2 Tawarika 7:14 - Wunta Mempori

¹⁴ ka bawaa-Ku anu ndi onae pinau nee-Ku, ka ipe'urumako, mekakai ka aiwa ndi Ongkue ka itepidi inso a luwuno halano anu mosa'o, manasa Aku rumongeo inso i suruga ka umampunio halado, saru momuleo witado.

2 Tawarika 7:14 ပူးပေါင်းရင်းမြစ်များ

2 Tawarika 20:3

I Yosapa gagi doito, ka i'amba putusio umungke Ira i Ue. Itena ira luwuno Yehuda ka domempuasa.

2 Tawarika 20:4

Ka Yehuda mpepumpu ka dompo'ema pontulungi inso ndi Ondae i Ue. Ondae me'aiwa inso a luwuno kota i Yehuda umungke Ira i Ue.

2 Tawarika 6:27

po'ineeomo ka Iperorongeako ira mbo'u i suruga ka umampunio halado tetenaa-Miu, bawaa-Miu Isaraeli, hangano Omiumo anu montisoako ira sala anu moiko anu asalakono domentondao. Po'ineeomo ka Ipompotii usa a wita-Miu anu Iweeako iramo bawaa-Miu gagi tia pusaka-Do.

2 Tawarika 6:30

po'ineeomo Iperorongeakono i suruga po'ianga-Miu mpiha. Po'ineeomo I'ampunio, Iweweuo ka sumuloo sompo mia menunu saru luwuno wineweuno, hangano Omiu tumo'orio aroano. Mentee ntu'u butu koa Omiu anu tumo'orio aroano luwuno anano mia,

2 Tawarika 6:33

po'ineeomo Irongeo i suruga, inso a mpo'ianga-Miu mpiha. Po'ineeomo Iweweuo menunu saru luwuno anu pinebooliakono mia hawe atuu ndi Omiu, ka luwuno tongku i tolino tumo'orio nee-Miu ka dumoitoa-Komiu mengkena kana bawaa-Miu Isaraeli. Gagi ira mento'orio nine raha anu umariomo kuwanguo andio pinakosi tiano nee-Miu.

Po'unde-unde 27:8

Mongkona Omiu ipotae aroaku, ”Ungkeomo rupa-Ku” ka rupa-Miu ku'ungkeo, oo Ue.

Po'unde-unde 60:2

tempono ipeteaako ira to Arami-Mesopotamia ka to Arami-Soba, ka tempono i Yoabi mansano mekule numangi iramo hopulu ka orua nsowu to Edomi i Lembono Mopa'i.

Powadi 28:13

Isema wunio halano nahi ta me'ura, sine isema mangakuakono ka bintao ta pinehohawa.

Yesaya 45:19

Nahi Kuhori mepau rahasia ke a wongi-wongiano i tolino. Nahi Kuhori mepau a inuleno i Yako ’ime'ungke Aku a mpo'ianga anu mooa!’ Ongkue, Ue, wela mepau mentee, wela mompau hapa anu moleo.”

Yesaya 59:20

Ira hawe gagi Puu Pontolosi tiano Sioni ka tiado inuleno i Yako anu ntepidi inso a mpe'ewado, kanandiomo pau-Do i Ue.

Yesaya 63:19

Kana ntu'u mompu'u i ndi'ipua se'eluno nahi kimehori mpo'ia i totono poparenta-Miu, kana ntu'u omami nahi hori pinau saru nee-Miu.

Yeremia 14:9

Tembio ka Ikana mia bulalingo, kana puu mpetea anu nahi polio montulungi? Sine, Omiu kongko i olomami, oo Ue, ka omami pinau montonda nee-Miu. Si binta kami!”

Yeremia 33:6

Menteeano, Aku mompotii ndi ondae tompaa ka pompokomoiko, ka Aku mokotompa ira ka mosabaako ira sintuwu ka rodoa anu hadio ntu'u.

Yeremia 50:4

I tempo atuu, kanandiomo pau-Do i Ue, to Isaraeli ira mehawe, mperonga to Yehuda; ira mpelempa saru mpengese ka umungke Ira i Ue, Ue Alado.

Yeremia 51:9

Kami mpokotompao Babeli, sine nahi ta tompa. Bintaomo onae, aiwamo tompekule singge mia lumako i witano! Mentee ntu'u, pohukua haweomo i langi, tehaweomo a nseru!

Yeremia 8:22

Nahinake balasee i Gileadi? Nahinake dotoro i ra'ai? Tembioke napi hawe koa mbo'u pomuleado ana beineno tongkuku?

Yehesikieli 33:11

Pauako iramo: Hangano Ongkue anu tuwu, kanandiomo pau-Do Ue Ala, nahi Kupe'eheo mateno mia mosa'o gauno, tendeano inehe-Ku a mpepokuleno mia mosa'o gauno atuu inso a nsala ntumuwuno ka ituwu. Pepokulemo, Pepokulemo inso a nsala ntumuwumu anu mosa'o wineweumu atuu! Tembio ka i'asalakono komiu memate, hei suku Isaraeli?

Yehesikieli 33:12

Omue, anano mia, pauako iramo mia pe'asa tongkumu: Menteeno mia mentee nahi kaduduio i tempono itedonta a polimpaia, ka mosa'ono mia mosa'o gauno komba onae itetiduako i tempono ipepokule inso a gauno anu mosa'o; ka mia mentee nahi pokotuwu hangano menteeno, i tempono ipoweweu hala.

Podoaa 6:27

Kanandiomo asalakono domenaao nee-Ku a nto Isaraeli, ka Aku rumonso ira.”

WINEWEUDO TINENA 9:11

Pau-Do i Ue, ”Aiwa, lakomo a nsala anu meneeako Sala Moleo, ka ungkeomo a rahano i Yudasi asa mia inso i Tarusu anu meneeako i Saulu. Kanandio-andio onae mekakai,

Winali 28:10

Manasa luwuno tongku i tolino ira mengkitao, nine nee-Do i Ue pinau ndi omiu, ka ira medoito ndi omiu.