ka potundaano, pauno mia pande mosongka ka singgurudo.

Yesaya 60:6

Hadio ntu'u unta ta buketio witamu, unta memongura inso i Midia ka Epa. Luwudo ira me'aiwa inso i Sieba, mpowawa wulaa ka dupa, saru mempaleleo tepalele-Do i Ue.

I MATIU 12:34

Hei omiu inuleno ule me'ipo, kana'umpeke ka komiu mpokopau ira anu moiko, kahinaano omiu mia memosa'o? Hangano anu pinauno wiwi meluarako inso i aroa.

I MATIU 12:42

I tempono pobitaraa, mokole beine inso i selata atuu ta mentade saru mia andiodo ka onae ta humuku ira mbo'u. Hangano mokole beine andio aiwa inso i tompano tolino ta rumongeo ponto'ori menteeno i Salomo, ka menteeano anu kongko i ndi'ai laluaopo sekono i Salomo!”

I MATIU 13:11

Sumangki Ira i Yesu, ”Ndi omiu mewineeako ka imento'orio rahasiano Poparentaa Suruga, sine ndi ondae naahi.

I MATIU 13:35

ka i'inihii koa pau anu pinaudo nabi, ”Aku mepau pauo potundaano, Aku pauo anu tewuni mompu'u ipinokogagi wawontolino.”

I MATIU 2:11

Ka mpewinso iramo i laro raha atuu, ka mengkitao nana'ote atuu saru i Maria, ine-Do, ka do'amba mpenggolontu mpesombai Ira. Ondae mbo'u me'ungkahio ponaapa arataado ka dompesombaakono pesomba ndi Ondae, onaemo io wulaa, dupa ka mire.

I LUKASI 11:31

I tempono pebitaraa, mokole beine inso i Selata atuu ta mentade saru mia andiodo ka onae ta humuku ira. Hangano mokole beine andio hawe inso i tompano tolino ta rumongeo ponto'orino i Salomo, ka menteeano anu kongko i ndi'ai lauaopo sekono i Salomo!

1 Samueli 1:15

Sine sumangki i Hana, ”Komba kanatuu, ue, ongkue andio asa beine anu tedoa me'isei aroaku. Nahi kupo'inu anggoro ke inua anu mompokomolangu, sine kuluarakono ihino aroaku i aro-Do i Ue.